محفور اسمك ياكويت

[الخيالي]

ا


اهداء للكويت واهله

فديت لك عمري فديــت
روحي ثمن حبك عطـيت
ياغالية في خافقـــــــــي
محفور أســمك يالكويت

فتَحت عيــني بهالزمان
جيتك حويتينــــي بحنان
مايوم قصرتـــــي معاي
أومنك حســــيت بهوان

مهما حصل مهما جرى
مانرخــــص بحبك ترى
ومهما سمعنا من حكي
مانلتفت معهـــــم ورى

خيرك شـمل كل العرب
من ينكـــــره والله كذَب
غير الشكر مانرتجـــي
منهــــم ولا نحمل عتب

شعب الأصالة طيبــته
صدق المعانــي كلمته
ياكويتنا شعبك أبـــــي
مخلص بحب قيــــادته

أنتي الأمل صبح الأمل
أنتــــــي بدر ليل أكتمل
فيك المعانــــــي تبتدي
وأحلا نهايــــات الجُمل

فديت لك عمري فدــيت
روحي ثمن حبك عطيت
ياغالية في خافقــــــــي
محفور أسمك يالكويت

[الغند]

فدييييييت الكويت واهلها
وسلمت يالخيااالي ع الانتقاء الجميل

[الخيالي]

الله يسلمك ياعنود حيي
مرورك شرف
الله يسلمك يارب

[همس الجنوب]

نقله رائعه
يعطيك العافيه ولاهنت

[رسمتك بسمه]

ونعم ب الكويت و اهلها
وطابت لياليك

[الـود طبعي]

تسلم اخوي عالابيات الحلوة في الكويت

وربي لا يخلينا من اهلنا وحبايبنا في المملكة الحبيبة

وعساك عالقوة

[رواء الروح]

إنتقاء جميل
سلمت اخويا ع الذائقه المترفة
طبت

[المحيط]

والله تستاهل الكويت
الكويت به اهلنا ونسايبنا

الله يعطيك العافيه