صوت ذابل

[براق]

مدخل


أنت ِ وينك ؟
ليه اخاف من اتفه اشياءك
اذا تجرح يدينك ؟
كيف ما اهاب الفراق
و دمعتينك !!
لين ضاقت بي .. وساع
الا الوداع ..
الا الوداع ..
الا الوداع ..
جعلها تبطي سنينك
من تشابه لك صفات ؟
ليا رحلت ِ !
و امنيات ..
حتى لا منك زعلت ِ
اطيب اطيب قلب ما بين .. البنات
بس وحدك !
تشبهينك ..
لـ ( الممات )




عمق







ابتسامه فراقك .. و القدر .. و الحنين
اتّجمع على طاريك و تعاتبك




كل شي فـ غيابك مثل مـ انت ِ تبين
صوت ذابل ..مقابل.. قلب ما مات بك




هي عيوني تحسبك اول الراحلين !
ما درت بـ ان قلبي سافر و بات بك




استميحك اذا ودك عشاني تجين
كل مابي اساسا ً ( كل الاوقات بك )




يكفي اني رغم وسع الفضا .. بك سجين
تسرق عيوني طيوفك ليا جات بك




كل ليله مضت تاخذ لك من السنين
الف ضحكه من اعماقي و لمحات بك




و اطق بابك و لكن كل ما قيل مين
آتلعثم و احس الوقت قد فات بك




و لا تذكرت بأني من غيابك حزين
قلت ( احبك ) و ربي للحزن كاتبك






مخرج



و ْ !



سوّ مثلي (http://www.ghimah.com/vb/showthread.php?t=3544)/
لا تخليني وحيد ..تهدّني
كل ساعه
من مشيت .. تردّني
وين رايح ؟
ليا متى .. مكسور / طايح
سو ّ مثلي (http://www.ghimah.com/vb/showthread.php?t=3544)
مدّني
بعض الامل .. تستحقره !!
ياخي رحل مني
اكثره
ليه اعذره ؟
و يحدّني
ارحل الى ابعد مدى
كل الحكي
ميّت عدا :




سوّ مثلي (http://www.ghimah.com/vb/showthread.php?t=3544)/
حبني !


سوّ مثلي (http://www.ghimah.com/vb/showthread.php?t=3544)/
حبني !


سوّ مثلي (http://www.ghimah.com/vb/showthread.php?t=3544)/
حبني !






لارواحكم النقيه

[الغند]

لله دررررررررررك ثم لله دررررررررررررك يا العذب
أنسكاب أعذب من الماي و أرق من قطرات الندى ع خد الزهر
لا جديد على منبع الجزاله والمعاني
رفقا رفقا على أهل القلوب المرهفات ينخاف عليهم من شلالك العذب
ما اقووول غير يجعلني ما أفقدك
صح كلك بكلك ونبض حرفك

[نبراااس]

يسلم شعورك العذب ولاهنت

[وتم بعيد]

ذائقه فخمه كَ العاده شاعرنا
يسلمك ربي على روعتك خيو
الهي يسعدك وَ يرضيك
~

[همس الجنوب]

سُطور آنيقهَ
سَلمت يدآك علىَ هذا الانتقاء العّذب
بِ انتظـآر تميز آخر
..

[على النيه]

نص ممتع حد الارتواء
ندي الحرف
الجمآل مصآحب لك دوماً
دمت بسعآده ,,,

[براق]

عنود منوره الله يسعدك ويرعاك

[براق]

نبرااااس
منور الله يرعاك

[براق]

وتم منوره الله يسعدك ويرعاك

[براق]

الهمس منوره
الله يسعدك ويرعاك

[براق]

على النيه منوره الله يسعدك
ويرعاك