جا لك حبيبي يابحر

[عذبة الجنوب]

[
ALIGN=CENTER]


http://photos-images.net/images/img_2/32c4f1aeb00a12745bf8ec7507f6214a.jpg
جا لك حبيبي يا بحر ،
وادري يحبّك وش كثر !
وقّف على جالك حزين / كلّه تعب
والدمع ما ينزل صعب !
أدري ليا من زعّلوه
يسكت وحرفه ما شكى
وإن ضايقوه ، يبعد وقلبه ما بكى
يصبر على الجرح النديّ ،
ويحط يدّه في يدي ، واليا سألته ما حكى !
هوّن على موجك معه ،
لا يثير صوتك مدمعه
وهوّن عليّ !
أنا يقلّبني الحزن من ضيقته
أنا أموت ولا أحس أحدٍ يزوّد حيرته
أنا تغرّقني الظنون وألدّ وجهي لـ ديرته
لو ما قوت رجلي السفر
لو ما قدرت وما حصل
يكفي الوله منّي وصل
جا لك وقل له لا مشى
قل له : ترى أحبه كثير
ووجهه علي فرح وخير
وإني ترى ما أرضى أبد
يزعل ويتعبه المسير
و اذا الزعل مني أنا / لا ينتظر
يامر على روحي لو انها تحتضر
واذا رحل عنك ورضى
ابيك تذكر ما وطى
اذكر مكانه ، وقفته
وعيون منهو شافته
حتى ليا منّ جيت لك
آقف على نفس المكان
وانسى السوالف والزمان
وامسح على رملك وأشم ، ريحة يدينه وأسألك :
جا لك حبيبي يا بحر ؟
ما قال يحبني وش كثر ؟

[/ALIGN]

[وتم بعيد]

ذائقه جميله يّ عذبه
عوآفي قد السماء حبابه
إلهي يسعدك وَ لا يحرمنا اياك
~

[نبراااس]

يسلم شعورك العذب ولاهنتي

[براق]

ولك من اسمك نصيب ياعذبه
ماطرة الحضور والعذوبه ياانتي
سلمت جوارحك والله يسعدك ويرعاك

[عذبة الجنوب]

وتمينا بعد بعدد الشجر والحجر يسعدك ربي

[عذبة الجنوب]

نبراس لاهنت ويسلم حضورك الراقي

[عذبة الجنوب]

شاعرنا براق اسعدك الله كما اسعدتنى

[عقاب النهار]

يسعد قلبك
علي عذب اختيارك
وصح كلك ولسان كاتبها
تقديري واحترامي