تاريخـي المـوؤود

[براق]

مدخل
وان تعبتـي مـن دروب الهم واضنـاك سـفـري
اذكريني .. تستريـح : الريـح / ويطيـب : المسيـر






واذكـري .. تاريخي المووؤد بانقـاض دهــري
شهقة : الخطوه ( الأخيره ) .. طيحة : الحلم ( الكبير (http://www.gsaidlil.com/vb/showthread.php?t=4737) )




عمق


في داخلي جمر لكـن ما يدفيني
من يشعل النار في صدري ويدفابي




من يجمع الغيم بيدينه ويسقيني
واصب عيني لعينه واحطب اهدابي






من ياخذ النوم من جفني ويسريني
ويعلق الصبح قبل اصحى على بابي






تعبت اوطّن بقلبي شخص ينفيني
تعبت اهجّر حمامِ حب محرابي






تعبت اقطّف حروفي من بساتيني
والناس تُـعجب وانا مانلت اعجابي






يا اول الحب وينك او انا ويني
تغيب عني كأنك تعلن اغيابي






من غبت عني وانا والله مابيني
ضيقت خلقي وضاقت فيني ثيابي






اعد عمري الحقيقي واحسب سنيني
لقيت عمري معك ماجاوز اتعابي






طلبت قلبي وقلت ابشر ومن عيني
واعطيتك اللي تبيه وقلت بسبابي :






يبذر بي الحب من صغره ويجنيني
الين شفتك زرعت الموت بترابي






حريتي معك ! لكن عطني ايديني
اخفي بها حزن متسلطن بأهدابي






محتاج انام ودخيلك (http://www.gsaidlil.com/vb/showthread.php?t=10317) لا تصحيني
الا على ضحكتك ياسيّد احبابي








مخرج




كنت لا جـا الليـل .. قلّطتـه علـى الجفـن الطـري
ليـن نصّبنـي السهـر لعيـون خلـق الله سفيـر !!




وان نفانـي للسهـر - يـا مترفـه – حكـم قـدري
هالسهـر يـا مـا نفـى لـي مـن ضحايـاه الكثيـر




لا أرواحكم النقيه

[هدوء الجوري]

!


واذكـري .. تاريخي المووؤد بانقـاض دهــري
شهقة : الخطوه ( الأخيره ) .. طيحة : الحلم ( الكبير )

احاسيس تتباها بحجم اعماقها
فهيا على يقين بان القلوب شواهد عليها
ودخولها الى الاعماق امرا لايمكن منعه !
حتى ولو كان هناك قلوب تحجرت ؟
شكرا لهذا الجمال الذي اراه هنا
لاحرمنا ابداعك حين يكتمل بحضورك
مودتي

[براق]

سلمتو ياغالين ماخلا ولاعدم