زرعت حلم

[براق]

مدخل


ياصاح ماهي سالفة ضيقة أنفاس
ركز معي محتاج أسولف واثقفّك


لما تحب بصدق وتخونك الناس
من قلبك الي أنغدر ويش موقفك







عمق











جا صباح الحزن ياليل التحدي
عارفٍ صبحـي قديمـه هـو جديـده






مـــا ورا التنـهـيـد ضـيـقـاتٍ تـعــدّي
ومـا ورا الضيقـات شـيٍ تستفـيـده




أنت ! يا اللي غيبتك ظلم وتعدّي
حـي لكـن فـي نظـر عيـنـي فقـيـده




كــل دربٍ مـــا يجـيـبـك مـــا يـــودّي
غـيـر للحـرمـان والـيـاس وقصـيـدة




عاشقك من كثر حزنه وش يبدّي
ما ذكر في غيبتـك لحظـة سعيـده




أنت وظـروف الزمـان المـر ضـدّي
أنـت يـا عنـدك وهـي مثلـك عنيـده




اللـيـالـي فـــي غـيـابـك مـــا تـهــدّي
والعـمـر لــو راح قـلـي وش يعـيـده




صرت احس العمر ياخذني بيـدّي
لـلـضـيـاع ورحــلــةٍ عــنّــك بـعــيــده




ما لقيت من التعب مخلـوق قـدّي
خطوتي فـي رحلـة احزانـي وحيـده




كـل دمعـة لامسـت بالحـزن خــدي
مــا اعتبـرهـا مـيـتـة لـكــن شـهـيـده




وانـت مـع شـكـري وتقـديـري وودي
لا تضـايـق لــو تبـكـيّـك القـصـيـده








مخرج






وش في يدي لمواجه الليل والبرد


وانا ثلاث سنين بالفقد عايش

زرعت حلم وورد ماثمّر الورد

وسكرت في وجه الحنين الدرايش






لأرواحكم النقيه

[هدوء الجوري]

!


كـل دمعـة لامسـت بالحـزن خــدي
مــا اعتبـرهـا مـيـتـة لـكــن شـهـيـده




ابداع شاعرنا

ذوق كحضورك وطرحك الانيق
دمت لبعد حيي

[براق]

منور الغالي هدوء ماخلا ولاعدم من هالطله

[ذوق الحنان]

:
تسلم يدك يا راقي
كلماتكِ فى غاية الجمال والاناقة
خرجت من صلب الابداع ل ترى النور****
تشق عبير الحروف وتتنرح بعنان السماء****
قلم فذ لا يجارى بكلمات الشكر
كن بخير لك الود يطال يمينك احتراماً
ودي ووردي

[براق]

ممتن لتواجدكم ماخلا ولاعدم