زرعتها حب

[براق]

مدخل




ان جيتني تنشد عن الحال ياخـيّ
شف وردتي ذبلت على المزهريه





عمق




عمري رساله قبـل القـى لهـا ساعـي
غدرنـي الوقـت بظـروفـه وقطّعـهـآ



خانتني الريح .. مدري الخاين شراعـي
من غير الآمـال ماتـت قبـل اجمعهـآ



انام واحلم : متى تتعـدل اوضاعـي ..!
واذا صحيت .. آخـذ احلامـي اشيعهـآ



اضحك مع الناس واخفي عنهم اوجاعـي
وان شافني واحد اضحك قـال : بايعهـآ



من بعد ماراحت اغلى نبض فأضلاعـي
وانا المواجـع تصارعنـي واصارعهـآ



كنت انتظرها وانا في نومتـي.. واعـي ..!
اخاف لا أحلم بهـا واصحـي واضيعهـآ



كانت معي تشطب الظلمي مـن شعاعـي
والفجر يوقف علـى البـاب ويشجعهـآ



كانت .. تجي مثل صوت الناي للراعـي
من كثر شوقـي ادورهـا وانـا معهـآ



كنت اشتكيهـا لحـزن الليـل والداعـي
واوصـي البـعـد لاجـاتـه يرجعـهـآ



من كثر مااحـس معهـا قمـة ابداعـي
مااحس روعة قصيدي .. قبـل اسمعّهـآ



اقول : لاماتـت ايامـي مـن الناعـي ؟
وتقـول : الايـام تنعيـهـا مواجعـهـآ



واقول : وجروحك اللي مالهـا داعـي ؟
وتقـول : خـل الجـروح الله يقلعـهـآ



زرعتهـا حـب ياخذنـي لمربـاعـي
ونبتت لغيـري وانـا للعمـر زارعهـآ



خلتني آعيش بيـن الحـزن وضياعـي
مستقبلـي ضيّعـتـه .. الله يضيعـهـآ



مااذكر بكيت .. البكا ماهو من اطباعـي
اليـن مامـرت الـذكـرى بشارعـهـآ



ولاكنت احسب السنين بتلـوي ذراعـي
الا بعـد حطـت ( الدبلـه ) فأصابعهـآ



يالحزن.. رح يمّهـا دام انتـه الساعـي
واخـذ معـك كلمتيـن لـزوم تسمعهـآ



ان كان ندمت بعد ماعرفـت اوضاعـي
فهمهـا بـأن النـدم ماعـاد ينفعـهـآ




وان كانها في شهر .. قدرت على وداعي
انا اربع سنين .. مدري كيف اودعهآ !!!








مخرج






ياخاطري لاتنكسردامنـي حـيّ.
من شان لايفرح عذولـي عليـه







لأرواحكم النقيه

[هدوء الجوري]

ولروحك وقلمك واحساسك وحروفك
جناين ورد مهداه بعناية ،
صح بوحك وكلك ياراقي الهمس
ودي واكثر ..

[هميآنَ]

أحلآمَ مثقوبهَ
وجروحَ مدفونهَ
وسعيٌ ضاعَ أجرهَ
وزرعَ حباً دونَ حصآدهَ


أبيآتَ عطشهَ وتبحثَ لهآ عنَ سآقيَ
ولمَ يخفي الجفاف جمآليتهآ .. ذآئقهَ بآرزهَ سلمتَ ..

[على النيه]

مساء متدثر بالجمآل والإحساس والفقد
براق
وأسم موشوم بالرقي والهطول الربيعي الرآئع
وسمو الذآىقه .. طبت آبدا ,,,

[ذوق الحنان]

تسلم الايادي ابيات ذائقه مترفه
جميله رائعه
تسلم الايادي
ويعطيك الف عافيه

[سليكو]

براق
انته رائع بمعنى الكلمة
كلماات جداا معبره
وان شافني واحد اضحك قـال : بايعهـآ
والله صدقت ماا يدرون وش بالخفوق
يعطيك الله العاافيه
صح الله الساانك
كل الشكر لك

تحيااتي

[رواء الروح]

أحاسيس تتسارع فيها النبضات ..
ويتدفق فيها الشعور ..
محاطة بهالة من الشوق والحب
المعجون بماء الأمل والتمني ..
أحاسيس مغلفة بهمس دافيء لا يكتبه إلا
أصحاب القلوب المرهفة التي تذوقت ماء الحب ..

العزيز .... برآق
الحب شرار شوق مشتعل
هو من يجعل النصوص الأدبية
تبدو في قمة الأناقة والروعة والصدق ..
وهو من يجعل الأبجدية في زهرها وفخامتها
هكذا نصوص تخلق من النسيان حضورا
وتجعل الحياة تمارس تناقضاتها معنا في
ذات اللحظة ..

"
"
"
برآق

لا شُلت يمناك على هكذا رائعة
وما هذا بغريب ..!!
لقلبك مدآئن فرح

[أمير الشمال]

رائع مبدع متميز تسلم الايادي شكرا

[الضـامي]

طرح في غاية الرووعه

تسلم يمينك .. بـ شــووق لجديدك المميز