حل الفراق وحن رايم لمريوم=

[اورنس الضحيك]

حل الفراق وحن رايم لمريوم=
وقوى الفراق اللي كبار دفوفه

أمسيت أنا عيني حريبٍ لها النوم
=كن الأداوي بالنظير محذوفه

أبكي بكا ورعٍ عن الديد مفطوم=
عاجاه غير أمه وكثرت صدوفه

غديت مثل اللي بمسراه منجوم=
مني معاليق الضمير مخطوفه

ونفسي غدت لاهيب منٍ ولاسوم=
وجسمي نحل كن السعاير بجوفه

والقلب جارٍ له سواميح وهموم
=ومن القرادة كل طاري يلوفه

على الذي جاني منه رد وعلوم=
شرهٍ علي اللي جميلٍ وصوفه

وله الشره لوكان ماجيت مثلوم
=أصبر على عجفاه لجل معروفه

لو بين الغيظه فأنا منه ما أشوم
=لين اتعذر منه وأجلى الحسوفه

حقٍ على رادع شفاياه برقوم=
يروف بي وأنا بحال المروفه

وحقه علي إلى هرجت أبعد الحوم
أغضي ولاكني مع الناس أشوفه

أنا الذي ياما تمناه من يوم
وهو الذي نفسه لغيري عيوفه

إن مت قبله قال لي : زيد مرحوم
وإن مات قبلي ما الحياة مخلوفه

كن اللوالي بين أشافيه منظوم
و ضيق وبل محلتم في قنوفه

والعين عين اللي على رأس ملموم
ماجيب له من كل نسرٍ علوفه

حرش المناكب لأبرق الريش صيروم
حرٍ ملك موت الحباري كفوفه

أبو نهيدٍ في حشى الصدر مزموم
بيض الحمام اللي رفاع قيوفه

هافي حشا كنه عن الزاد محروم
والثوب يشكي مانبا من ردوفه

والزين في مقرن حجاجيه مرشوم
رشمة مهر شيخٍ شبع في مضوفه

ياجاعل موت المخاليق محتوم=قرب مداهيل العنود الهنوفه

للشاعر الكبيرعبد الله بن حمود بن سبيل... رحمه الله

من حظر نفي بالسعوديه

وكان يعشق بدويه ..

نقله لكم / الشاعر اورنس بندر الضحيك

من بدو السعوديه ... صحراء نجد

[أمير الشمال]

سلمت يداك رائع جدا اورنس شكرا

[الـ ساري]

اختيار موفق لاهنت وسلمت وسلم شاعرها

[جنون الشوق]

ياجاعل موت المخاليق محتوم=قرب مداهيل العنود الهنوفه

صح لسان عبد الله بن حمود بن سبيل... رحمه الله

والشكر لك لنقلك

[( حاتم )]

صح الله لسانك .. شكرا أخي اورنس ....

[ف وسط الطريق]

حرش المناكب لأبرق الريش صيروم
حرٍ ملك موت الحباري كفوفه...

الله عليك ما اجمل ما طرحت شكرا لك مدد بلا عدد .