ياما حلا الطلعـات لاصرت ضايق

[نسمات]

ياما حلا الطلعـات لاصرت ضايق
بروض خـضر تخالطت فيه الأزهار

ذعـذاعها يطفي بصدرك حـرايق
وسجة قـدم تبريك مع مد الأنظار

والارض ممطوره ..ولا داج سايق
ما غـير جرة سيلها..طم الأشجار

وصوت ام سالم شاقله كل شايق
وريح الندى والورد ياخوك ماصار

والعفش و العده و بـاقي اللحايق
امحمل بـ(فكس آر)جاهز للأسفار

اسبق من اللي لبارق الريش عايق
يطرب مـزاجك مع طليقين الاشبار

والنـار شبت .. واشقر البن رايق
وصفت معاميل على واهـج النـار

وخـوة نشاما .. فيهم الطيب لايق
منهاجهم نـهج السلف نسل الاحرار

ما تعرف النمه ..وعـوج الطرايق
مجلاسهم ..عـطره تسابيح واذكار

هذا هوى بالي ..اذا صرت ضايق
ابعد عن الديره .. و تنزاح الاكدار
/
كلمات
سلطان بن سراي الشمري

[هدوء الجوري]

صح البوح والاحساس


كلمات راقية كرقي حضورك

[فرح]

كلامات جميله
احسنتي الأختيار.
تسلمين ويسلم ذوقك ،،

[سليكو]

وخـوة نشاما .. فيهم الطيب لايـــــــــــــــــــــق
منهاجهم نـهج السلف نسل الاحـــــــــــــــــرار
نسمات ...
أنتقاء رائع .. يعطيك الله العاااااااااااااافيه
شكرا لك ....
,.,

[على النيه]

انتقاء رائع
وذائقة عذبه
سلمت غاليتي ،،

[وتم بعيد]

يسلّم قلبك وَ ذوقك يّ جميله
الهي يسعدك وَ يديمك حبابه
~

[نسمات]

شكرا لكم على المرور وسعدت بتعليقاتكم الجميلة لاعدمتكم

[أمير الشمال]

جميل جدا سلمت يداك شكرا