بعض المجالس شوفته تشرح البال

[مشعل التريباني]

حي الكلام وحي من ساق الامثال
مكتوب والقرطاس الابيض يحمله

ساقوه شعارن عزيزين وجزال
مشاعرن جتني وقلبي شهمله

احسنتو التعبير يانجال الاشبال
صغتو بيوتن بالتعابير كمله

بعض المجالس شوفته تشرح البال
تشفق على شوفه وتزداد صمله

وبعض المجالس فيه هم وغثا بال
ودك تباعد بين شملك وشمله

الناس فيها اجناس والوان واشكال
ودنياك بنكن والرجا جيل عمله

فيهم ذهب واجنيه وقروش واريال
وكلن يطول المسهم اللي قسمله

لكن مدام الله عطا الناس الامهال
من قام لك تقدير وقف وقمله

ايقف من اجل ارضاه تقدير واجلال
صون الصداقه والحمول احتزمله

واعرف ترى الحكمه بتحكيم الاقوال
ومن يشتري تفريد نشريه جمله

والرابح اللي فيه حلم وسعت بال
ويسوق مع ذربين الايمان زمله

ويبعد عن التهريج والقيل والقال
ويذر بعيون الحواسيد رمله

ويبني بيوت العز في حسن الاقوال
اخير من جلفن تساق الخدمله

لوجمع الا صناف من جل الاموال
مايدرك الطولات لو هو قدمله

باالمال ماحصل من الطيب مثقال
لو رهمو له طيب هو مارهمله

مشعل عسام التريباني الشمري في 22/10/1438هجر ي

[أمير الشمال]

صح لسانك ابيات راائعه شكرا

[هدوء الجوري]

اررررحب بشاعرنا الكريم
صح البوح والاحساس
شكرا لاثرائنا وامتاعنا بهذة
الابيات الجميلة والانيقة كأنت ،،
دمت لبعد حيي ودام لنا قلمك الجميل

[نوارهـ]

قصيده عجبتني حيل. ياعساك للعافية مشعل التريباني

[سليكو]

مشعل التريباني .... تسلم وصح الله لسانك ولاهنت ..
يعطيك الله العااااااااااااافيه
شكرا لك ..

[ذوق الحنان]

مرحبا
شاعرنا الذوق الفخم الفاخر
منور بعد حيي بحضورك
صح لسانك دوم يارب
وتسلم يدك
علي الجزلات
تعودنا
عزف اوتار نبضك
وعطر كلماتك الفخمه
وفيض عطائك
لا عدمناك يارب
تحياتي من المسك

[مشعل التريباني]

اخواني الافاضل
اخواتي الفاضلات
شكر الكم جميعاعلى المروروالاطرى لاعدَمناوجودكم تحياتي للجميع

[بزونة]

شكرا على هذه القصيده احساس جميل

[ساره التميمي]

شاعرنا المبدع مشعل التريباني
صح لسانك وسلمت يمينك
قصيده جميله امتعتنا بها
كل الشكر لك

[مشعل التريباني]

شكرا للجميع على المروروالاطرى لاهنتو

[وتم بعيد]

يسلّم منطوقك شاعرنا العذب
إلهي يسعدك دومات يّ مبدع
~