المساعد الشخصي الرقمي

مشاهدة النسخة كاملة : حلاوة قصيدي


عوادالعلي
10-10-2019, 03:29 PM
أسعدالله صباحك واسعدالله مساك
التحية تعنى بالجهاز وتجيك
تحمل شعور قلبٍ يذكرك مانساك
ان وقف يحتفي بك وان جلس يحتريك
لو شكى نار هجرك قلت جعله فداك
موقفي ضد قلبي لو تمنن عليك
لان غيرك بعيني ماوصل مستواك
المحبة شراكة وانت مالك شريك
ياحلاوة قصيدي لاتشح بحلاك
شاعرك مابناها فوق ساس ركيك
هاك مما تيسر يا عنا الروح هاك
لين يروى خفوقٍ ماقوى يرتويك
انت نكهة شرابك مثل لذة ضماك
وانت سهم المحبة ماخسر مشتريك
غبت عن شوف عيني بس قلبي يراك
دام جسر التواصل بالموده سميك
من تهجى حروفك بان له محتواك
هكذا قال قلب بالغلا محتويك
ياسمي الشروق وياشبيه الملاك
من بلاني بحبك ياعسى يبتليك
انت نظرت عيونك للهواوي هلاك
الضحية قبالك والقرار بيديك

ابو طارق الشمري
10-10-2019, 06:52 PM
ياحلاوة قصيدي لاتشح بحلاك=شاعرك مابناها فوق ساسٍ ركيك
هاك مما تيسر يا عنا الروح هاك=لين يروى خفوقٍ ماقوى يرتويك
انت نكهة شرابك مثل لذة ضماك=وانت سهم المحبة ماخسر مشتريك
غبت عن شوف عيني بس قلبي يراك=دام جسر التواصل بالموده سميك


هلابك ياعواااد وصـــح لسانك ملاااايييين ولله درك
كتبت فأبدعت لاعــــــــــدمنا وجووودك.

وتم بعيد
10-11-2019, 02:32 PM
يسلّم منطوقك شاعرنا العذب
إلهي يسعدك وَ يديمك يّ مبدع
~

مشعل التريباني
10-12-2019, 05:35 AM
قصيده رائعه
صح لسانك ياعواد
مبدع ماشالله تبارك الرحمن

الـ ساري
10-13-2019, 08:11 AM
أسعدالله صباحك واسعدالله مساك
التحية تعنى بالجهاز وتجيك
تحمل شعور قلبٍ يذكرك مانساك
ان وقف يحتفي بك وان جلس يحتريك


وصباحك ابداع
يسلم راسك واحساسك شاعرنا عواد العلي:m22asmilies-com:

سليكو
10-14-2019, 09:38 AM
عوادالعلي .... اهلين وسهلين .. الله يسعد ايامك
وصح الله لساانك ولاهنت ..
شكرا لك ..

أمير الشمال
10-15-2019, 11:53 PM
صح لسانك راائع جدا سلمت يداك شكرا

عوادالعلي
10-20-2019, 08:11 PM
الأعزاء
ابوطارق
وتم بعيد
عميد الشعراء
الساري
سليكو
أمير الشمال
صحت ابدانكم ولكم جزيل الشكر