الكبوس اللي على العالم مطله

[مشعل التريباني]

الكبوس اللي على العالم مطله
مادرت بالشمس يوم ابدت شعقها

علموها تدرق وسط الاظله
ولا تغيض الناس وتثور حمقها

النجوم اللي على العالم تعله
الجدي ياطالت المده. فهقها

والبدر. يابان تختفي. الاهله
جل شان اللي بتدبيره فرقها

والاصايل ماتميز. بالاجله
كان غوج الكدش بالساحه سبقها

والدلي من. الزغردي. لوتمله
عانقه راع الزنيدي ثم دفقها

والعلوم. اللي تساق بدون ادله
اطبخه بالمي ثم اشرب مرقها

والهجين اللي تحمل بالمذله
سوقها مع. وادي الطولات سقها

خل عنك العوج والهزلات خله
لاتعرض للخطوط ومفتر قها

ترثياب الكبر ملبوسه مذله
والعذى ياخالط الجمه طرقها

من يسجل شهرته وسط المجلّه
ماتفيده. شهرتن هو مختلقها

لاتزعم موقفن منته لقلّه
البحور الهوج لاتامن غرقها

لايشلك جارحن في مخلبلّه
كم خر يشن في مخاليبه شلقها

اتخذ ثوب التواضع لك جبلّه
واحذر اخطار الدروب ومنزلقها

ومن دعاك لكبر ياء النفس قلّه
شمس صدق العقل بينلي شفقها

مشعل عساَم التريباني الشمري ف ١٤٤٠/٨/١٤هجري

[فوز]

تسلم الشاعر مشعل
من يسجل شهرته وسط المجلّه
ماتفيده. شهرتن هو مختلقها

هذا بيت يساوي قصايد
يعافيك ربي

[مشعل التريباني]

صحت ابدانكم جميعا الله لايهينكم

[سليكو]

والاصايل ماتميز. بالاجله
كان غوج الكدش بالساحه سبقها
مشعل التريباني .. يغطيك الله العافيه ..
وصح ولاهنت ..
شكرا لك .....

[مشعل التريباني]

الله يعافيك اخوي
شكرالمرورك

[الـ ساري]

لاهنت صح فكرك ولسانك

ياهلا بالطله شاعرنا مشعل التريباني كفو ياغالي كفو

[ذوق الحنان]

صح لسانك وارتفع قدرك مليون
يسعد قلبك ويسلم منطوق
جزال ربي يبارك بك
قصيده عذبه في معانيها
يعطيك الف عافيه
تستاهل التميز ي الراقي

[مشعل التريباني]

اخوي السامر
شكرالك على المرور الله لايهينك يابعدي

[مشعل التريباني]

اختي ذوق الحنان
شكرالكي على المرور والاطرى لاهنتي

[أمير الشمال]

صح لسانك ابيات راائعه جدا سلمت يداك شكرا

[مشعل التريباني]

مشرفنا اميرالشمال
صح بدنك شكرالمرورك لاهنت