ردثنا للاخ ملفي العتيبي

[مشعل التريباني]

سلامي على ملفي حصانن سليل حصان
عزيزن بيوته بالرفاقه مسويها

سلامي عليه اعداد ماينهمر. ودّان
هماليل مزنن خالق الكون قاديها

سلامن يخصه هو. واياربعه العتبان
كرام النفوس اللي عزازن مجانيها

سلامي على الهيلا هل الجود والاحسان
هلا الفزعة اللي كل حيٍ درى فيها

صواريم نجد اللي بهم للوفا عنوان
حرارن مخاليب الشهامه تحنيها

عتيبه هلا النخوه من الشيب للشبان
عز الصديق اللي من الضيم ناصيها

مدحت ربعي جعل يفدونك الرديان
دهمان والطولات مكسب يمانيها

ربعي عيال العود ياعدّو العربان
لهم بيوتن شاهقات مبانينها

مجالسن يكرم بها الجار والظيفان
منصا صناديد الرجال ومراكيها

من روس شمر لابت العزشانه شان
هلا الصخا والجود ياحي طاريها

َمواريث حاتم طي من ماضي الازمان
مضرب مثل لادنا القبايل وقاصيها

مشعل عسام التريباني الشمري في 8/5/1441هجري

[ريماس مصطفي]

مشكووووووووووووووووووور

[مشعل التريباني]

اختي ريماس
العفوووووووو لاهنتي

[سليكو]

شاعرنا القدير .... مشعل التريباني .. تسلم
وصح الله لبسانك ولاهنت ..
يعطيك الله العااااااااااااااااااااااااااااااافيه
شكرا لك ..

[هدوء الجوري]

صح البوح والاحساس شاعرنا

[عوادالعلي]

صح لسانك شاعرنا ونعمين بكم

[أمير الشمال]

صح لسانك ابيات راائعه شكرا