طيرشعري فرد ريشه وحلق وراج

[مشعل التريباني]

طير شعري فرد ريشه وحلّق وراج=وافترس شرّد القيفان غصبن علي

يوم شاف السباق ارخى جناحه وماج=وارتكى للمحامل يوم موح الدلي

يوم شفت الجوارح يلحقن الزراج=قلت ابادلي بدلوي وابي اسوق جملي

وانتهج مفردات الشعر خيرانتهاج=ثم اقلّد جزيل الشعر زين الحلي

هاتو الزاج الازرق يوم زان المزاج=ابي اسوق القصايد واحتمل محملي

للمحابيس حان الوقت بالانفراج=فك باب الضمير اللي بها ممتلي

وادّرج طير فكري بالجزال ادراج=وانتهبت المناجم من جيوب الملي

وانبلج نور ضي المفردات انبلاج=لين هاجت ابيوت الخافق الممتلي

ارد عذب المشارب ماوردت الهماج=كل مازهم بيوت الشعروردن علي

خيل الافكار تطلع يوم ثار العجاج=والقوافي بصندوق الفؤاد تغلي

مشعل عسام التريباني الشمري في4/6/1441هجري

[بنت1لقصيد]

ارد عذب المشارب ماوردت الهماج
كل مازهم بيوت الشعروردن علي


صح الله السانك اخوي الشاعر مشعل التريباني
تشبيه بيوت الشعر على الابل حين تناديها للمشارب روعة



اختك بنت القصيد

[جنون الشوق]

كفو شاعرنا التريباني صح فكرك وبوحك
ننتظر الجديد

[ذوق الحنان]

صح لسانك شاعرنااا
شاعرنا الراقي
حُرُوفٌاَيْنَعَتْ مِنْ بَرِيقِ الجَمَالْ
لاَ أًدْرِي اَيُّ حَرْفٍ اَمْزُجُهُ مَعَ حُرُفُك
حَتَّىْ اَصْنَعَ دَرْبًا مُنِيراً لاِبْدَاعُ
ابدعة
كُلْ الشُكُرْ وَالاِحْتِرَامْ
عَ البَوْحْ الراقي
لرَوحِك الرائَعَه

http://papillon1964.p.a.pic.centerblog.net/bb7vo5l0.png

[مشعل التريباني]

اخواني
اخواتي
صحت ابدانكم جميعا الله لايهينكم

[أمير الشمال]

صح لسانك ابيات جميله شكرا

[مشعل التريباني]

اخوي اَميرالشمال
صح بدنك لاهنت يبعدي

[الـ ساري]

جزلة من شاعر جزل لاهنت شاعرنا مشعل
جميلة بإيقاعها
وانسجام ألفاظها
صح لسانك وحسُنَ بيانك
وبالهدى اطمأنّ جنانك

[ابو طارق الشمري]

كفو يابوعبدالرحمن وصح لسانك ملاااايييين
عوايدك الإبداااع لاعــــــــدمنا وجووودك.

تم التنسـيق

[مشعل التريباني]

اخواني الافاضل
اخواتي الفاضلات
شكرالكم جميعا على حسن الردود الله لايهينكم جميعا