ياقلب

[مشعل التريباني]

الشاعر\ مشعل عسام التريباني الشمري

((في 9\7\1433هـ))

0000 ياقلب!!!


ياقلب حـذرى مـن هجوسـن تلاعبك=تــر كـثـرت التفكـيـر يـقـلـع مـداكــا

تـر كـثـرت التفكـيـر ياقـلـب يتعـبـك=حـتـى يـوصـل فـيـك حــد الـهـلاكـا

يـامـن شــر الـنـاس ياقـلـب جـنـبـك=تحـمّـد الـلـي مـــن بـلاهــم حـمـاكـا

ياقلب لاتحسـب الهواجـس تداعبـك=عـوذ مــن الشيـطـان مالـلـي دهـاكـا

وعمـا يريـب النفـس نــزّه شـواربـك=يرضـا علـيـك الله وتغـضـب عـداكـا

الـنـاس لــو تقدرعـلـى شــي تنهـبـك=تلقـا اكـثـر الحـسـاد يـركـض وراكــا

لولا قفص صدري عن الناس يحجبك=يمكـن تطيـر وكيـف ابـا احيـا بـلاكـا

احذر من الوسواس ياقلب يصحبـك=ان لنـت للوسـواس يصـعـب دواكــا

ابلـيـس ودّه يبـعـدك عـن قـرايـبـك=يـبـي يسـوقـك لـيـن يقـطـع ظمـاكـا

لاتطـاوع الشيطـان ياقـلـب يركـبـك=تـر صحـبـة الشيـطـان فيـهـا عمـاكـا

الياتـو حّدبـك عـن الـنـاس يعطـبـك=لـو تطلـب الرقيـه عجـز مــن رقـاكـا

تـعـوذ الله مـنــه واحـــذر يـواكـبـك=ازبــن عـلـى ربـــن بـخـيـره حـواكــا

مـن غيـر رب البيـت يدفـع مصايبـك=ومـن غيـره اللـي كـل خيـرن عطاكـا

يـارب لاتقطـع رجـا مـن يـلـوذ ابــك=انـت الكريـم ولا خـسـر مــن رجـاكـا

ماخـاب مـن يرفـع كفوفـه ويطلـبـك=ولاخـاب مـن يرجـي مكـارم عطـاكـا

ولاخـاب مـن يسـهـر ليالـيـه يرقـبـك=يلـوذ فـي عطـفـك ويخـشـا شقـاكـا

وياويـل مـن يامـن بـلاوي مغاضبـك=خـاب وخسرعبـدك اليـامـن عصـاكـا

سبحانك الرحمن ماجملك واقربك =للي رفـع كـفـيه يـخـشا بلاكا

يرجيـك غفـرانـك ويــدرى عواقـبـك=متـجـرّدن مـن كـل حـيّـن سـواكــا

اعـوذ بـك ممـا يغيـضـك ويغضـبـك=يارب تمنـحـنـي حـلاوة رضـاكــا

عـسـى يديـنـي مايفـكـن مقـاضـبـك=وعساي فـي وجهـك وداخـل حماكـا

[ولد القصيد]

لاتطـاوع الشيطـان ياقـلـب يركـبـك
تـر صحـبـة الشيـطـان فيـهـا عمـاكـا


ابيض وجه ابدعت
صح فكرك وبوحك يالسنافي

[النداوي]

يامالا العز مشعل ابدعت بكل حرف وقوافي

[سليكو]

مشعل التريباني ... تسلم .. وصح الله لسانك ولاهنت
يعطيك الله العافيه
شكرالك ..

[مشعل التريباني]

اخواني الافاضل
صحت ابدانكم جميعا الله لايهينك

[أمير الشمال]

صح لسانك ابيات راائعه شكرا

[الـ ساري]

صح لسانك ورجح ميزانك شاعرنا مشعل التريباني

لاهنت يالمبدع

على هالأبيات

ولاهان غاليك

[هدوء الجوري]

صح البوح والاحساس شاعرنا الكريم

شكرا لحروفك النقية وقلمك الانيق

دمت بود

[مشعل التريباني]

صحت ابدانكم ةميعا لاهنتواخواني

[ابو طارق الشمري]

تســــــلم يابوعبدالرحمن وصــح لسانك مــــــــدد
لاعــــــــــدمنا وجووودك.

[مشعل التريباني]

سلمت يابوطارق. صح بدنك لاهنت