المساعد الشخصي الرقمي

مشاهدة النسخة كاملة : حان الاوان وشرد الابيات جنن


مشعل التريباني
04-26-2020, 02:39 AM
واحد من الربع يقول ليش ماتكتبون الشعرباللهجة الشمريه ضيعتو لهجتكم قلت الشعرماله لهجه معينه
اهم شي يكون جزل ولكن عيا لايقتنع فكتبت هذه الابيات على شان ارضيه بس

‏‎حان الاوان وشرد الابيات جنن=وصالة معاليق الضماير وجاله
شردالقوافي في حشاي ازعجنن=واشتقت نظم العاصيه والجزاله
هاجن وماجن بالحشا و استكنن=وكسيتهن ثوب الترف والبساله
اليا ركبت اكوارهن طاوعنن=فارس وسرج المفرده لي خياله
واليا عتليت سروجهن ماعصنن=اصخّر الجزلات واترك هزاله
انا هويت العاصيات وهونن=واخترت نظم اللي ينومس مقاله
سقت الخزايز باالعصا واسمحنن=وطوعتهن لين اصبحن لي زماله
تو جتهن فكري وهن توجنن=تاج البحور اللي يشرف مقاله
يوم النفوس لذكر الاجداد حنن=لهجة هلا الامجاد جوّد حباله
قلت ايه ابانقأ المفرده واتفنن=باللهجة اللي كل شهمن سعاله
في لهجت الاجداد شيّن مقنن=اللهجة اللي تستحق الوفاله
واقول ماني بالقصيد متمنن=خوذو من المنهل كساه وجماله

مشعل عسام التريباني الشمري في ٢٧/٨/١٤٤١هجري
ابيات باللغه الشمريه البحته 👆🏻

ابو طارق الشمري
04-26-2020, 06:18 PM
اليا ركبت اكوارهن طاوعنن=فارس وسرج المفرده لي خياله
واليا عتليت سروجهن ماعصنن=اصخّر الجزلات واترك هزاله

كفويابوعبدالرحمن وصـــــــح لسانك ملاااايييين
عوايدك الجزلات لاعـــــــــدمنا وجووودك.

تم التنســـيق.

ولد القصيد
04-26-2020, 09:09 PM
صح قلبك الشاعر مشعل بكل لهجه انت مبدع


دام حرفك

متاابع
04-26-2020, 09:49 PM
واقــول مـانـي بالقصـيـد متـمـنـن خوذو من المنهل كساه وجمالـه
كفو ابو عبدالرحمن
وتسلم على ابداعك المتجدد
صح لسانك

مشعل التريباني
04-27-2020, 12:59 AM
اخوي ابوطارق
صح بدنك لاعدمناك شكرالك على المرور والاطرى

مشعل التريباني
04-27-2020, 01:03 AM
اخواني الافاضل
ابوطارق
ولد القصيد
متابع
صحت ابدانكم لاعدمناكم شكرالكم جميعاعلى المرور والاطرى

أمير الشمال
05-01-2020, 01:09 AM
صح لسانك ابيات راائعه

هدوء الجوري
05-01-2020, 09:46 PM
صح البوح والمنطوق والفكر الادبي
دمت لنا

مشعل التريباني
05-02-2020, 02:05 AM
اميرالشمال
هدو الجوري
صحت ابدانكم جميعا لاهنتو

إحساس رسام
05-02-2020, 06:02 AM
صح لسانك وعلا شانك
أبيات جزلة