ابي اتصبر والجم العوج بالصمت

[مشعل التريباني]

ابي اتصبر والجم العوج بالصمت=واكحل عيون اهل الحسد بالسكاتي

اخاف يامني زعلت وتكلمت=يفرح ردي العرف في مفرداتي

انا يابو مشعل عن الضايعه شمت=ومرج السوالف تركها من صفاتي

في مدرسة صاف النوايا تعلمت=ان الدواء في تركت الطايشاتي

من شان عينه بالجوارح تحكمت=وسكرت بيبان الغضب بلهواتي

والا ترى كاني من الخصم هوجمت=وثارت براكين الغضب من شفاتي

ابطش اليامني من الغير زوحمت=واضرب بسيفن مثل سيف الزناتي

امنت باللي كون الكون واقسمت=ماترتفع عن راس خصمي عصاتي

خصن اليامني لخصمي تجشمت=تقضي على روس الافاعي هواتي

لكن على عوجى رفيقي تكتمت=يمكن يقدر صدتي والتفاتي

ويقدر العشره ويجلس الياقمت=ويكرب رسن غوجه عن الانفلاتي

والا الكان اني بخيلي تجرهمت=امضي وخيله يرجعن مفلساتي

جيشي يفوز اليامضيت وتقدمت=وخصمي يعود لسيتي واحسناتي


مشعل عسام التريباني الشمري في 16/9/1439هجري

[ابو طارق الشمري]

كفو يابوعبدالرحمن وصــح لسانك مـــــــــدد
وافي في كل حالاتك لاعـــــــــدمنا وجووودك.

تم التنســـــــيق

[ذوق الحنان]

مرحبا
شاعرنا الراقي
صح لسانك
وتسلم الايادي
ابيات شعرك جزله
من نوع فاخر
يعطيك الف عافيه
تحياتي لك

[مشعل التريباني]

اخوي ابوطارق
صح بدنك الله لايهينك شكرالجهودك ومرورك المشرف لاعدمناك

[مشعل التريباني]

اختي ذوق الحنان
صح بدنكي شكرالكي على المرور لاهنتي

[سليكو]

امنـت باللـي كــون الـكـون واقسـمـت
ماترتفع عن راس خصمي عصا
شاعرنا القدير ..مشعل التريباني
صج الله لسانك ولاهنت ,, قصيده اكثر ن رائعه
يعطيك الله العافيه .. شكرالك

[مشعل التريباني]

اخي سليكو
صح بدنك لاهنت شكرالمرورك

[ولد القصيد]

بيض الله وجهك مشعل التريباني

ننتظر الجديد

[مشعل التريباني]

اخوي ولدالقصيد
ووجهك ابيض يبعدي شكرالمرور

[أمير الشمال]

صح لسانك قصيده جميله شكرا