ياكثرحكي الناس وقت الفراغات

[مشعل التريباني]

‏ياكثر حكي الناس وقت الفراغات=كلن يقول فلان سوّى وسوّى

ناسن تزيّن في هدومن قديمات=وعمايمن فوق الجماجم تطوّى

ركبو سروج الصافات السريعات=وسيوفهم باللون الاحمر تروّى

وعيونهم بالهرج دايم بصيرات=سوو من الامجاد مالا يسوّى

ركبو على اكوار المراجل بالاصوات=باصواتهم زادو على نسل حوّى

ناسن تلمّع بالعلوم القديمات=ركبو على سطح القمر يوم ضوّى

عاشوعلى مدح البشر والفلاشات=زخرف حديدن بالمدايح تقوّى

لبسو ملابس كاسبين الجزيلات=اللي لهم بالطيب عرش وسموّى

يوم الليالي بالمرازق شحيحات=محدن مثل مركز كرمهم تبوّى

رغم الضروف اللي عليهم قصيفات=الكل منهم باالمراجل تلوّى

عاشوعلى كسب العلوم الجميلات=وماتو عليها واعتلوبه علوّى

كسابة الناموس يوم المجاعات=امجادهم صوته على الناس دوّى

الي لهم في معجم الطيب بصمات=فازو بها يوم اكثر الناس ثوّى



مشعل عسام التريباني الشمري في ٩/١٠/١٤٤١هجري

[ابو طارق الشمري]

هلابك يابوعبدالرحمن وصـــــح لسانك ملاااايييين
تحياتــي لك لاعــــــــــدمنا وجووودك.

تم التنســــــيق

[مشعل التريباني]

صح بدنك يابوطارق لاهنت يبعدي
لكن تلخبطة عجست لاعدلها مدري ليش

[جنون الشوق]

فعلا مااكثرهم وقت الفراعات

تسلم مشعل ابيض وووجه

[مشعل التريباني]

صح بدنك لاهنت يبعدي

[ابو طارق الشمري]

صح بدنك يابوطارق لاهنت يبعدي
لكن تلخبطة عجست لاعدلها مدري ليش


ولايهمك يابوعبدالرحمن تم التعديل والتنسيق.

[مشعل التريباني]

عساعمرك طويل يابوطارق

[أمير الشمال]

صح لسانك قصيده جميله شكرا