المساعد الشخصي الرقمي

مشاهدة النسخة كاملة : كل شين يعالج غير خبث الضمير


مشعل التريباني
06-04-2020, 07:10 PM
‏كل شيّن يعالج غيرخبث الضمير=لوتدوّر علاجه ماتجد له دوى

اشهد ان الحقد للناس شرٍ شرير=بئس حمل الحقود ومقبح المحتوى

مايشيل الحقد للناس كود الحقير=واصغرالخلق حجم وهابط المستوى

انكر الصوت عندالله صوت الحمير=وكل شخصٍ يحاسب قد ماهو نوى

من نوى فعل خير يبشرونه بخير=ومن نوى فعل شرٍ في جهنم هوى

وحبل عمر البنادم لويطوّل قصير=وينتهي في رحيله من منازل طوى

ثم ينظر بوضعه بين شرٍ وخير=لين يلقا حسابه من شديد القوى

لين يلقا حسابه من سميعٍ بصير=عقب فترة غرورٍ عالي المستوى

كم نزل في نعيم الخلد شخصٍ فقير=وكم غنيٍ بحمله في جهنم ثوى

كبر فرعون اهانه واسكنه زمهرير=ومال قارون قل لي وين هوبه دوى

اسكنه وسط بيتٍ مايسر النظير=في محلن قصيف وبالجحيم انشوى

مشعل عسام الغافل التريباني الشمري في ١٢/١٠/١٤٤١هجري

ابو طارق الشمري
06-04-2020, 07:44 PM
كم نزل في نعيم الخلد شخصٍ فقير=وكم غنيٍ بحمله في جهنم ثوى

كبر فرعون اهانه واسكنه زمهرير=ومال قارون قل لي وين هوبه دوى

اسكنه وسط بيتٍ مايسر النظير=في محلن قصيف وبالجحيم انشوى

تســـــــــلم يابوعبدالرحمن وصح لسانك بحجم الكون
كتبت فأبدعت لاعــــــــدمنا وجووودك.

تم التنســــــــيق

مشعل التريباني
06-04-2020, 07:56 PM
اخوي الغالي ابوطارق
صح بدنك لا عدمتك
شكرالك على متابعتك المستمره وكلامك العذب بيض الله وجهك يابوطارق
وياليت تحط الخط باللون الابيض بالنسبه لي انا لان الشوف وسط والصفحه حمرا

ولد القصيد
06-04-2020, 09:51 PM
الله يكفينا شر خبث الضمير وصاحبه

صح لسانك مليار مشعل

أمير الشمال
06-05-2020, 12:13 AM
صح لسانك قصيده جميله شكرا

ابو هدى
06-05-2020, 03:15 AM
عشت عشت كلام بالصميم

مستريح البال
06-05-2020, 11:59 AM
ابو عبدالرحمن صح لسانك واعتلا شانك
انشهد كل شيء له علاج الا خبيث الضمير
حروف تسطر بماء من الذهاب يالعزوه

هدوء الجوري
06-05-2020, 06:09 PM
يامرحبا تراحيب المطر بشاعرنا
الكريم صح البوح والاحساس
غالينا

مشعل التريباني
06-06-2020, 04:54 PM
اخواني الافاضل
اخواتي الفاضلات
شكرالكم جميعا على المرور الله لايهينكم

متاابع
06-07-2020, 04:07 PM
صح لسانك ابو عبدالرحمن
جزاك الله خير
لا تيأس فالدواء في التوبة النصوح
وباب التوبة مفتوح

وتم بعيد
06-08-2020, 12:16 AM
يسلّم منطوقك شاعرنا العذب
إلهي يسعدك دومات يّ مبدع
~

مشعل التريباني
06-10-2020, 10:41 AM
اخواني الافاضل
اخواتي الفاضلات
شكرالكم جميعا على المرور والاطرى لاهنتو