البشر تتبع كثيرين الحلال شيّخوهم والضعيّف همّشوه

[مشعل التريباني]

البـشـرتـتـبـع كثـيـريـن الـحــلال=شيّـخوهـم والضـعـيّـف هـمّـشــوه
لـو كثـيـر الـمـال مايـسـوى ريــال=طبّـلـوا خـلـف الـثـري وشـيّـخـوه
انظرالشـاشـات واسـمـع مايـقـال=كــل خـبـلٍ للخـضـيـراء طـيّــروه
وعرضـوا خلفـه وطشـوا بالعقـال=واجحفـوا لـه بالمديـح وطيّـشـوه
وانتفخ راس الضعيّف واستشـال=وفصّلـوا لـه ثــوب نـمـر ولبّـسـوه
وقالـوا انـه مـن كريميـن السـبـال=شيختـه مبطـي علـى جـده وابـوه
وصـدّق انـه شيـخ مافيهـا جـدال=وحطوا اسمه شيخ شمل وبروزوه
وعـلّـق الـصـوره وبـروزهـا وقــال=حطـوا اسمـي بالسـجـل وعلّـقـوه
وصيـروه هـديـب شـيـال الثـقـال=مـارفـي تــاج الزعـامـه دهـــوروه
وانا اقول امدح علـى قـد الفعـال=كــل طـيّـب فــي فعـولـه بـيـنـوه
ماركلـمـة شـيـخ صعـبـه يـارجـال=جـنـبـوا ثـــوب الـعـريـه جـنـبـوه
كيف تلبس ثـوب وكمومـه طـوال=مايـفـيـدك ملـبـسـه لـــو كــبــروه
مازهَـى شيـل الثقـال الا الجـمـال=علـمـوا شـيـخ الـدراهــم عـلـمـوه
الشجـر ياجـاه صلـف الريـح مـال=ينـثـنـي لـلـريـح لـوهــم عــدّلــوه
والـعـواصـف مـايـهـزن الـجـبــال=راسـيٍ ظلـع الهَـدَى مـا زحـزحـوه


مشعل عسام الغافل التريباني الشمري

[ابو طارق الشمري]

صـــدقت يابوعبدالرحمن وصـــح لسانك مـــــــــدد
أبدعت كالعادة لاعــــــــدمنا وجووودك.


تم التنســـــيق

[سليكو]

مشعل التريباني ... تسلم وصح الله لسانك ولاهنت
شكرا لك ..

[مشعل التريباني]

اخواني الافاضل
ابوطارق
المراقب العام
صحت ابدانكم وبيض الله وجيهكم جميعا

[أمير الشمال]

صح لسانك قصيده جميله شكرا

[مشعل التريباني]

اميرالشمال
صح بدنك لاهنت

[وتم بعيد]

يسلّم منطوقك شاعرنا العذب
إلهي يسعدك دومات يّ مبدع
:152: