مجارات لشعراء الضياغم

[مشعل التريباني]

دونك اسمع جوابي كان تبي الاكيد=انا اعطيك الاجابه على قدرالسؤال

ابومشعل تربّع فوق عرش القصيد=في كلامٍ مهذب كالقراح الزلال

شاعرٍ للضياغم للضياغم حفيد=واللقب يوم حازه اشهدانه حلال

حي راسٍ تغنى بالكلام السديد=وحَيْ قولٍ حقيقي مابني باحتمال

وحي شاعر محنك بالقوافي زهيد=مايروق لمزاجه كود نظم الجزال

حي شاطي واكررحي شاطي واعيد=وآقف لكل حرفٍ من كلامه اجلال


شعر سطم فهد الخليل الجعفري الشمري



كبرحجم الشهاده كم انا به سعيد=من رفيقٍ شموخه كاشموخ الجبال

لوقراه الفرزدق في عبارة لبيد=ينحني له تذلل دون شك وجدال

من سطم ضيغميٍّ بالقصايد يشيد=شمس عزٍ تبهرج في وضوح وكمال

يالها من مفاخر ثقل وزن الرصيد=الفخر بالفعايل والرصيد الرجال

له سلامي مكرر مايميل الجريد=ومايضم الجنوب وماحتواه الشمال

شاطي مجول الخليل الجعفري الشمري




حي نظم القوافي والكلام المفيد=من رجال الشهامه حيهم من رجال

الضياغم هل الطوله كعام الضديد=مقحمين المعادي يوم وقت القتال

هم مفاريص ماصٍ يقطعون الحديد=وهم زحول الزمول اللي تشيل الثقال

وهم هل السيف الاملح متعبين الضديد=العدو يانظرهم صاب عقله جفال

وهم عذاب المعادي كان حان الوعيد=يجد عون المعادي بالرهيف السلال

وهم هل الحربة اللي به يقص الوريد=كم راسٍ بحده عن علابيه مال

وهم هل الهده اللي به يروق القصيد=فعلهم من قديم الوقت مضرب مثال

مشعل عسام الغافل التريباني الشمري

[ابو طارق الشمري]

هلابك يابوعبدالرحمن وصح لسانك ولسان ابومشعل ولسان ابوفهد ملاااايييين
الكل منكم وااافــــــي ومبدع
تحياتي وتقديري لكم لاعــــــدمنا وجووودك.

تم التنســـــــيق

[إحساس رسام]

صح لسانك ومن جاريتهم

[مشعل التريباني]

اخوي ابوطارق
هلابك اكثروصح بدنك لاعدمتك شكرالمرورك لاهنت يبعدي

[مشعل التريباني]

احساس رسام
صح بدنك لاهنت

[° • هوجــاس •°]

صح الله لسانك ولسانهم جميعا

تقبل ودي ومودتي

[مشعل التريباني]

صح بدنك اخوي الله لايهينك انت والجميع واعتذرمنكم جميعا لان الكتابه سودا والصفحه سودا والله ماشوف شي حتي قصيدتي ماشوفه من لون الصفحه

[أمير الشمال]

صح لسانك ولسان الشعراء ابيات جميله شكرا