ياضاق صدرك للولي نقح ايديك

[مشعل التريباني]

‏ياضاق صدرك للولي نقّح ايديك=الواحد اللي مايخيّب عبيده

واعلم تره من رحمته مايخليك=ربك كريم وكل الارزاق بيده

يامصخّر الارزاق منج المداريك=نفسي من التقوى تزوّد رصيده

يارب اناعبدك فقيرٍ وناصيك=واطمع بغفران الذنوب العديده

اسجد لوجهك وابتهلك واناجيك=وارجيك توفيق وحياةٍ سعيده

مايلحقن في رحمة الرب تشكيك=مؤمن من اهل الدين واهل العقيده

مسلم سليم من العقد والشرابيك=ولي اسوةٍ باهل العقول الرشيده

واسجد لوجهك في صلاتي واراجيك=يوم ان ميت القلب ضيّع حصيده

اشدق ورع من خوف بطشك واناديك=وارجع واكرر سجدتي لك واعيده

ياسامعن صوت المنادي وداعيك=يامحيي العود الرميم وهضيده

مشعل عسام الغافل التريباني الشمري في 22/12/1441هجري

[ابو طارق الشمري]

تســـلم يابوعبدالرحمن وصح لسانك وتقبل الله دعواتك
تحياتي لك لاعــــــــدمنا وجووودك.

تم التنســـــيق

[عانيتـ بسكاتـ]

عشت وعاش راسك واحساسك مشعل التريباني

تحياتي لسموك

[الـ ساري]

ونعم بالله ماخاب من يطلبه سبحانه
صح لسانك مشعل التريباني
طاب لي ما قرأت هنا وأستمتعت بهذا الجمال والأبداع متع الله ايامك
تحياتي لهذا الحس السامي
ودام قلمك نابضا وقلبا ساميا

[مشعل التريباني]

اخواني الافاضل
اخواتي الفاضلات
صحت ابدانكم جميعا شكرالكم على المرور والاطرى الله لايهينكم جميعا

[أمير الشمال]

صح لسانك قصيده جميله شكرا

[وتم بعيد]

يسلّم منطوقك شاعرنا العذب
إلهي يسعدك دومات يّ مبدع
:152:

[مشعل التريباني]

اميرالشمال
حلم متمادي
صحت ابدانكم جميعا شكراللمرور

[على النيه]

ونعم بالله سبحانه
صح لسانك حد الرضا
شاعرنا القدير للقصيدة الجزله والراقية
سلمت ولا هنت