عاصفة الحزم

[اورنس الضحيك]

يالي تبي دارنا حنى ترا دونه
بالحزم والعزم والفزعه عوايدنا

الخشم لامن لمسته تدمع عيونه
ولارضخنا لمن منهو يهددنا

نحمي حدود الوطن لعيون مزيونه
الجادل اللي على الجبهه تفقدنا

أرواحنا دون حد الوطن مرهونه
من زاد طغيان لايامن تمددنا

حنا شربنا الوغى ونجيد بفنونه
يشهد على أمجادنا من كان يقصدنا

ألي حكمنا طريق الحق مكنونه
باللين والعسر حنا طوع قايدنا

يالي تبي المملكه الموت بركونه
شبه الجزيره حكمناها أوبها سدنا

يومك على دولتك خونتك مظمونه
حنا مع اللي حكمنا ماتمردنا

الشاعر/ اورنس بندر الضحيك

[ذوق الحنان]

الله يبعد عنا كل معتدي
ويحمي ديارنا من كل سواء
ويحفظ شعبنا واهلنا من كل حاقد حاسد
يعطيك الف الف عافيه
تحياتي من الجوري

[إحساس رسام]

صح لسانك ..

الله يديم علينا نعمة التوحيد واﻷمن في ظل قيادتنا الرشيدة

[هدوء الجوري]

صح لسانك
ودام عزك ياوطن

[اورنس الضحيك]

ذوق الحنايا
أمين الله يحمي ديارنا وحكامنا وشعبنا
تسلمين
كلك ذوووق

[اورنس الضحيك]

إحساس رسام
تقبل الله منك
اودعتك الله
تسلم

[اورنس الضحيك]

هدوء الجوري
الله يعزنا في وطنا
تسلم

[أمير الشمال]

صح لسانك تسلم يمينك رائع جدا شكرا

[اورنس الضحيك]

امير الشمال
حظورك أروع بمتصفحي