ابيات ردثنا بالاخوان فريح متعب وطاهر متعب

[مشعل التريباني]

ابيات الغالين فريح المتعب واخوه طاهر وقليله بحقهم

وفيتو ياعيال اللي فعوله يرفعن الراس=عسا اللي جابكم في جنة الفردوس منزاله

فزعتو فزعةٍ فيها لعشاق الوفا نبراس=ركبتو مركبٍ ماكل رجالٍ تهقواله

اقول فريح بن متعب وطاهر يرفعون الراس=سلايل متعب اللي تبحر الطولات (ل)جلاله

عيال اللي بفعل الطايلات يحطم المقياس=صخي الكف تشهد كل خلق الله على افعاله

كريمٍ مايحسّب للفلوس ارباع (والا)اخماس=كسب قولت نعم عند الرجال وفاز بجزاله

عساه بجنة الفردوس يشرب من رحيقه كاس=وعسا حور النعيم بملبس السندس تهياله

تفجر تحته الانهار وايخيّر من الاجناس=شرابه سلسبيل بكاسة اهل الخلد يعطاله

مكاسرعود كمبودي يعطر نفحت النسناس=ولد حرٍ (رقاء) للطايله والطيب يسعاله

وعقّب(له)حرارٍ عَضّو الطولات بالاضراس=تعلّو (قمة) الامجاد لين احتلو اطلاله

تعلّو فوق هامات الجزال بلبس درع وطاس=وفعلٍ للرجوله تضرب الامثال باشكاله

مشعل عسام الغافل التريباني الشمري في 5/1/144‪2هجري

[ابو طارق الشمري]

تسلم يابوعبدالرحمن وصــح لسانك ملااااييين وبيض الله وجهك
وعشرة أنعام فيك وفي من مدحت،وانت ماتمدح إلا اللي يستاهل
أشكرك على إبداعك وسرعة تجاوبك في الرد
لاعـــــــــدمنا وجووودك.


تم التنســــــــيق

[مشعل التريباني]

هلابك اكثريابوطارق لاعدمناك يبعدي
وصح بدنك لاهنت شكرالمرورك يبعدي

[جنون الشوق]

ونعم بك وبهم

قصيده ترفع الراس

صح لسانك الشاعر مشعل

[وتم بعيد]

يسلّم قلبك وَ احساسك شاعرنا
عوآفـي قد السماء يّ أمير
الهي يسعدك وَ يديمك
~

[أمير الشمال]

الله ابداع قمه في الجمال صح لسانك شكرا

[مشعل التريباني]

اخواني
اخواتي
صحت ابدانكم جميعا شكرالكم لاهنتو