المساعد الشخصي الرقمي

مشاهدة النسخة كاملة : خذيت بحكمت القايل لياكثرت همومك نم


مشعل التريباني
09-23-2020, 11:21 AM
خذيت بحكمة القايل لياكثرت همومك نم=تمدد واترك التفكير لاتكثر هواجيسك

ولكني تذكرت الكلام عن الضعافه شم=ولاتركن لهانات الزمان تزيد احاسيسك

وابي عكس المقوله كل ماكبرت همومك قم=تحرك في ربوع الواسعه واشعل مقابيسك

وانا والله عزيز ومركبي يقطع عميق اليم=بسوقك ياضعيف العزم لين ابعد مراميسك

بسوقك بالعزوم اللي توردني قراح الجم=وابانزل منزلاً تقصر عن ارحابه عواسيسك

تجرهمت الجزايل طالبن للمجد كيف وكم=على سرج الاصيل اللي تعززفي نواميسك

اناعيوني كفيفه عن خطا العالم واذاني صم=واقول لعابد الغلطات لاتضرب نواقيسك

انا حرن طليق السبق وايخم الجزايل خم=حذفت الهزل واخترت التعالي عن دنافيسك

الاياطير تفكيري على روس الشوامخ حم=ولاتنزل عن العليا تخفّض من مقاييسك

كذا ياطير تفكيري عرفتك دايمن ملهم=تهاجم صاطعات الضي ياشبّة فوانيسك

مشعل عسام الغافل التريباني الشمري في 1442/2/5هـ

ابو طارق الشمري
09-23-2020, 11:49 AM
انا حرن طليق السبق وايخم الجزايل خم=حذفت الهزل واخترت التعالي عن دنافيسك

الاياطير تفكيري على روس الشوامخ حم=ولاتنزل عن العليا تخفّض من مقاييسك

كذا ياطير تفكيري عرفتك دايمن ملهم=تهاجم صاطعات الضي ياشبّة فوانيسك


كفويابوعبدالرحمن قول وفعل وصح لسانك ملاااايييين
عوايدك الجزلات والسمان لاعـــــــــدمنا وجووودك.

تم التنســـــيق

الـ ساري
09-23-2020, 11:52 AM
لاهنت شاعرنا مشعل التريباني
ابدعت بيض الله وجهك يابعدي
والله يبعد نوم بسبب الهموم عن الجميع

مشعل التريباني
09-23-2020, 01:08 PM
اخوي ابوطارق
اخوي الساري
صحت ابدانكم وشكرالكم جميعا على المتابعه والاطرى لاعدمت وجودكم

أمير الشمال
09-25-2020, 12:31 AM
صح لسانك قصيده جميله شكرا

مشعل التريباني
09-25-2020, 10:32 PM
صح بدنك اخوي اميرالشمال شك المرورك

° • هوجــاس •°
09-27-2020, 12:50 PM
صح الله منطوقك مليوون
على هذه المعزوفة التي ابحرت بنا إليها
وأمتعتنا بجمالها واحساسها الصادق

لقلبك الفرح

مشعل التريباني
09-28-2020, 09:03 PM
اخوهوجاس
صح بدنك لاهنت يبعدي شكرالمرورك

بنت1لقصيد
09-29-2020, 01:41 PM
جئت ومعك الجزاله والابداع..صح الله السانك اخي مشعل التريباني

قصيده لا تحتاج الى تعليق فهي اكبر من عدة كلمات ستقال

بحقها

مشعل التريباني
09-30-2020, 06:05 AM
اختي بنت القصيد
صح بدنكي لاهنتي شكرالكي على المرور والاطرى

جنون الشوق
10-07-2020, 01:56 AM
صح لسانك مشعل التريباني
وسلم بنانك

عوادالعلي
10-07-2020, 07:07 PM
الله عليك يابوعبدالرحمن
جم شعرك مثل عد بني هلال

اللله يقويك وصح لسانك

وتم بعيد
10-08-2020, 08:53 AM
يسلّم قلبك وَ احساسك شاعرنا
عوآفـي قد السماء يّ أمير
الهي يسعدك وَ يديمك
:152:

هدوء الجوري
10-14-2020, 04:49 AM
صح البوح والاحساس غالينا

مشعل التريباني
10-17-2020, 05:13 PM
اخواني
اخواتي
صحت ابدانكم جميعا الله لايهينكم شكراللجميع على المروروالاطرى