جت مهرة اولاد الادهم فازعه من بعيد

[مشعل التريباني]

جت مهـرة اولاد الادهم فازعه من بعيد=حــوافره يوم تاطا القاع تقدح شــــــرر

فوقه غلامٍ على لطم المعادي شــديد=من روس قـومٍ لهم باالفعل علم وخبر

مــن عاصمتنا الحبيـبه جــيتكم باالمفيد=علــــى جوادن حــوافرها تدوس الخطر

سليت ســـيف القوافـي وامتطيت الفريد=وزهمت مهرة قصيدي عقب وقت العصر

وضربت وسط الفرايد لين طار الصعيد=وسمرت وسمي على اعناق النوادر سمر

نبي نبارز مع الفرســــــــان في كل ميد=ونكســـب نوادرحلال القوم سود وعفر

مهرة خيالــــي قحــــومٍ ماركبها بليد=لكـــن لنا عاصـــيات الخيل تقهـــر قهر

حنا لنا عاصـــيات الخيل غصــبٍ تهــيد=والقاســــــيه يالفتنا كـــود تعصر عصر

واليا جلــبت الفـرايد عاد ويش الجديد=حنا هل المرهفات اللـــــــي تفج النحر

حنا ورثنا الجــــزايل ورث جــــد لحفيد=احفاد عودٍ بفعل الطايلات اشــــــتهر

من روس قومٍ لجزلات المراجل تصيد=شــــــــمرهل الطايله يوم الليالي غبر

شـــــــمر بنوكٍ بها جزل الفعايل رصيد=من عصر حاتم فعايلهم تســـــر النظر

هل الصخا يوم قل الزاد ضــــد الضــديد=واهل الفراسه على قب المهار الشقر

والناس فيهم رجالٍ يكســـبون الحمـــيد=كل القبايل لهم باالطيب فعلٍ ظهـــر

مشعل عسام الغافل التريباني الشمري

[ابو طارق الشمري]

كفو يابو عبد الرحمن وعشرة انعام بعيال الادهم وصح لسانك ملاااايييين
لاعـــــــــدمنا وجووودك.

تم التنســـــيق

[متاابع]

صح لسانك ابو عبدالرحمن
ونعم فيك
مهرة انت خيالها
مكانها في الصدارة
يعطيك العافية

[أمير الشمال]

صح لسانك قصيده جميله شكرا

[بنت1لقصيد]

سلمت يداك اخي مشعل التريباني التي صاغت هذه الرائعه
تقديري واحترامي
لشخصك وبوحك الراقي

[وتم بعيد]

ابيات جميله بَ جمال حضورك يّ عذب
يسلّم قلبك شاعرنا المميز
الهي يسعدك وَ يديمك
:152:

[عيادة الجهيلي]

تسلم يابوعبدالرحمن وصح لسانك مليون

[عوادالعلي]

صح لسانك
ابوعبدالرحمن
تحياتي

[هدوء الجوري]

صح لسانك وعلا شانك
لاهنت غالينا

[متاابع]

المهرة يحليها تفاعل خيالها
مع البشر
والخيالة كثير والامة ولادة

[مشعل التريباني]

اخواني
واخواتي
مشرفين
واعضا
وعضوات
منتديات بعدحيي صحت ابدانكم جميعا الله لايهينكم شكرالكم جميعا على تفاعلكم الله لايهينكم جميعا