مشعل التريباني
12-01-2020, 10:03 PM
البر من بعد المطر زان جوّه=وقامت فيافي نجد عقب الرقودي
والارض من فيض السحايب تروّه=وتجملت ريضانها با الورودي
تزينت وابدت محاسن نموّه=وتعطرت وارخت فليل الجعودي
توه صفا ذعذاع الارياح توّه=وفاحت روايح عشبها بالورودي
وين انت ياللي فيك للبر خوّه=ولم فراشك ياعريب الجدودي
جهز متاع البر والفرش طوّه=نبي الفياض اللي شمال النفودي
نزّل دلالك واشقر الكيف سوّه=في حاجرٍ فيه النفل له فنودي
في فيضةٍ من رايح الوبل توّه=سيله من الوابل تعدى الحدودي
نشم ذعذاع الهوى في صفوّه=عقب السحاب اللي يغيث الكبوْدي
سحبٍ رعوده بالدجى يوم دوّه=يصحي بها اللي غارقٍ بالرقودي
مشعل عسام الغافل التريباني الشمري في 1442/4/16 هجري
والارض من فيض السحايب تروّه=وتجملت ريضانها با الورودي
تزينت وابدت محاسن نموّه=وتعطرت وارخت فليل الجعودي
توه صفا ذعذاع الارياح توّه=وفاحت روايح عشبها بالورودي
وين انت ياللي فيك للبر خوّه=ولم فراشك ياعريب الجدودي
جهز متاع البر والفرش طوّه=نبي الفياض اللي شمال النفودي
نزّل دلالك واشقر الكيف سوّه=في حاجرٍ فيه النفل له فنودي
في فيضةٍ من رايح الوبل توّه=سيله من الوابل تعدى الحدودي
نشم ذعذاع الهوى في صفوّه=عقب السحاب اللي يغيث الكبوْدي
سحبٍ رعوده بالدجى يوم دوّه=يصحي بها اللي غارقٍ بالرقودي
مشعل عسام الغافل التريباني الشمري في 1442/4/16 هجري