الخليجي للخليجي خيرعون خذكلامي والصحيح المختصر

[مشعل التريباني]

حي شعّارن يجيدون الفنون=ينظمون الشعر من مي العطر

يكتبون الشعر وجزال اللحون=ينقشون(اللول)في عنق الصخر

ياعساكم يالنشاما تسلمون=سقتوالجزله على جيدالسطر

جبتو ابياتن يسرن العيون=وزبدة الموضوع عند اخرشطر

الفرح عم الوطن وانتم ترون=فرحة الجمعى مثل عيدالفطر

اجتمع شمل الخليج المكرمون=والتسامح حان من بعد الهجر

ربّعي يانفس من فيض المزون=وزغرتي يابنت في يومٍ يسر

التسامح صار وانتم تعلمون=ان جمع الشمل من بعد النظر

والخليجي للخليجي خير عون=خذكلامي والجواب المختصر

احمدالمولى على جمع الضعون=والتسامح (تم) وانزاح الخطر

مشعل عسام الغافل التريباني الشمري في 1442/6/12هجري

[لعيونك]

اجتمع شمل الخليج المكرمون
والتسامح حان من بعد الهجر

الله يديم الامن

صح لسانك مشعل على القصيده الطيبه

[ابو طارق الشمري]

تسلم يابوعبدالرحمن وصح لسانك ملااااييين وبيض الله وجهك
رااائعة وفي الوقت المناسب
تحياتي وتقديري لاعـــــدمنا وجووودك.

تم التنســــــيق

[مشعل التريباني]

اخواني الكرام
صحت ابدانكم جميعا الله لايهينكم شكرالكم علي المتابعه والاطرى

[متاابع]

صح لسانك ابو عبد الرحمن
وعسى الله يجمع الامة الاسلامية
على كتابه وسنة نبيه صل الله عليه وسلم

[زفرات الصمت]

الله يجمع شمل مملكتنا والخليج
والله لايفرق بينهم
وصح لسانك وسلمت يمينك
ودام قصيدك وبـ انتظار جديدك
قصيده رائعة وتستحق التقييم
شُكراً لجنابك ملايين ولايسدن
تقديري

[أمير الشمال]

صح لسانك قصيده رلئعه شكرا

[وتم بعيد]

ابيات جميله بَ جمال حضورك يّ عذب
يسلّم قلبك شاعرنا المميز
الهي يسعدك وَ يديمك
:152:

[سمو الذوق]

صح لسانك مشعل التريباني

تقديري لشخصك الكريم

[مشعل التريباني]

اخواني الكرام
اخواتي الكريمات
صحت ابدانكم جميعا شاكر ومقدرللجميع

[هدوء الجوري]

صح بوحك غالينا
الله يديم المحبة ويكفانا شرور
الحاقدين