لاتنشد ويش قلت ووش يقول

[مشعل التريباني]

لاتنشّد ويش قلت ووش يقول=ولاتدقق وين راح ووين رحت

كثرت التنشيد تنفاه العقول=وش يفيدك كان للعالم جرحت

لاتفكر بانكر الهرج الفضول=وش يفيدك يوم للعالم فضحت

انت ماكلّفت للعالم رسول=جنّب اعراض الاوادم لوسمحت

لاتفكّر فيك عرض وفيك طول=ولاتضن انك بخلق الله سرحت

خير رجلٍ في غثاالعالم جهول=وانت للحوم البشر كيف استبحت

ارحم الجهال واعف عن الكهول=وادمح اخطاهم وتوجر يادمحت

وسكر اذنك عن مطبطبة الطبول=تكسب الطوله الياعنهم طمحت

حوم في جو المراجل عرض طول=وافترس عوب المراجل يالفحت

اصعد اصعد فوق لاتهوى النزول=وحطّم اوزان المراجل يارجحت

مشعل عسام الغافل التريباني الشمري في تاريخ 1443/3/7هـ

[ابو طارق الشمري]

تسلم يابوعبدالرحمن وصح لسانك ملاااايييين
رائعة وفيها من الحكم الكثير
تحياتي لك لاعـــــــدمنا وجووودك.

تم التنســـــــيق

[مشعل التريباني]

ياهلاوغلا مشرفنا الغالي ابوطارق انور المنتدى
صح بدنك لاعدمناك

[جنون الشوق]

عشت شاعرنا ابدعت يحفظك الله وننتظر الجديد الطيب

[مشعل التريباني]

اخوانيالافاضل
اخواتي الفاضلات
صحت ابدانكم جميعا شكرا للجميع على المرور

[نوف الثنيان]

يسلم ثمك على القصيده الحلوه ننتظر جديدك

[هدوء الجوري]

يسلم غاليك والشر مايجيك
صح البوح والاحساس غالينا

[مشعل التريباني]

اخواني
اخَاتي
شكراللجميع على المرور لاهنتوجميعا

[أمير الشمال]

صح لسانك ابيات راائعه شكرا

[مشعل التريباني]

امير الشمال
صح بدنك لاهنت شكرالمرورك

[المهيدات]

صح السانك اخوي مشعل ولا هنت
جزل من رأس جزل ونصائح توزن بالذهب

احترامي وتقديري
المهيدات