قصيدتين الاولى للشاعرعيدقيضي البلوي والثاني مجاراتي له

[مشعل التريباني]

النفس عن طرد الصغيـرات تأبـا=ترقى بهـا همّـة نفـوس العـزازي

يـامـا تغافلـنـا وقـمـنـاإنتـغـابـا=وياما عقلناهـا بصـدر الحجـازي

احيـان نتركهـا حـيـا واحتسـابـا=واحيان نكبر عن مخازا المخازي

والسمـع عـن لجّـات وَدَّا وجـابـا=تقدر تقـول إنـه يكـون انحيـازي

واللي يحسّب للخطاء والصوابـا=ماهـو لغـرات الرفـيـق انتـهـازي

واللي على عيوب العباد ايتصابا=يحـذر تــرا شـبـاك داره قــزازي

عيد بن قيضي البلوي


صح لسانك ياعيد واسمحلي اجاريك بهاالابيات

انا اقول


ياعيد حضّرت البيوت العجابا=واجتزت صعبات البحور اجتيازي

احسنت في نهجك وترك المُعابا=ولبست لبسٍ لاهل الامجاد جازي

وحسبت لهروج الضعوف الحسابا=وسلكت منهج مبعدين المغازي

عين الشريف عن المعايب تغابا=ترقا عن الهزله نفوس العزازي

واللي على غرات غيره تنابا=لايامن الهجمات من كل غازي

ونمل الجهل ياقبل عليك يتدابا=اسكب بدرب النمل كرتون قازي

واللي يجهّز للجزال الركابا=يرجح بميزانه ثقيل المرازي

مشعل عسام الغافل التريباني الشمري في1443/6/7 هـ

[سالم الزير]

صح لسانك وعلا شانك أنت وصاحبك

[ابو طارق الشمري]

تسلم يابوعبدالرحمن وصح لسانك ولسان عيد ابن قيضي البلوي ملااااييين
الكل منكم وافي ومبدع
تقبل تحياتي لاعـــــــــدمنا وجووودك.

تم التنســـــــيق

[مشعل التريباني]

اخوي سالم الزيد
صح بدنك لاهنت شكرالمرورك

[مشعل التريباني]

اخوي ابوطارق
صح بدنك لاعدمتك شكرالمرورك يبعدي

[جنون الشوق]

مجاراة قويه صح لسانك ولسانه
كفو شاعرنا مشعل

[الضاوي]

لاهنت ودمت مشعل التريباني

عزالله رد راقي

احترامي

[مشعل التريباني]

اخواني الافاضل
صحت ابدانكم جميعا لاهنتو شكرا للجميع

[الـود طبعي]

صح لسانك ولا هنت عالابيات الرائعة
لك تقديري

[مشعل التريباني]

صح بدنكي لاهنتي اختي الودطبيعي

[أمير الشمال]

صح لسانك ولسانه قصائد جميله شكرا

[مشعل التريباني]

صح بدنك اخوي اميرالشمال