ياعابدالسمعه عسى الله يشافيك

[مشعل التريباني]

ياعابد السمعه عسى الله يشافيك=دوّر علاجٍ ينقذك من بلاها

الطيب ماهو بالسواليف ياتيك=ياصار مالك ماقفٍ به تباها

ياصار لبسك مايغطي عوانيك=تصبح علومك ناقصٍ مستواها

كان القريّب ماكسنّه حسانيك=اسدل على طيب المصالح غطاها

حتى ايش لوربك من المال معطيك=الباقيات افعال يسمع صداها

والكبرفي نقرة حضوضى يوديك=اكبح غرور النفس واقصر عناها

الطهبله والكشخ فعل الصعاليك=ثقال النفوس اللي قليلٍ حلاها

فصل لباسٍ في مقاسك ويكسيك=ونفسك عن الهسات قصّر خطاها

واصعد بفعل الطيب ماني موصيك=اشفق على الجزلات وارفع لواها

خلك سند للي يعزك ويغليك=ياقامت العازات تطحن رحاها

هذا الصحيح بدون زيفٍ وتشكيك=الكبر بيرٍ نشّف الوقت ماها

((((مشعل الغافل التريباني)))) في1443/6/26هـ

[إحساس رسام]

صح لسانك وعلا شانك أخي الكريم
قصيدة جزلةو معاني قيمة.

[عيونك اوطاني]

صدق لسانك مشعل ودمت برقي دايم

[عمر الحلو]

صح لسانك......

[ابو طارق الشمري]

هلابك يابوعبدالرحمن وصح لسانك عدد نجوووم السماء
لك الشكر الجزيل على تواصلك وابداعك لاعــدمنا وجووودك.

تم التنســـــــيق

[مشعل التريباني]

احساس رسام
عيونك اوطاني
عمرالحلو
صحت ابدانكم جميعا شكراللجميع

[مشعل التريباني]

اخوي ابوطارق
صح بدنك لاعدمناك شكرالمرورك يبعدي

[بقعاويه]

ماشالله صح والله لسانك على القصيده

[عوادالعلي]

صح لسانك ابوعبدالرحمن
وبيض الله وجهك

[مشعل التريباني]

اختي بقعاويه
صح بدنكي لاهنتي

[مشعل التريباني]

اخوي عواد العلي
صح بدنك لاهنت يبعدي

[هدوء الجوري]

سلمت لنا ودمت شاعرنا

[أمير الشمال]

صح لسانك قصيده جميله أنت مدرسه يتعلم الكثير منك معنى الشعر شكرا