لاتظن الله على الخلق اصطفاك

[مشعل التريباني]

لاتظن الله على الخلق اصطفاك=وانت مثل الغير مخلوقٍ ضعيف

هين نفسك(ل) اصدقائك واقرباك=وخل دمّك مثل مانسمع خفيف

لاتغرّك زخرف الدنيا تراك=مرجعك للرمل لوكنت العنيف

بالتواضع عز والكبر الهلاك=التغطرس دايمٍ غبّه مخيف

احذر الشيطان لايقلع مداك=لين عقب الكبرياء تزحف زحيف

عزتي لك كان شيطانك ولاك=واخزمك خزم المهجّن للعسيف

وابعدك عن جمع ربعك واصدقاك=وانزلك وفي منزلٍ ضنك وقصيف

ياانتشر فيك الجفاء يصعب دواك=الجفاء راعيه مخلوقٍ كسيف

اغتنم نفسك عسا الله يهداك=شف طريقك قبل تصدم بالرصيف

ياخلا الشيطان بك يصعب شفاك=صار علك صعب وعلاجك كليف

(((مشعل عسام التريباني))) في 1443/8/6هــ

[نسمات]

صح لسانك
قصيدة جزلة جزلة

[مشعل التريباني]

صح بدنكي اختي نسمات
شكرالمروركي لاهنتي

[عوادالعلي]

عزتي لك كان شيطانك ولاك
وخزمك خزم المهجن للعسيف
ياسلام عليك يا بوعبدالرحمن
وهذا البيت يذكرني بقول الله عزّ وجل
قَالَ أَرَأَيْتَكَ هَٰذَا الَّذِي كَرَّمْتَ عَلَيَّ لَئِنْ أَخَّرْتَنِ إِلَىٰ يَوْمِ الْقِيَامَةِ لَأَحْتَنِكَنَّ ذُرِّيَّتَهُ إِلَّا قَلِيلً

صح لسانك وبيض الله وجهك

[وتم بعيد]

يسلّم قلبك شاعرنا المميز
الهي يسعدك وَ يديمك
:152:

[أمير الشمال]

صح لسانك قصيده متميزه شكرا

[ابو طارق الشمري]

هلابك يابوعبدالرحمن وصح لسانك ملاااايييين
تحياتـي لك لاعــــــــدمنا وجووودك.

تم التنســــــيق

[مشعل التريباني]

اخواني الافاضل
عواد العلي
وتم بعيد
امير الشمال
مشرفنا ابوطارق
صحت ابدانكم جميعا الله لايهينكم

[° • هوجــاس •°]

صح السانك تعودنا على ابداعك وفقك الله

[هدوء الجوري]

'

ليس بغريب هذا الابداع منك شاعرنا
القدير فشكرا لانك بيننا

[مشعل التريباني]

اخوي هوجاس
صح بدنك لاهنت يبعدي شكرالمرورك

[مشعل التريباني]

اخوي هدوؤ الجوري
صح بدنك لاهنت يبعدي شكرالمرورك

[يعقوب]

يانتشر فيك الجفاء يصعـب دواك
الجفـاء راعيـه مخـلـوقٍ كسـيـف


صح لسانك مدد بلا عدد اطربتني شعرا

الشعر سبك وحبك معنى وتجزيل.
أسبك بيوت الشعر واحبك عددها