بعض المنىٰ

[متعب بن طواله]

يوم أغلب الصحة مشي قلت ابا ادوج=لعلها تنفع وتصْبِح أطبابه

مشيت مع عوج المسارات محروج=ومْقِدِّر الاقدار يفرض إسْبابه

باب الهروج الي من سنين مزلوج=ماهي بعاده شرَّع العصر بابه

من تقل رعجوجٍ يباري لرعجوج=شِقِحٍ تكِنكِن عن كمين الذيابه

ياعل ماعدتي رياضة ولا دَوَج=غدىٰ الشتاء مثل الخباري سرابه

بعض المنى حلمٍ من الياس مدروج=لو تبتسم لك باللوالوا إعْذابه

شعر متعب بن طواله

[ابو طارق الشمري]

تســــلم يابوفارس وصح لسانك ملاااايييين
رااائع ماكتبت لاعـــــــدمنا وجووودك.

تم التنســـــــيق

[عوادالعلي]

صح لسانك ابوفارس
استمر رياضة المشي طيبة وحنا مستفيدين
هههههههههههه

[بنت1لقصيد]

مـن تقـل رعجـوجٍ يـبـاري لرعـجـوج شِـقِـحٍ تكِنـكِـن عـــن كـمـيـن الـذيـابـه
يـاعــل مـاعـدتــي ريــاضــة ولا دَوَج غـدىٰ الشتـاء مثـل الخـبـاري سـرابـه
بعض المنى حلمٍ مـن اليـاس مـدروج لــو تبـتـسـم لـــك بالـلـوالـوا إعْـذابــه

ماشالله عليك شاعرنا ابن طواله
صح نبضك وبوحك


اختك بنت القصيد

[° • هوجــاس •°]

أبدعت يالقرم في كل مانضمت


الشاعر متعب الطواله
سلمت وسلم لنا عزفك ونزفك


ودام قلمك يطرح أجمل الدرر في سماء بعد حيي

صح لسانك ولاهنت على هذه التحفه الجميله

[أمير الشمال]

صح لسانك ابيات قمه في الروعه شكرا

[مزون شمر]

]تسلم شاعرنا المعروف متعب الطواله

ننتظر جديدك

[شاعر قوافي]

بيض الله وجهك ابن طواله
كفيت ووفيت
وزن وقافيه

مودتي

[جنون الشوق]

ابداع سلم قلبك وقلمك لاتحرمنا ابداعاتك

[نايف المري]

عافاك الله على القصيده كامله مكمله
عليك بياض الوجه

مودتي

[هدوء الجوري]

صح البوح والاحساس
نص غاية في الجمال

[نسمات]

قصيدة راقية
صح لسانك وبوحك يامتعب

[متعب بن طواله]

صحا ابدانكم اخواني خواتي وكل الشكر لكم

[يعقوب]

بعض المنى حلمٍ مـن اليـاس مـدروج
لــو تبتـسـم لــك بالـلـوالـوا إعْـذابــه


صح لسانك يامتعب
ابيات رائعه كروعة حضورك