اشتقت للقيفان واعجبني الطرق

[مشعل التريباني]

اشتقت للقيفان واعجبني الطرق=من شاعرٍ صاغ البحور العجيبه

اصعد سماء يابوفهد للسحاب ارق=ذكر المكارم منك ماهي غريبه

الاسلمي معروف بالغرب والشرق=فيه الحميّه في شبابه وشيبه

فيه الحميّة ورث مايسرقه سرق=من عهد مروين السيوف العطيبه

تجري حمياهم مع الدم بالعرق=واهل الكرم يوم السنين الشحيبه

هل اللحيسه ماخذو طيبهم درق=موروثهم ذبح الردوم المنيبه

وارماحهم وقت اللقا تعشق الزرق=من عهد ضاري كل حيٍ دري به

والخاتمه عداد ماناحة الورق=صلو على مبعوث ربي حبيبه


اخوك/مشعل عسام الغافل التريباني في 1443/11/15هـ

[ابو طارق الشمري]

تسلم يابوعبدالرحمن وصح لسانك ملاااايييين
والنعم فيك وفي من مدحت لاعــــــدمنا وجووودك.

تم التنســــــيق

[مشعل التريباني]

هلا اخوي ابوطارق
صح بدنك يبعدي ماعليك زود بيض الله وجهك

[جنون الشوق]

الشاعر مشعل

تعيش ويسلم راسك واحساسك وقافك

[مشعل التريباني]

اخوي جنون الشوق
صح بدنك لاهنت يبعدي شكرالمرورك

[° • هوجــاس •°]

صــح لســانك يالذيب كفيت ووفيت

رااائعه

جزلةٍ من راس جزل

تقبل

عــاطر المحبه والتقدير

[مشعل التريباني]

اخوي هوجاس
صح بدنك اسعدني مرورك يبعدي شاكر ومقدر

[أمير الشمال]

صح لسانك قصيده رائعه شكرا

[مشعل التريباني]

اخوي اميرالشمال
صح بدنك لاهنت يبعدي شكرالمرورك