تذبحني الغيره

[اورنس بندر]

تذبحني الغيره وأنا واثق فييك

واصبر ولا ودي تعرف اش حصل لي

من كثر ..خوفي.. زايد الشوق يذيك

صبرت ماحد في عذابي فطن لي

بالضحك وحروف القصائد مسلييك

والنار في ..عقلي.. وقلبي. وكلي

عزالله انك هم لاكني .. أغلييك..

والله حتى همكمم جايز لي

تشوف !! شوقي !! في عيوني يناجيك

و أشوف !! بعيونك !! عذابي وغلي

سبحان من صورك وأكمل معانيك

في كل ميزات الجمال متحلي

لو .. القمر.. حكم ضميره يناديك

ولا اقبلت فز وقال خلك محلي

أوصفك ولو مالك حلي يضاهيك

وان قلت غيري قلت غيرك يولي


لو يزعلون.. الناس.. يكفيني أرضيك

لوك مكدر عيشتي بالتغلي

لشاعرها
نقلها اورنس الضحيك

[هزيز]

يسلم شاعرها وناقلها
اخترت وابدعت اخوي اورنس

[عيونك اوطاني]

يعطيك العافية

شكرا لك على هذه القصيده الرائعه وصح لسان شاعرها
اتمنى لك مزيد من التألق والابداع
اجمل تحيه لك

[ابو هدى]

اختيار اعجبني وفقك الله اورنس العرب

[هدوء الجوري]

صح البوح غالينا

[اورنس بندر]

اشكر كل واحد رد علي باسمه
وكل من اطلع على الأبيات
مقدرااااااا لكم

[اورنس بندر]

سهم،
,!!!!!!!!!!!!!!!!!!;

[أمير الشمال]

كلمات جميله انتقاء رائع شكرا

[ابو طارق الشمري]

قصيدة اعجبتني واشكرك ع النقل

انا بحثت في قوقل عن صاحب القصيدة وللأسف لم أجده.

[اورنس بندر]

شكرا لكما
امير الشمال المبدع
ابو طارق ماقصرت لعل وعسى ...