جعل السحاب

[أبو فيصل]

جعل السحاب اللي معه برق ورعود
يمطر على دار وليفي سكنها

يسقي وطن منتوقة العنق ياسعود
مالي وطن بالعارض الا وطنها

قلبي غدا واستيسره لين العود
محد يفك القلب ياسعود منها

ساطي وفي كفه جديحه وبارود
وادخل يده بين الضلوع ودفنها

بيني وبينه وصل واسرار وعهود
مصيونة ماتدري الناس عنها

في كل عام يزود حبه بعد زود
اقفى بروحي والتوى في رسنها

اموت بين الخد وعيونه السود
وحواجب ربي بملحه قرنها

وشعر بدهن الورد والمسك مكدود
جديلة تضمني واحتضنها

ليل جمعني به عسى ليت ويعود
يبعد عن النفس الحزينة حزنها

خلف بن هذال


مع السهر والأجواء الشتوية تلزمنا هكذا قصائد دافئة

يسعد لي صباحكم بعد حيي

[الفلاح]

قصيدة فخمة من شاعر كبير بحجم خلف بن هذال
اختيار جميل
شكرا ذيب الجزيرة

[أبو فيصل]

قصيدة فخمة من شاعر كبير بحجم خلف بن هذال
اختيار جميل
شكرا ذيب الجزيرة

الفلاح نورت

[ابو طارق الشمري]

هلابك ابوفيصل وصح لسانك ولسان ابوهذال ملاااايييين
أشكرك على نقلك الرااائع
وأكرر شكري لك على نقل اسم الشاعر مرادفاً للقصيدة
تقديري لجهودك لاعــــــــــدمنا وجووودك.

تم التقييم

[جنون الشوق]

اختيار راقي سلمت ودمت ذيب العرب

[بنت السحاب]

سلمت يمينك
نقل مميز
من أجمل القصائد
شكرا لك ذيب الجزيره

[انين الصمت]

نقل مميز
يسلم ذوقك الطيب

[أبو فيصل]

هلابك ابوفيصل وصح لسانك ولسان ابوهذال ملاااايييين
أشكرك على نقلك الرااائع
وأكرر شكري لك على نقل اسم الشاعر مرادفاً للقصيدة
تقديري لجهودك لاعــــــــــدمنا وجووودك.

تم التقييم

هلا ومسهلا ارحب أبوطارق

منور

[أبو فيصل]

اختيار راقي سلمت ودمت ذيب العرب

حياك الله الغالي جنون الشوق الله يسعدك ع المرور

[أبو فيصل]

سلمت يمينك
نقل مميز
من أجمل القصائد
شكرا لك ذيب الجزيره

هلا وغلا
ومسهلا الحين نور الموضوع وراعيه
ريم نورتي الله يحفظك ويسعدك
شكرا على مرورك اللي أسعدني

[أبو فيصل]

نقل مميز
يسلم ذوقك الطيب

الذوق منبعك

حياك وبياك يالحبيب