بنت السحاب
03-31-2025, 01:34 AM
كنت اتمنى سهرت العيد وياك
ما هو عشان العيد.. ودي اجي لك
ماخبروكـ أن الليالي بلقياك
في كل ليلة الف عيدٍ بليلك
ما خبروكـ إن الحلا.. بوسط عيناك
وان النظر سهمٍ رماني قتيلك
للعيد مولد لا ضحكت بشفاياك
وللعيد نورٍ لا تبسمت لـ خليلك
كنت احسب الموضوع لعبة وانا اهواك
لاني جهلت العشق قبل التجي لك
والحين شفني كيف ضايع بليّاك
ولو فيه احسن منك! ما ابغى مثيلك
ظنيت بس الشوق فيني للقياك
حتى المدينة ودّها إنها تجي لك
لاني بشوارعها اسولف حكاياك
واكتب على الجدران يكفي قليلك
يا قلبي دجلة أمس تروي ضماياك
واليوم ماي البحر بس يحتلي لك!
كنت امتلك اوطان من قبل م القاك
والحين فيني غربةٍ تنتمي لك
يا تحفتي ياغايتي... دون ادراك
قربك معَ بعدك رماني عليلك
يا مرحبا كثر الوله.. نجم وافلاك
وانت عساك بخير يا سيد جيلك
كل عام وانتم بخير
ب. ق
ما هو عشان العيد.. ودي اجي لك
ماخبروكـ أن الليالي بلقياك
في كل ليلة الف عيدٍ بليلك
ما خبروكـ إن الحلا.. بوسط عيناك
وان النظر سهمٍ رماني قتيلك
للعيد مولد لا ضحكت بشفاياك
وللعيد نورٍ لا تبسمت لـ خليلك
كنت احسب الموضوع لعبة وانا اهواك
لاني جهلت العشق قبل التجي لك
والحين شفني كيف ضايع بليّاك
ولو فيه احسن منك! ما ابغى مثيلك
ظنيت بس الشوق فيني للقياك
حتى المدينة ودّها إنها تجي لك
لاني بشوارعها اسولف حكاياك
واكتب على الجدران يكفي قليلك
يا قلبي دجلة أمس تروي ضماياك
واليوم ماي البحر بس يحتلي لك!
كنت امتلك اوطان من قبل م القاك
والحين فيني غربةٍ تنتمي لك
يا تحفتي ياغايتي... دون ادراك
قربك معَ بعدك رماني عليلك
يا مرحبا كثر الوله.. نجم وافلاك
وانت عساك بخير يا سيد جيلك
كل عام وانتم بخير
ب. ق