قصيده تبكي الحجر!!

[اسرار]

قصيدة تحمل الكثير من الحزن ولكنها رائعه في صياغتها وهي تحكي واقع فتاة عاشته بعد طلاق والديها وان والدها
تركها ولم يسأل عنهـا الا عندما كبرت وجائها الخطاب ليخطبوها
وكان طامعا في مهرهـــا ..




هذي هي المقدمه


وشوفوا ايش قالت البنت


... اترككم معهـــا ...



فـي طقـه البـاب يفـرح قلبـي وعيـنـي
أركـض عليـه احسبـك يابـوي طقيتـه
.
خمسـة عشـر عــام تاركـنـي وناسيـنـي
ياكبـر ذنبـك علـى بنـتـك وسويـتـه
.
أنـا ضحـيـه زعــل مابـيـن قلبيـنـي
تفرقـوا والثمـن بالعـمـر لاقيـتـه
.
من صغرتـي كنـت أضنـك فرحـة سنينـي
مير الله اقوى على اللي بسبتك عانيته
.
فـي ضحـك الأطـفـال يحرقـنـي ويكويـنـي
أنـك بعيـد وغـيـري الـيـوم جيـتـه
.
طـول الدهـر عفتنـي واليـوم ترجينـي
عشـان طـاري المهـر ياشيـن ماجيـتـه
.
ابيـك ضـد الـزمـن سـاعـة يبكيـنـي
وابيـك تمسـح سحايـب دمــع هليـتـه
.
واذا مرضـت انــت يـابـوي توديـنـي
تشـوف وش علتـي مـن وضــع قاسيـتـه
.
وتشـري لعبـه يابـوي فيهـا تسلينـي
تاخذ بعضها وانا اخذ منك ماعطيتـه
.
في ليلة العيـد ماألقـى مـن يهنينـي
الا امـي اللـي تـحـس بـهـم اخفيـتـه
.
يابـوي نظـرة غـلا ماهـيـب ترويـنـي
ان ماحصـل بالعمـر قربـك وحسيـتـه
.
لونـي يتيمـه لقيـت اللـي يعزيـنـي
وانساك يامن ضويت الشمـع واطفيتـه
.
مصيبـه أنـي ثـمـر قلـبـك وترميـنـي
فـي ظـل زحمـه غريـب صـرت فـي بيـتـه


منقوله للامانه

[بندر]

ربنا لايوفق من يوقف بنته عن زواج يسترها
عافاك الله
حايليه

[لينه]

لاحول الله
حسبنا اله عليهم

الكثير مرت بهالحاله

مشكوره حايليه

[قافية الأثر !]

أختي الغاليه

أبيات شعريه حزينه ومؤلمه

مشكووره على مانقلت لنا

آآمنتك الله

[اسرار]

عساكم للعافيه على هالمرور
المشرف
تسلمون وربنا ينتقم من كل كان سبب بعنوسة ابنته بسبب الماده

[بقايا حلم]

لو قلت لك مبدعة فإني لم أعطيك حقك..

متميزة ورائعة ما اخترتي من كلمات تحمل بين طياتها مشاعر جميلة

راقني جدا ما سطرته من إبداع ... نحن في إنتظار المزيد منك ايتها الرائعة

تحياتي لك... ودمت بخير وعافيه,,

!!..


تقبلي مروري..
بقايا حلم..

[عشوق]

ابيات حزينة وكلمات واقعية

مميزة ياحايلية بإختيارك الرائع