ابي رايكم القصيده لي بصراحه......

[الشمـــــري]

قلبي اللي غلط غلطه وحبك بقوه *** اصلا انتي مبدى الحب ماتعرفينه


ياخساره وقتي اللي ضاع من توه *** احسب انك تعرف الحب وقوانينه



كنت احسبك تعرفه لاكن تموه *** لاسف كنتي تعرفينه وتخونينه


وجه غدار لمعنى الحب ومشوه *** بكل بروداعصاب تقولينه تقولينه



شف ترى مااحبك بصدق ومروه *** ببتعد عنك وعن حبك يامسكينه


شفني بعدك تراني مصرح منوه *** لالحب الغدر عسى ماترجع سنينه

[منصور الشمري]

هلا والله بالشمري


ياخي أنت رهيب وجريء

تحمل حس شاعري مميز في نبض قاسي نوعا ً ما
في قصيده هذه

لكن مبديئا ً أنت تحمل مبادي جميله

مع الزمن سوف تتطور مع زياده الإحتكاك بالشعراء
ومعرفه قوانين الشعر وفي صياغته ووزنه

في هذه القصيده يالغالي أنت جيد ولست ضعيف أبد
ولكن قافية الصدر والعجز لابد أن تتوافق مع بعضها
حتى تلتئم قصيدتك على الأصول الشعريه

حاول أن تلحن قصيدتك تلحين متواصل ولحن واحد
حتى ترى الثقل أين يقع وتصحح

بعض الاحيان يكون الثقل مد وبعض الاحيان حرف ناقص
وبعض الاحيان حرف زائد وهكذا


نرجع للقصيده الجميله :

قلبي اللي غلط غلطه وحبك بقوه *** اصلا انتي مبدى الحب ماتعرفينه


هذا البيت واللي بنيت عليه القصيده حاول تلحنه بلحن واحد راح تلقى ثقل
مع أنه البيت اللي مفروض يبني القصيده عليه وهنا سوف تختل كامل
القصيده مادام البيت الأول والمبنى مختل

لو قلت :

قلبي اللي غلط غلطه وحبك بقوه *** وأنتي أصلا ً مبادي الحب ماتعرفينه


وحاول تلحنها على أغنية محمد عبده وشف باقي القصيده كيف يطلع معاك :

قلبي اللي لواه من اللواهيب لاوي .


أتمنى أنك ماتتضايق من كلامي مع إأني ماني شاعر ولكن متذوق للشعر


واصل الكتابه وإن شاء الله راح نرى منك الجميل

في المره القادمه اذا كتبت قصيده بقلمك حاول تضعها في همس القوافي
لإن هنا المنقول فقط

تحياتي لروحك الجميله

[α7łαяǒǿ7]

الشمري
الله يعطيك العافيه بدايه جميله وننتظر جديدك
تنقل للقسم المناسب

[بقايا جروح]

تسلم على المحاوله
ربي يوفقك ننتظر الثانيه

[الو1في]

صح لسانك وبنانك يالشمري
فيها كسور بسيطه
ولكن لك مستقبل والله

[طموحي مستحيل]

اخوي // الشمري ..

كبداايه شعريه اقوول صح لسانك مليووون ولايكفوون ...

القصيده فيهاا حس شااعري واحسااس وعتااب فريد من نووعه ..

ولكن .. لابد من البداايه ان يكون فيها اخطااء بالوزن او بالقاافيه او او الخ ....

وهذه الاخطاااء من السهل ان تتجوزهاا بكل سهوله ..
مداام انه لديك الموهبه الشعريه ...


سويت تعديل بسيط يمكن يفيدك وانا اخوك ..



قلبي غلط غلطه وحبك بقوه *** والا مبادى الحب ماتعرفينه


لا وخساره ضاع وقتي وتوه *** اثر قوانين الهواء تجهلينه



كنت احسبك فاهم ولاكن تموه *** قلت المحبه اسال مجربينه


الحب وجهه في حياتك مشوه *** وطبع الوفاء ماأعتقد تفهمينه



واليوم اببعد عن سماكي وجوه *** وخليك في وسط الخيانه سجينه


واللي تبي ياصاحبي اليوم سوه *** ياعل ماترجع طواري سنينه




كونو بخير لكي اكون انا بخير
ورودي

[ولد القصيد]

اشكرك محاوله طيبه طال عمرك
وتعليق احس احساس
كفى ووفى

[الشمـــــري]

بسم الله الرحمن الرحيم



السلام عليكم ورحمة الله وبركاته


اشكركم كل الشكر على الملاحظات والتوجيهات والنقد الهادف الذي يزرع فيني الثقه
والتطور البناء والحقيقه اني سعدت في ارائكم وانتقادتكم
وماهي غريبه على منتدى بعد حيي
يكفيني انه باسم بعد حيي زوود على انه كل مافتح المنتدى اول صوورره تكوووون على

الشاشه صووررة المرحوم الامير // طلال الرشيد

اشكركم على المرور ودمتم بووووود......

اخوووكم // الشمري.......

[لـعـيـونـك]

الأخوان ما قصروا بالنقد

وصح الله لساانك يالشمرري

بانتظارررك مرة اخرى

تحيتي ..

[الـ ساري]

هلا وغلا بالسنعوسي
نورتنا يابعدي هلا بك وهلا بنبضك واحساسك
صح لسانك وبيض الله وجهك يالغلا

[وعد فهد]

موفق بإذن الله ... لك مني أجمل تحية .

[الشمـــــري]

هلا والله وغلا نووورتوا صفحتي




لشكركم كل الشكر

[منيف المهيلب]

أخونا الشمري .

طالما أنك طلبت رأينا بصراحة

القصيدة ينقصها الكثير من الوزن
كما أنها ليست سليمة البناء .. حيث يوجد بها كسور كثيرة

لن أغشك واطبل لك
هذا رأيي بصراحه مجردة
أرجو أن تتقبله من أخيك .

وشكراً .

[الشمـــــري]

هلا والله وغلا



اخوووي منيف المهيلب



نورت الصفحه واشكركـ كل الشكر


هذه القصيدة اول مشاركة لي واول نص الصراحه


لاكن بداية من دون اي معلومات عن وزن القافيه ولا حتى الكسور


بس اتمنى انكـ توضح العيوب بالقصيدة..........وشكرررأ


بالنسبة للزعل الله لايجيبه لا تخاف صدري وسيع

مع الناس شرروواكـ ولا يهووونون الاخوان والاخوووات بالمنتدى




ودمتــــــــــــــــــــــم،،،،،،،، الشمـــــــــــري،،،،،

[عقاب النهار]

هلا والله بالشمري
ياخي أنت رهيب وجريء
تحمل حس شاعري مميز في نبض قاسي نوعا ً ما
في قصيده هذه
لكن مبديئا ً أنت تحمل مبادي جميله
مع الزمن سوف تتطور مع زياده الإحتكاك بالشعراء
ومعرفه قوانين الشعر وفي صياغته ووزنه
في هذه القصيده يالغالي أنت جيد ولست ضعيف أبد
ولكن قافية الصدر والعجز لابد أن تتوافق مع بعضها
حتى تلتئم قصيدتك على الأصول الشعريه
حاول أن تلحن قصيدتك تلحين متواصل ولحن واحد
حتى ترى الثقل أين يقع وتصحح
بعض الاحيان يكون الثقل مد وبعض الاحيان حرف ناقص
وبعض الاحيان حرف زائد وهكذا
نرجع للقصيده الجميله :
قلبي اللي غلط غلطه وحبك بقوه *** اصلا انتي مبدى الحب ماتعرفينه
هذا البيت واللي بنيت عليه القصيده حاول تلحنه بلحن واحد راح تلقى ثقل
مع أنه البيت اللي مفروض يبني القصيده عليه وهنا سوف تختل كامل
القصيده مادام البيت الأول والمبنى مختل
لو قلت :
قلبي اللي غلط غلطه وحبك بقوه *** وأنتي أصلا ً مبادي الحب ماتعرفينه
وحاول تلحنها على أغنية محمد عبده وشف باقي القصيده كيف يطلع معاك :
قلبي اللي لواه من اللواهيب لاوي .
أتمنى أنك ماتتضايق من كلامي مع إأني ماني شاعر ولكن متذوق للشعر
واصل الكتابه وإن شاء الله راح نرى منك الجميل
في المره القادمه اذا كتبت قصيده بقلمك حاول تضعها في همس القوافي
لإن هنا المنقول فقط
تحياتي لروحك الجميله

صح لسانك
ولا ازيد على كلام اخوى اى شى
كفى ووفى

[الشمـــــري]

يعطيك العافيه اخوووي



عقاب النهار


الف شكررررر على مروركـ