تسجيل الدخول

مشاهدة النسخة كاملة : مشاركة 2

يوسف الخمشي
03-31-2009, 01:05 AM
بالحقيقة تجربتي بالغزل قليلة ولكن هذا ما جادت به قريحتي
اتمنى تنال اعجابكم او حتى تحاكي مشاعركم
غابت

غابت وغبت عن الفرح والمسرات=غابت وانا كلـي غيابـن بدونـه
محبوبتي نجمن علـا بالمجـرات=اشوفها في كـون مانـي بكونـه
لو القمر مثلـه ذكرتـه بالابيـات=مير الوكاد انـه وصيفـه ودونـه
اليابغت روحي تجيهـا بلاهـات=وليابغيت اسكت ولا طيـح مونـه
اليا زعلت عديت حالي من اموات=اموت حي لونـه المـوت لونـه
وليابقى من حالي افتات وافتـات=انثر فتاتـي دون تبكـي عيونـه
اليادرت عن حبنـا كنهـا جـات=وانمادرت عنه ترى لـي فتونـه
قولوله الصـدات خلتـه مامـات=اقفى يناقـل طعنـك فـي متونـه
شباصة أجوديه
03-31-2009, 01:12 AM
غابت وغبت عن الفرح والمسرات غابت وانا كلـي غيابـن بدونـه

صح لسانك أخوي ويعطيك الف عافيهـ ع القصيدهـ

دمت في حفظ الرحمنـ
يوسف الخمشي
03-31-2009, 01:17 AM
صح الله بدنك اجودية
واشكر مرورك
نورت الصفحه
قناص الشمال
03-31-2009, 01:30 AM
لو القمر مثله ذكرتـه بالابيـاتمير الوكاد انه وصيفـه ودونـه
اليابغت روحي تجيهـا بلاهـاتوليابغيت اسكت ولا طيح مونـه
اليا زعلت عديت حالي من امواتاموت حي لونـه المـوت لونـه


لاهنت اخوي يوسف وعساك على القوه يالغلا ننتظر جديدك ومفيدك معنا
يوسف الخمشي
03-31-2009, 02:04 AM
يابعد روحي قناص الشمال
صح الله بدنك
نورت بتواجدك حياك الله
اقتنصت ياقناص الابيات الاقرب الى قلبي
هنيئا لك
تمتلك ذائقه فذه
تقبل ودي واحترامي
واعلم بودي ان اجد ردودك دائما امامي
خاالد الشمري
03-31-2009, 02:15 AM
يووووووووووووسف

صح لسان قائلها وتسلم يمين ناقلها

لا هنت
شاعر قوافي
03-31-2009, 11:39 AM
لاهنت صح فكرك ونبضك
جزاله يالجزل

تقبل مروري
ولد القصيد
03-31-2009, 11:41 AM
هأنحن نحضى بهذه الرائعه
صح لسانك وعلى شانك على روعة ماكتبت
تقبل تحياتي وتقديري
مخاوي طعونه
03-31-2009, 11:45 AM
سلمت قريحتك يوسف الخمشي
صح لسانك

على الابيات
الرائعه
يعجبني عدم التكلف والبساطه
التي تكتب بها


شكراً من الاعماق
يوسف الخمشي
03-31-2009, 12:19 PM
يووووووووووووسف
صح لسان قائلها وتسلم يمين ناقلها
لا هنت
صح الله بدنك ابو خالد
القصيده لي وحقوقها محفوظه لمنتديات بعد حيي
يوسف الخمشي
03-31-2009, 12:22 PM
لاهنت صح فكرك ونبضك
جزاله يالجزل
تقبل مروري
ساير النزال
الجزل والله ذوقك الراقي
صح الله بدنك
وبالنسبه لمرورك
هو شرف وشهاده
يوسف الخمشي
03-31-2009, 12:26 PM
هأنحن نحضى بهذه الرائعه
صح لسانك وعلى شانك على روعة ماكتبت
تقبل تحياتي وتقديري
ولد القصيد صح الله لسانك
وحياك الباري
ولا تحرمنا من مشاركاتك دائما
يوسف الخمشي
03-31-2009, 12:30 PM
مخاوي طعونه كلك ذوق
اشكرك على اطرائك لي
وبالنسبه للبساطه والتكلف
يسلملي فكرك الواعي وذائقتك الفذه
لا تحرمني من وجودك على قصائدي بالمستقبل
طناياااا
03-31-2009, 01:39 PM
اليابغت روحي تجيهـا بلاهـاتوليابغيت اسكت ولا طيـح مونـه
اليا زعلت عديت حالي من امواتاموت حي لونـه المـوت لونـه

عشت يالذيب ولا تهون
صح بوحك الاخاذ
يوسف الخمشي
03-31-2009, 02:04 PM
اخوي طناياااا
صح الله بدنك كلك ذوق يالغالي
شرفني مرورك العطر والاخاذ ايضا
كلي ظمى
03-31-2009, 02:20 PM
يسلم الشاعر يوسف ويسلم البوح
الراقي
دمت برقي وعافيه

اخيك
كلي ظمى
نايف المري
03-31-2009, 05:20 PM
صح لسانك

على الابيات
الرائعه
:h64:
ابو وطفى
03-31-2009, 06:01 PM
لاهنت ياشوق البنت
صح فكرك مليار
يلبسك العافيه يسوف وننتظر الجديد
سرحان
04-01-2009, 07:32 PM
عذب عذب عذب



يـــايـــــوســـــــف


صح الله لساااااااااااانك على هذه الفاتنه


سيمفونيه ابداااااااااع عزفت لنا


الله لايضرك يابعدي



لاتبخل علييييييييينا بالجديد طال عمرك




لك الغلا
منصور الشمري
04-02-2009, 11:18 AM
الشاعر العذب الرائع يوسف الخمشي

مشاركتك الأولى دليل وجود شاعر مميز

والآن أثبت بأنه لامجال للشك في مقدرتك الشعريه
وجذبنا معك في كل حين

تقول أنك مقل في الغزل : أجل لو أنك مكثر لآ أحرقتنا معك
بعذوبة ماتكتب فالغزل سيد الشعر

امتعتنا بعفويتك وسلاسة مفرداتك
ونقاء تصويرك

لي ملاحظة أتمنى أن تراعيها في المستقبل :

قلت :

محبوبتي نجمن على بالمجرات !!
هنا على حرف جر والمفروض تكون علا
للعلو والفوقيه اللي هو حال المحبوبه أو المعشوقه

وأيضا ً نجمن المفروض تكون هكذا نجم ٍ أو بعرف
الشعراء الجديد نجم <ن> لإن اتصال الحروف بغير محلها يقلل
من قيمة الكلمه

اخي يوسف الخمشي

آمل أن لاتكون ملاحظاتي مزعجه كنت أقصد منها الفائده

تقبل مروري وأعجابي بما تسكبه من حروف جميله
يوسف الخمشي
04-03-2009, 03:56 PM
يسلم الشاعر يوسف ويسلم البوح
الراقي
دمت برقي وعافيه
اخيك
كلي ظمى
صح الله بدنك
يوسف الخمشي
04-03-2009, 03:59 PM
اخو شلوى
ابو وطفى
سرحان
اتاخرت بالرد يعلم الله ماشفت ردودكم الا اليوم
اتمنى تعذروني
صح الله ابدانكم الجميع
يوسف الخمشي
04-03-2009, 04:06 PM
اخوي احس احساس
ملاحظتك الاولى على راسي بالنسبه لعلى وهذا خطأ املائي فقط اشكر نباهتك وجاري تعديله
الى علا مع اني افضل ان تبقى على الثانيه للاتزامي بنطقها على من العلوا كما فهمت انت

مع العلم ان جميع من يقرأ ولو لم يكن مختص سوف يعتبرها علا
اما الملاحظه الثانية فان اعرف ان المتبع نجم (ن )او اضهار التنوين ولكن انا افضل كتابة قصائدي عروضيا
افضل بحيث ان من اراد النقد او النصيحه يتمكن من قراءت القصيده كما اراد الشاعر
نحن باللملكة في قاره
فيه عدت مدارس شعرية مثلا بيت تراه اخي احس احساس كتابه غير موزوز ن وعندما تسمعه من الشاعر تتفاجىء
بكونه كتابتا اختفت جمالياته

ويالنسبه للزعل من ملاحظاتك
لا ابدا اخوي احساس على راسي من فوق ملاحظاتك
وانا عارف ان مقصدك هلون يالغالي
ابشر وصلت المعلومه
ولا تبخل علينا بالقادم
تواجدا
او تعليقا
او حتى ملاحظتا
شرف والله شرف وجودك معي احساس
نورالدنيا
04-05-2009, 03:23 AM
لو القمر مثلـه ذكرتـه بالابيـات مير الوكاد انـه وصيفـه ودونـه
اليابغت روحي تجيهـا بلاهـات وليابغيت اسكت ولا طيـح مونـه
اليا زعلت عديت حالي من اموات اموت حي لونـه المـوت لونـه

يوسف الخمشي
صح لسانك على القصيدة الغزلية الجميلة
لاهنت على المشاركة الحصرية
دمت بكل خير:h64:
يوسف الخمشي
04-05-2009, 03:39 AM
نور الدنيا
الحصري والغالي للغالين فقط
وهذا اقل ماينبغي تجاه بعد حيي