(((ديوان الشمرية المجهولة)))

[نورالدنيا]

السلام عليكم ورحمة الله وبركاته
http://www.dohaup.com/up/2009-04-17/dohaup_1461362959.gif (http://www.dohaup.com/)
الشمرية المجهولة
http://www.dohaup.com/up/2009-04-17/dohaup_1855854562.jpg (http://www.dohaup.com/)
شاعره غنيه عن التعريف
رسمت صورتها باتقان داخل شطور ابياتها وبين كلمات قصائدها ,,
شاعره قدمت نفسها لساحه الشعر بدون مقدمات بما تملكه من موهبه وحس شعري وكل مقومات ( الشاعر ) ,,
تفاعلت مع قضايا العرب المصيرية في فلسطين والعراق
حصلت على وسام
http://vb.tarb.net/uploaded/8868_01219703343.gif
الشاعرة المميزة
من الإدارة
تقديرا لها ولجمال كلماتها وروعة تعبيرها





تمنياتي بقضاء وقت ممتع ومفيد في تصفح ديوان شاعرتنا المميزة

[نورالدنيا]

البارحه مانمت انا اليل مهمـــــــوم = كثرت همومي والهواجيس جنـــي
وتغبر سمايا وزاده العج بغـــــيوم = وبين براسي الشيب من صغر سنـــي
عدي اسير(ن)داخل الحبس مظـلـــوم =غريبتن والاهل ابعـــاد عنـــــــي
وعدي قريص(ن)لادغه داب مسمــوم =غرس انيابه بالحشا وذبحنـــــــي
همي بقلبي لااخر العمر مدمـــوم =صبري نفاني واليالي اتعبنــــــي
وانا ابيع اهموم وهي فيا اتســـــوم = وبعته بربيع العمر وبعده شرنـــــي
اضحك واجامل وداخل الحزن مكتوم =همي خفيته والعيون فضحنـــــي
وعليا ابحر بليأ اشراع ملـــزوم = امواج البحر على المصاعب رمنـــي
وحكمي مؤبد ليتن اليوم معـــــــدوم =ماني بميت ولافي عفو(ن)شملنــي
واوهني من صار طير(ن)مــع الحوم = أسكن رواسي جبالها واستكنـــــي
ان فاخت انا دنياي قالولي مرحوم = زماني قصر واليالي غدرنــــي
http://www.b3b7.com/vb/showthread.php?t=31565

[نورالدنيا]

كيف البشر يقضي حياته بلا صوت ..= لاصار به الشعر والصوت قوت ي
حياتي هي الهم وسكوتي الموت = من الالم اصيح ومن سمع صوتي
صار الامل قبري وصبري التابوت = وثمن حياتي اشتريه بسكوتي
وصارت حروف الضاد لهمي بيوت = وقصة حياتي في قوافي بيوتي
وهذا المرض قاهر وسجل بي الشوت= واعلن هدف فوزه بمرمأ سبوتي
تنزف دموع العين من جرح مكبوت =من علت(ن) يمشي بها بطأ موتي
كني تمثال(ن) بيد الاقدار منحوت = تصفن بي الأوجه وعني تفوتي
http://www.b3b7.com/vb/showthread.php?t=31754

[نورالدنيا]

بـس الكرامـه ماابيعـه بملاييـن=عند الكرامه امسك ارجـوك حـدي
اسمع ترى ابيع شخصـك بفلسيـن=عنـد الكرامـه مابقابـه تـحـدي
شوف انت وينك ؟؟ياغناتي وانا وين=بعد السما عن الارض بعدك وبعدي
وانسا زمان(ن) فيه كنـا محبيـن=واذا اجتمعنا بيـوم عنـك اصـدي
ولاتفرح لما تشوف دمعي من العين=ابي امسحه واقول عطـرت خـدي
واصيح انا من القلب آه (ن) وآهين=ومعى مرور الوقت بيموت وجـدي
كنت جاهله وصدقت وذقت الأمرين =وهلحين قلبي صخر قاسي ياجدي
http://www.b3b7.com/vb/showthread.php?t=32134

[نورالدنيا]

طلبت مني احدى صديقاتي اكتب لها قصيدة تعاتب زوجها
يعلني جبت العيد لها
اليكم القصيدة المتواضعه جدا ً عسا أن تنال اعجابكم


ليه تنسىحبيبي صبري والتضحيـات =ليه بتهون عندك كبريائي وخضوعـي
ليه تنسى حبيبي اجمـل الذكريـات =ليه متعت حياتك يوم تسكب دموعـي
انته تبقا حبيبي منوتي حتـى الممـات =انته اهلي وناسي وانته اغلى ربوعـي
انته نشوة شبابـي انتـه لـذ الحيـات =انته قلبي الخافق منزله فـي ضلوعـي
تدري عندي الكرامه سابقه كل الصفات =لا تغرك غلاتك واتحـرى رجوعـي
الموده مـن الله والهوى مشتهـات =وانته اصبحت ابعد ليا من حد كوعـي
http://www.b3b7.com/vb/showthread.php?t=31990

[نورالدنيا]

غرك زمانك وانت من قبل مغرور=تبيع هالدنيـا بـونسـة دقيقـة
ماشفت انا مثلك يكـاره الشـور=يـمرخص احبابه وناسي رفيقـه
في بعدكم مرتاح والقلب مسـرور=اسمع انا اكلمك وهاذي الحقيقـة
وعودك كله تزوير مثل وعد بلفور=يوم الكرامـة بايعينـه بوثيقـة
وافطن ترى الايام ياصاحبي اتدور=واحذر زمن غدار لونـك صديقـة
ماابغي اسمع منك آسف ومشكور=ولاكنت انا في يوم لك العشيقـة
شطح خيالك وانت ياصاح معذور=اصارحك ياذا الشعـور الرقيقـة
ماهمني غيابك ولاهمني ا حضور=كل من عزم وأختار يمشي بطريقة
بدون اي تفكير سوري يادكتـور=ياسيدي اسـم العشـق مااطيقـة
انـا مأبغيـك ولا انـت مجبـور=انا على الشاطي وانتـا غريقـة
http://www.b3b7.com/vb/showthread.php?t=32421

[نورالدنيا]

شمر هل الطولات ربعي هل الزود=يافرحت المضيوم يـوم ٍ نخاهـم
يما حكموا من أرض وديار وحدود=لاجيت شمر بـارزات(ن) قراهـم
صبارت(ن) يوم الملاقا على الكود=ويبشر بعزة من تعنـى ونصاهـم
سيل ٍ تحدر من عواصيف ورعود=ارجال ٍ تبيع الروح للـي عناهـم
كسابـة ٍ للطيـب جيابـة الفـود=هلي الطنايا جعل روحـي فداهـم
من الجبل في نجد لـسنجار ممدود=اسم ٍ يضاهي سهيل نمشي بذراهم
هل الشجاعة بلقا ذيـاب وفهـود=تمطر حميا مـن بروقـه سماهـم
وحنا ورثنا الطيب من جدنا العود=من حاتم ٍ وعمير واللـي وراهـم
عبدة صناديد الوغا بيوم مشهـود=شيمه وشهامه حاضرات(ن) معاهم
وافخر بسنجارة هل الفعل والجود=فوق الأصايل ضاهديـن اقبلاهـم
وشفي الأسلم بالملاحم لهـم زود=ريف الضعيف مدلهيـن قصراهـم
وقمنا انتوجد ليت امس ٍ لنا يعود=لو نسيوا التاريخ هـو مانساهـم
فعلا ً لهم بالكون مجرب ومحمـود=تمدح لهم تاريخ ماضـي عداهـم
ولو زلزلت الأرض وغيومها سود=أحذر ترى شمـر تلاطـم طناهـم
حريبهم خسران وبالكون مضهـود=حظه ردي ٍ فـي طريقـه رماهـم
المرجله ماهي على قمـة اجـدود=ولاهي بسوالف يوم جينا وجاهـم
المرجله لـمروي شبأ يابس العود=قرم ٍ شفيـه وبالمصقـل رماهـم
فهيم لاقالـوا ثبـات ٍ ومقصـود=والطيب يوجد في سواعد لحاهـم
وان كان درب العشق ممشاه منقود=عز الله طحنا بالطنايـا وهواهـم
http://www.b3b7.com/vb/showthread.php?t=32584

[نورالدنيا]

سلطان ياراعي الحميه والأمجاد = سلطان يانسل الدواهي الأسودي
جيتك انا من مهجة الروح بغـداد = ابغي ذراكم ياعريب الجدودي
عــــنيتلك يامنبــــع الطيب وراد = ربيع دايم ولـ فياضه نرودي
للملكة دار الصحـــــابة والأسياد = دار المعزه ولـ عربها سنودي
ارض الكرامة والمراجل والأجواد = اعشق ثراها حيث انه سعودي
كل مابغيت البعد وجدي لها زاد = شوق العطأ سلطان لما يجودي
خلفت بني سعــــود بالطيب رواد = ضافي كرمهم مالقوله حدودي
ملوك العرب متورثينه من الاجداد = هيبه وشهامه وراسخين الوجودي
على الكرم والطيب يامير معتــاد = ياسيدي ورجواي وعزي وزودي
انت الأصيل اللي له الروح تنقاد = شكراٌ جزيلا ً ياوفي العهودي
لوماالخطأ لاكون حامد وسجاد = مير الحمد لله وله السجودي
وصلاة ربي عد ماتركع اعبـــاد = على النبي واعداد مابه وجودي
http://www.b3b7.com/vb/showthread.php?t=32922

[نورالدنيا]

القمة تخرج في تخاذل وخسران =تشجب ,,, تندد ,,, في بيانه بسطرين
اسلاحنا الصمت اضعف الايمان =بعنا بشيك الصمت عزة فلسطين
امجادنا وافعالنا يااااااعرب كان =وكنا ملوك الارض وكنا سلاطين
كنا بيارق بيض وصولات فرسان=تشهد معاركنا بمؤتئ وحطين
كنا فكر وعقل في جسم انسان =لامن دعانا الحرب بالكون قاسين
والشيمة في الدم بعروقنا ادمان =نبغي الشهاده او نحيا عزيزين
ليت الزمن يرجع على وقتنا الآن=يرجع زمان ٍ فيه كنا مهيوبين
حنا نسب واح وبالدين أخوان =ليه التواطي لليهود الملاعين
غزة تصيح اليوم من ظلم طغيان =بطش اليهود اعداء الله المساكين
ياغزة الثوار يفداك من خان =يامعقل الابطال ودار الميامين
ولنا على ابوبك موعد وميحان =ولجلك هدرنا الدم في حرب تشرين
وشوفوا العرب في عزته كيف تنهان =الصمت ذل وبرمجوله عناوين
وصار الجهاد أرهاب من صنع الأفغان=وبـ سجن غونتامو لقوله قوانين
وتصيف أسياد المال بـ مدريد الاسبان=وعـ الطاولات اغمار تدفع ملايين
وترخص كثير المال بسهره وفستان =في مغريات العصر بـ لندن وبكين
وماهمهم بغداد وغزة ولبنان =عرب هويه ولعدانا موالين
http://www.b3b7.com/vb/showthread.php?t=37468

[نورالدنيا]

كتبت هذه القصيده قبل ثلاث سنوات وسجلتها بصوت الاخت لمى خوالده وبثت في بعض القنوات العراقية
مع كليب لـ صور واقعيه عن معانات الشعب العراقي مع الاحتلال واستدعى مدير احدى القنوات فسألته الجهه المعنيه من الشمريه المجهوله ؟؟ ولما تبثون لها هاذه القصيده التي تحرض على الارهاب فقال لااعرفها ولااعرف هويتها ومنعت من العرض وكل هذا بسبب الطابور الخامس واليكم القصيده

ياحيف نغازل بعضنـا بالدواويـن=وأسيـرت(ن) بغـداد ياعاشقيـنـا
تنخا تنادي ياعرب عزوتـي ويـن=دار الرشيد اليـوم امسـت حزينـا
خذهأ هولاكو والعرب عنه ساهيـن=ياحيف ياصمت الكراسـي الثمينـا
بالأمـس كنـا انتوجـد فلسطيـن=واليـوم دار العـز هـي الرهينـا
وين العرب اللي على الناس عالين=وين الشجاعـة البـارزه لانخينـا
انتم اسياد الكون نسـل القحاطيـن=وانتـم بنـي عدنـان امعربيـنـا
اعدانا تحكـم يالعـرب بالقوانيـن=اهل الكفر والشرك سـادوا علينـا
كا نو حثال الارض وصارو سلاطين=وشعبه ملقط مـن شمـال ويمينـا
وحنا شعب معروف مابين نهريـن=دجلة وفرات العذب منـه ارتوينـا
من البحـر للنهـر حنـا مقيميـن=والارض مثل العرض غالي وثمينـا
وعليتوا يالأنجاس بالأرض علويـن=وهاذي النهاية قربـت فـي يدينـا
واصبحتوا يالاوغاد مابيـن ناريـن=نار العـراق ونـار بـه خالدينـا
وحنا لها من اجل الشهاده امسيرين=بأرض الكرامـه ع المعـزه ربينـا
ومن دور قريش(ن) لـمحمد عدوين=بغض العرب فـي دمهـم وارثينـا
وظربة عليكم ذلت(ن) يالمساكيـن=في ذكر اللـة فـي كتابـة قرينـا
ولاتفرحوا بالنصر ربع الشياطيـن=نحفـر لكـم اقبـور بالرافديـنـا
http://www.b3b7.com/vb/showthread.php?t=33130

[نورالدنيا]

مـع السلامـه يعيـال الطنايـا=يلي على ديار البعيـدة تشيلـون
قفوا ضنى الجربان نسـل الشفايـا=وشمر هل الطولات معهم يروحون
اقفوا ابعاد الصيت رجـال المنايـا=للبصرة الفيحأ وشطـه يعبـرون
ليه تتركون الاهل من اجل غايـا=والبعد قطـاع المنافيـع تـدرون
ومن بعدكم ادموع عينـي سقايـا=واغدي يلين الوقت وبعده تحنـون
وتمت خليه الـدار بليـا وصايـا=صارت بخت منهم عليها يـدورون
وتبكي الجزيرة تقول شالوا ضنايـا=عافوني البدوان ولاضنـي ياتـون
اعطوني بأرخص سعر بليا رضايـا=اول شروني بدم وصاروا يبيعـون
ولأاغبرت دنيـاي شمـر ذرايـا=شمر مع الشـدات ليـا يجيفـون
غلبأ ليوث الارض اهـل العطايـا=بالروح عن دار المعـزه تجـودون
وشمر على العدوان سيوفه حنايـا=اللي به الهامات عن المتن يرمـون
وشمر زها دنيـاي وشمـر رجايـا=يانخوتي بالضيـق دايـم تحضـرون
وظلت خليه ابلاد وكـل القرايـا=بيت(ن) بثر بيت(ن) عنه يشيلـون
قامت تباكـا عجزنـا والصبايـا=ع اللي رحلوا ياهيه ولاضن يعودون
ومصادفين الخير مـن دون سايـا=بجاهـ الذي له الخلايـق يصلـون
لابو ظبي و دبي ربعـي سعايـا=اطلب لهم توفيق من راعي الكـون

اول قصيدة نشرتها لي عند رحيل شمر على الامارات
http://www.b3b7.com/vb/showthread.php?t=32798

[نورالدنيا]

تفضل ياقلـم شعـري اكتـب قـاف ع الأوزان =بيح سدي المكنـون معـى لوعـات أشجانـي
دخيلك لا تعذبنـي ترانـي مـن البعـد ولهـان=آتوه بـزحمـة الدنيـا لـولا دينـي وايمانـي
أقوي عزمي بالتقوى وأطمـن قلبـي بالقـرآن=وأحمد ربي وأستعفيه جميـل الصبـر أعطانـي
دموعي تشكي الفرقأ وتشكي غربـة الأوطـان=زمن قاسـي يفرقنـا وكـاس المـر أسقانـي
أعد اليـوم بعـد اليـوم انطـر للفـرج بيبـان=كأن الحزن والحرمان مخلوقات علـى شانـي
اسلي غربتي بـذكرى تونس وحـدة السهـران=اذكـر داري الطيبـه معـى اهلـي وجيرانـي
اشتت كل هواجيسي وأطوي صفحـة النسيـان=وأقول الـ,,آه بعد الـ,, آه ياوقت جاير اشقاني
صحيح ان الجسد موجود شهيد الغربه في عمان=ولاكن قلبي بـ,, سنجار رفض يعيش وحدانـي
صحيح ان الوطن جنة وحبه بالعـروق أدمـان=اريده أعشقـه اهـواه وحبـه وسـط وجدانـي
بقلبي شوق ماهو عشق ولاهي وسوسة شيطان=تضيع اعلوم عند امي ووجدي لـشوفة أخواني
اوصيكم قبل لاموت وكـلٍ مـن عليهـا فـان=توصـوا امـي لاتبكـي وبالأشعـار تنعـانـي
وبعد ماارحل الـ مثواي وتودع روحي الجثمـان=تحطوا ورود على قبري وجميع اوراق ديوانـي
http://www.b3b7.com/vb/showthread.php?t=39012

[نورالدنيا]

السـ وعليكم ــــلام
كتبت هذه القصيده متأثره بقصة احدى صديقاتي

طبيب عشق يداوي الجرح بدموع=دموع الندم تضفي على القلب عله
أغويتني ياقلب في حـب مخـدوع=ين خداعـه بعـزة النفـس ذلـه
بذات طبعه منه العطـف منـزوع=ااكبر دليـل ٍ عـذب اليـوم خلـه
واذا غلطت بحرف يسويه موضوع=ويعوفني بالضيق وقربـي يملـه
وتركني حاير منه القلب موجـوع=متشفـي ٍ بدمـوع عينـي تهلـه
وعده سبع اعوام ماعـده اسبـوع=ومودتي ينسـاه وبلحظـه يملـه
اوقدتله اصباع يدي لـه شمـوع=وضميته وسط العين ورموشي ظله
وأستعبدن مملوك بالكره والطـوع=وكتاب عتقي بيـدي اليـوم خلـه
عدي كسير بركبة الساق موجـوع=من حر صوابه ساهر الليـل كلـه
متعوده امشي وانا الراس مرفـوع=ومايزحزن طاريك ولاعنـدي زلـه
انزع غلاك الداخل القلب مـزروع=وان عاندن حتـى صميمـي اتلـه
يلي احاسيسك لهـا عـدة فـروع=تعطي عهود وكـل يـوم ٍ تحلـه
تدري انا ويني ؟؟ مثل حبة الكوع=عارف مقامي زين ومـن اي ملـه
ابشرك مالي على البيت مرجـوع=غلاك يرحـل والكرامـة بمحلـه http://www.b3b7.com/vb/showthread.php?t=34291

[نورالدنيا]

ياعين دم تبكين فرقـى الغوالـي =ابكي على اديـار تطـري عليـه
وانا بربوع الشام عـدي لحالـي =ابكي على عـزوه بـه غايريـه
اشتقت اسامر طيفهـم بالخيالـي =واسمع صدى هوسات شمر هنيـا
عمامي دمي وبالضماير خوالـي =فديتكـم يـا عـزوة الشمـريـه
اهـل الكـرم مبهريـن ادلالـي =اهل الصخى والجود صرح الحميه
والعيشه من دونهم ما تهنـا لـي =عدي بجحيم ن وانا بجنه عذيـه
عالين مثـل رواسـي الجبالـي =وشوفاتهم ياصـل مداهـا الثريـا
وصافيـن مثـل نبـع الزلالـي =ورديهـم وسـط القبايـل شفيـه
http://www.b3b7.com/vb/showthread.php?t=41330

[نورالدنيا]

شمر سنا التاريـخ مهـد الـعـروبـه=من اليمن ماضيـن لأارض الحجازيـن
بـصنعاء وعدن تمثال شمـرا انحتوبـه=يشـدى اثـار الحضـر ولا الفراعيـن
وبين القبايـل شمـس ماحـل غروبـه=وعلى الجزيرة تشـع وارض الفراتيـن
وتاريخنا وتاريخنا مبخون ويما اسطروبه=ملاحـم(ن) خضنـاه بكـل الميـاديـن
ومذكورت(ن) بالخيـر ديـار انزلوبـه=مـن حايـل(ن) للجـوف أم البساتيـن
ويمـا نحـو آمـار وهـم احكمـوبـه=ويما محو من الذكر شيـوخ وسلاطيـن
سيوفهـم روس الـدواهـي ابتـروبـه=ولـشاشها لـظـرب الشلافـا نياشيـن
ماحولوا عـن ظهـور خيـل اركبوبـه=ربعـي طنايـا عـن الـزاد طانـيـن
هزو شريفـه ومـن سطرهـم قسوبـه=شمر كما اجبالـ(ن) تفـوق المطاميـن
الشيـن شـان(ن) للمعالـي رقـوبـه=والميم مجد(ن) فـي جميـع المياديـن
والراء رمـز(ن) بالشجاعـه ابرزوبـه=حي لابت(ن) بالطيـب حنـا معروفيـن
عدونـا ســم الأفـاعـي شـروبـه=وحليفنـا مرتـاح بـيـن النعيمـيـن
مـن دور سالـم والمصاقـر يـدوبـه=كرينيص ومجرن عالرواسـي موكريـن
ومطلك اخـو جـوزة دياره مهيوبة=حامي الجبل في نجـد عـن المغيريـن
وصفـوق بالميـدان غلبا انتخوبة=يما ذبح من فـرس وتـرك(ن) كثيريـن
وبنيه قـوي العـزم اعـداه اغدروبـه=خـذوه بالحيـلات وفـن الشياطـيـن
وفـارس كمـا حر ٍ عديم اقنصوبـه=هو قادهم مـن نجـد والربـع ماشيـن
يبغي الجزيرة تصيـح تبكـي مقصوبـة=شامـت لـفـارس والطنايـا ملبـيـن
د
وفرحان راعي الدين رزن(ن)اسلوبـه=لاقادهـم بالكـون شـمـر حظيظـيـن
وشيخ الشيوخ اللـي حكـم كـل بوبـة=عجيـل كما سهيل بيـن المحيطيـن
ونهابه تشهد كم راس(ن) وطوبة=لاركبه النوي غداله دخاخين
ونايف مشرع للمسايير بوبة =بيدرالتمن ترتجية المساكين
ومن يذكر الشواف احرار زهدوبة= منهم ابو فاضل راعي المضيفين
وصفوق ومشعل الملاحم ثنوبة= خلفت الياور بالملاقا عنيدين
ومشعان ساس الطيب والعز ثوبة= شيخ(ن) لنا بغداد وام الربيعين
سيوف العواصي كم عايل نهوبه= وخضابها دم الشفايا الغلامين
ودهام بدد بالمعاره سروبة= وهذال ريف ٍ للضعوف المقيمين
وعبدالكريم الناس يما قصدوبة=ابو العطا وصفه يفوق الكريمين
وعلي الدويش بالكون ربعه اكتفوبة =كم خفرة(ن) خلاه تبكي المحبين
وراعي عنيفة للجزيرة غزوبة= محمد المطلق تهابه المسمين
واحمد يعاف الروح يوم انتخوبة=نعم ٍ بأبو اصفوق عالراس والعين
ومحمد ابن راكان حامي جنوبة = اللي اودعه ع الفرس تمطر نيارين
وحايل قصر برزان احرار سكنوبة= مصقر نوادر من ظهور الشياهين
اللي حكموا في نجد وساس(ن) بنوبة= ضياغم(ن) بالكون ماهم خفيين
وابن علي بحور الشجاعة رسوبة= امير من أمار قوم(ن) عزيزين
وابن محمود الليث سبع ٍ دروبة= وبكر دلى من الروس خمسا ً وتسعين
وميزر اخو رفعه لـ ربعه جلوبة=فكاك راعي الوانيه والرديين
وكريم سبلا بالعطايا اشهروبة= وذياب امقلط بالصياني البعارين
وفايز ابن هذيل ربعه هقوبة= افدى بحياته شيمة(ن) للبعيدين
وابن عجاج اعداه يوم اشتفوبة= زهد على بنيه بدار الغريبين
وضيدان هيلع للمعالي رقوبه= من صرختة ترمى امهار(ن) مثامين
ولياضكت الطلبات وبانت ذنوبة= لـ طايس يرد الهرج وبالحكم راضين
وشايع الامسح كم جمع كسروبة=وابو الوقا ووتيدسطر ميامين
وهايس عشاه الطيب والعز شروبة=حطم عدوه ماتركله محبين
وعقاب ابو عافت ربعه شهدوبة = وهباس وابن شريم للضد ناحين
وكداش الهثمي بالعطايا اهزبو به = ومفتاح الغيثي والمجلا مهيوبين
وشبرم ابن جبهان ذيب احتموبة= حطم اعدانا وهز جيش الصليبين
وشويش اخو شلوى فعاله حكوبة=ارسل لهم بيص بلياء ذراعين
وضاري اخو صلفه بالموازم مشوبة=بسلمى كما نجم ٍ يفوق الميازين
ومنيس ابن سعدي الشيمه دروبة = وحاكم ذراء الينصاه بالموزمه يبين
وصعب من الحدبان شبل ٍ عدوبة=وغريب الشلاقي تسل العريبين
واسأل خميره كم ضابط رموبة= محمد وكريدي والسواعد مثنين
زهيد غالي الروح يما ارخصوبة=شمر اساس الدار من الصلب صافين
دروب الكرامه من قديم(ن)سعوبة=جاه ومراجل وللمعزة عناوين
صولاتهم مجد العصور صنعوبة=ماضي وحاضر بالموازم مبينين
وكم عركت(ن) مبخون لشمـر حروبـه=شمر حمـاة الـدار بالحـرب صلفيـن
وكم ديرت(ن) من ديرت(ن) هم عصوبه=شمـر هـل الـردات ذيـاب المياديـن
تمت وصلوا ع النبي الف نوبة=شفيعنا سيد الصحابة الخشوعين

http://www.b3b7.com/vb/showthread.php?t=41817

[نورالدنيا]

مدخل

ليتك لنا يامنبع الطيب شايف = ننخا وشيمتهم لنا صد(ن) ولوم
اسم ٍ كبير وقت الامحان زايف = وينـ؟؟ الوعد لاغطت ارجال ع خشوم

ترى النخاوي لغيـر اهلهـا حسافـات=ابـوك يـاراس(ن) مـابـه حمـيـه
وترى الهقاوي لغيـر اهلهـا حرامـات=غشيـم ياراجـي النفـوس الـرديـه
مابـه حـلا لاصـار وقتـي مـدارات=وقت الخـوي بالضيـق يتـرك خويـه
ترى الردئ والطيـب بينـه مسافـات=بعـد البحـر الميـت عــن الثـريـا
والطيـب مالـه حـد ولالـه مكانـات=تلقاه عند اضعـوف ونـاس(ن) غنيـه
يعشق شجاع(ن) قرب من الرجال نقوات=اللـي صـدى علمـه وصلنا دويــه
يـادار مـن بعـدك بقينا ذلـيـلات=صرنـا اغـراب(ن) فاقديـن الهويـه
كـنـا نـتـذرا بالطنـايـا وعــزات=وبأسـم شمـر بكـل ضيقـه انتفـيـا
واليـوم انـا بديـار نجـد العـذيـات=ويـن الـ ,,يلبـي الصـوت للشمـريـه
مـاذلل(ن) بطـش الـعـدو والخيـانـات=نفسي هواها الموت وعشق المنيـه
عفنـا رفـاه الـذل وعـار المـلـذات=واروحـنـا لـلـدار تبـقـى وفـيــه
امزج بدمـي مـع دموعـي شعـارات=اكتب بهـا ابيـوت حــره ابـيـه
اللين تمطر دم لـ ,, حزني السمـوات=وتعلـن حـداده الارض ع الغايـريـه
تبكـي علـى داري مهـد الحضـارات=منسـاه انـا مادمـت بالدنيـا حـيـه
ورجعت اكتب مـن جروحـي مقـالات=واعلـن حقائـق عنـد غيـري خفيـه
بعـد الكرامـه سيـرونـا الاهـانـات=بس الوعـايـد حملـونـا هـديـه
وعليك يـ ,, متابع تملأ الفراغات = صرنا عبيد وللأجانب رعيه
مخرج

يعراقنا تبقى عزيز الكرامة= عز العرب ياعراق من عزتك انت
انت الوطن اللي نعمنا بشامة= وبكنوزها واموالها ماتثمنت
ومن أول الدنيا لـ ,, حد القيامة=ماتنحني للذل ولايوم سلمت
وبأرض العروبه الكفر ترفع اعلامة=هدمت ياعرش المذلات هدمت
والحر مايرضخ حتي بكلامة= الأ ,, الذي عنه الشهامة تخلت
ولابد ماتنزاح عنا الغمامة = وش العذر لما سمانا تصحت
http://www.b3b7.com/vb/showthread.php?t=42834

[نورالدنيا]

وشفايدة دنياي وان مابه اطموح = فاخت انا الونسات وهن فاختني



ابكي انا ياسعود والقلب مجروح = وأسهر توالي اليل وحدي اوني



ثاري الكذب والعيب هالوقت مسموح = ثاري الحيا والصدق ماينفعني



ودمعي على الخدين ياسعود مسفوح = رافقت انا الأحزان وهن رافقني



خانتبي الأقدار والذل ذابوح = وسط الغثا والهم اقداري رمني



ضاع الرجا ياسعود وماينفع النوح = ولأ .. الأمل والصبر هن وادعني



مافي صداقة اليوم من دون مصلوح = نصيحة(ن) ياسعود اسمعها مني



يكفي كدر وهموم من سنين مذبوح = أ حلامي سبب بلواي وهن ضيعني



جسد بدون أحساس امشي بلا روح = خوف .. وقلق .. وأوهام بقلبي سكنني



ومعه انا من الأهل بالوم ملحوح = قصايدي ياسعود ماصبرني



ودمعي على الخدين ياسعود مسفوح = خاصمت انا الآمال وهن خاصمني



يصيح الخفوق ياسعود لاغرد الدوح = لـ موطني بـ عراق وناسي أحني









http://www.b3b7.com/vb/showthread.php?t=43929

[نورالدنيا]

قالوا علامك قلت محاربه النوم = صحبه انا والليل وتشهد نجومه

قالوا تعشي قلت عده شهر صوم = معى نهاري حتى ليلي أصومه

قالوا تمشي قلت من افراش ماقوم =المرض وزع في حشايا سمومه

من بعد هم وغم رافقهن الشوم = دنيا بليأ ذنب انا من خصومه

وتحسدني السفيه وانا عشت محروم = وتلومني الاقدار وانا من يلومه

واصبحت انا والدهر عدوان وخصوم = سمايا صحو وفاجأتني بـ غيومه

يامبدعين الشعر على قاف منظوم = نظموا القوافي في حياتي وهمومه

اصارع الامراض يوم(ن) بعد يوم = ومودعه ياروح لاجاه يومه

تلقى الضحك عالشفتي غش مرسوم = والستر عندي ضافياتـ(ن) هدومه

ومالي بأهل السوء قالات وعلوم = روحي على طيب المعاني رحومه

الصدق شح وصاحبه صار مذموم = وطبعي صبوره ولـ جراحي كتومه

الأ .. صديق الضيق عن الجور محشوم =طاريه فخر وطيبات(ن) علومه

وصلاة ربي عد ماتضوي انجوم = ع المصطفى المختار واعداد قومه



http://www.b3b7.com/vb/showthread.php?t=44734

[نورالدنيا]

السلام عليكم ورحمة الله وبركاته

كل عام وانتم بخير
وأعتذر لكم عن غيابي اللي غير ارادي لأني مسافره خارج العراق
واتقدم لكم بهذه القصيدة عل وعسا ان تنال اعجابكم


يانايفه جرحي كما جرح بغداد = اصبر واكابر والزمن خان فيني
حاربت انا لذ الكرى والملا رقاد = كني انا والليل متعاشقيني
من الصبر القلب يانايفه باد= تكفين يانسل الطنايا انصحيني
شوفي الامل يانايفه مبعد ٍ غاد=بغيت قربه وهو عيا يجيني
عدي انا والقلب مجرم وجلاد=يالنايفه لـ .. درب الخلاص ارشديني
وقلبي كما طير ٍ وقع بيد صياد =مقيده الاحساس ماهو بديني
وكل ماأقول للقلب في توبتك جاد=يقول مافي عهود لاتوهقيني
التوبة عن الكفر والأثم والحاد=ماتوب عن الشعر يكفي ارحميني
الله من جرح ٍ مع الوقت يزداد= من لوعتي من دمعتي من ضنيني
وقلبي على فرقأ العزيزين معتاد=صدمه اثر صدمه بحياتي تجيني
الهم شتتني وانا اصيح بس عاد=مات الرجا مابين حلمي وبيني
ماهمني لو قالت الناس وشعاد=ذكرى تخلد وسط قلبي وعيني
وان كانوا الشعار هاموا بكل واد=وقلبي وعقلي يالغلا هايميني
انا هوى بالي عسافة الضاد =في فعلهم في شعرهم مبدعيني
من ضمنهم النايفه بنت الاجواد=المبدعه بالشعر وطبعه رزيني
من عز قوم ٍ للمناعير احفاد = شيمه وشجاعه بدمهم وارثيني
ومن عزوت(ن) وسط الملا كانوا اسياد = مثل الشمس بالكون هم مشرقيني
والنعم من كل القبايل والابداد = شبه الجبال الراسية شامخيني




وســـــــلامتكم

بقلم الشمـريه المجهـوله



http://www.b3b7.com/vb/showthread.php?p=613716#post613716

[نورالدنيا]

الســــلام عليكـــم ورحمة الله وبركاته
في بعض الأخوات احرجني بكلام جارح
على اني شاعرة ذات قصائد مسترجله حسب قولهن
وان ليس لي قلب مثل البنات وبعد مده ارسلت لي
احدهن بيتين من الشعر تتحداني بالرد فقبلت التحدي



جاني كلام(ن) وأوجع القلب قوله

ارعد خفوقي وهز عرش المحبين

اكذب انا لو قلت انسى بسهولـه

مانساك مادمنا على الارض باقين

عدي انا بليـاك بدنيـا معزولـه

حره طليقه والمشاعر مساجين

أمل حياتـي ماتحقـق حصولـه

راسي غلاك بمهجتي والشرايين

ويما سهرت اليل وحدي بـطوله

وانتم معى الاصحاب ياهيه لاهين

وارجوك لاتصغي لـذول وهذوله

انتم رجا دنياي وعـ القلب غاليـن

ولاتسبق الأحداث قبـل حصولـه

ولايوهمك الضن بليـأ براهيـن

احسم قـرارك والعلينـا قبولـه

امـا نتفـارق ولا نبقـى وليفيـن

وابيك تسمعني بهـاذي المقولـه

مايتفق بايع معى نـاس وافيـن

وماكل حلم (ن)لاصحينـا ننولـه

واقـع اليـمٍ وقيـدوه بقوانـيـن
http://www.b3b7.com/vb/showthread.php?t=54291

[نورالدنيا]

وين الوطن يلي تعدون الاوطان = مجهول هويه وعن دياري بعيدي



وين المراجل وين نصرة الاديان = وين السيادة الحاكمينه العبيدي



شوف العرب في عزته كيف تنهان = كل يوم ذله من عدوه يزيدي



صرتوا تبع للغرب واذناب لاايران = حيف انطوى تاريخ بارز مجيدي



موتوا بكرامه ولاتعيشوا بحقران = انتم نسل عثمان وابن الوليدي



وضاري رمى وسط المعارة نجيمان=وحنا الكسرنا الفرس ماضي وجديدي



واذا الحميه تموت فيكم والاحسان = من الذي انخاه بعد بـ قصيدي



وعبير صاحت تطلب العون يااخوان = وين النشامه الماتهاب الضديدي



والله يلولا سمعة افلان وفلان = لااخذ انا ثار العذارى باأيدي



ينار جوفي كنها فور بركان = مايطفيه قطب الشمال الجليدي



ضاع الوطن مابين محتل وخوان = واستوطن العدوان بـ دار الرشيدي



وبغداد صارت للطوابير ميدان = جموع السرايا ايغديله رعيدي



يقودهم ساس المراجل كحيلان = ذيب يتحدى اعداه قرم ٍ عنيدي



من السطر يمشي على الموت فرحان = الهامه عليا والارادة حديدي



قاوم فلول الظلم بعزم ٍ وايمان = من عادته روس المعادي يصيدي



وتبقى عروس المجد تحيا بالأذهان = وخضابها دم الشفيه الشهيدي



احبها حب ٍ وصل حد الادمان = سلام يابغداد .. يبقى نشيدي





وســـــلامتكم



بقلم الشمريه المجهوله



حنا كسرنا الفرس ماضي وجديدي= القادسية الاولى والثانية



عبير صاحت تطلب العون يااخوان = عبير الطفله العراقيه التي استباح

شرفها الامريكان امام اهلها وقتلوهم





ضاري رمى وسط المعاره نجيمان = الشيخ المرحوم ضاري المحمود

الذي قتل في ثورة العشرين القائد البريطاني نجيمان



سلام يابغداد = عنوان احد ناشيد الشاعر العراقي الكبير



عبد الرزاق عبد الواحد
http://www.b3b7.com/vb/showthread.php?t=61279

[نورالدنيا]

حسبي الله عليهم في قفايا طعنوني

شبه كلاب ٍ عقوره بس تنبح ورايا

هذا وانا مجهوله كيف لو يعرفوني

كانوا يعدوا طيباتي كل ابوها خطايا

انا من عز قومٍ ٍ وعزوتي لقبوني

شمريه اصيلة وشاعره للطنايا

انا نفسي غنيه وبالردى ماشروني

عزتي شبه نجم ٍ معتلي في سمايا

مهما قالوا وقالو لله ماحطموني

ماحسبنا حساب ٍ للردى والوشايا

سمعتي راس مالي ولابتي يبخنوني

وربي شاهد عليا وعالم ٍ بالخفايا

ربي تحفظ نشاما تهابها العفوني

ربعي ستر الحراير ومسندي هم ذرايا

يالله اني رجيتك تحطم اللي ظلموني

وتظهر الحق عاجل من سود النوايا

وســـلامتكم

بقلم الشمريه المجهوله

http://www.b3b7.com/vb/showthread.php?t=55191

[نورالدنيا]

عندي عزيمة نفس عن الف رجال=وجروحي تنزف والمحاجر بخيله

البس وسام العز من الفخر سلسال=وبي شيمت(ن) مثل المهار الاصيله

كن الزمن حزنٍ وانا فيه موال=وظفرت من جور الليالي جديله

اتبع دروب الطيب ماهمني القال=حقوق الكرامه بالنفوس الفضيله

شوفاتنا دايم على روس الاجبال=ماني من اللي في حياته ذليله

ماهمني هرج القفا هرج الانذال=واللي يقف في درب جاهي ياويله

حنا بنات العز نخوات الابطال=تموت هيبه ولايدنس شليله

اطباعنا مانتركه مد الاجيال=وسلومنا لبس العباة الطويله

صحيح نعشق ,,وعشقنا طيب الافعال=نعشق صفات(ن) بالمراجل جليله

ونعشق شجاع(ن) يسطر الضد لاعال=حر ٍ شبيهه بالمصاقر قليله

ونعشق كريم(نٍ) بالعسريرخص المال=كريم سبلا بالعطايا مثيله

ونعشق فهيم (ن) للمصاعيب حلال= رايه حكيم ولايشيل النجيله

وعبرت عن خافي ضميري بالامثال= والغايه تدرك مبتغاه الوسيله

واطلب ستر ربي على كل الاحوال=يالله تحماني من النفوس الرذيله





وســــــــلامتكم



بقلم الشمــــريه المجهــــوله
http://www.b3b7.com/vb/showthread.php?t=62894