وش جابك اليوم تنشد شاخر أخباري ((قصيده))

[ام مرام]

[((( آخــــر أخباري ))) ]
وش جابك اليوم تنشد شاخر أخباري ****وش ذكرك وانت قبل أيام ناسيني
يابن الحلال اشتبي في جرحي العاري؟**** يعني لمحته برى ثم جيت تدميني
أو جيت قصدك تعيد الحب والطار ي **** من عقب ذاك الفراق تقول تغــليني
وين أنت ! يوم الليالي تطفي أنواري؟****وين انت يوم الهموم تنور سنينــي
تــوك تذكرت قلب خـان مقــداري *****تـوك تذكرت الهم كيف كان مــشـقــيني
كثرت معاك الجروح وعفــت مشواري *****ولاعاد دربك مـثل ماكــان يعنيني
نسيت السنين الماضيه وريحت أفكاري *****وعندي استوى من سكن عيني ومعميني!
وان كـأن اليوم تنشد :شاخر أخباري؟***** مرتـــاااح قلبي بعد ماغبت عن عيني.

[خوي الذات]

وين أنت ! يوم الليالي تطفي أنواري؟****وين انت يوم الهموم تنور سنينــي

أختنا ام مرام
ومن رائعه الي اروع
قصيده تستحق ان نصفق ونقف اعجاب بنسجها وتسلسلها وترابطها
وكذلك وقفت عند هذا البيت
وان كـأن اليوم تنشد :شاخر أخباري؟***** مرتـــاااح قلبي بعد ماغبت عن عيني.

بيت قوي وله معنى صحيح وله موقف سابق وجرح مهما طاب الجرح يبقى له اثارها بالجسم وهذا الجرح يختلف كثيراً عن بقايا الجروح وهو جرح المستقبل الذي هدمه بنفسه الضعيفه التي لما ينظر لطريق الصحيح الا بعد مافات القطار وينظر لرجوع لها من جديد ويعض اصابع الندم على ضياع جوهرة من بين يديه بعد ماكانت في يده ولكن هيات هيات الكل راح في طريقه بعد ماحكم القاضي وهذي الابيات ماقيلت الا من قصه واقعيه على صاحب القصيدة ونقول صح لسانك وصح قايله وتقبلي تحياتي
اخوكم
خوي الذات

[عقاب النهار]

صح لسانك اختى
ام مرام على ذوقك الرائع
ولسان شاعرها



تنقل الى قسم المنقول والمحاورات


تقديرى

[ام مرام]

ونورت صفحتي في مرورك ياخوي الذات والكلامات المعبره ظهرت من اخ و قلب صادق وشكر الخاص لمن اعطاك هاذا القب يستاهل الي يحب خشمه ((عقاب النهار )) الله يعطيك العافيه على النقل ومرورك الكرييم