قصائد الشعراء المشاركين في الحلقة الاولى من شاعر المليون

[هواي الملتاع]

الشعراء المشاركين بالحلقة الأولى من النسخه الرابعه لبرنامج شاعر المليون
ابراهيم البلوي ( المملكة العربية السعودية )
احمد الضباعي ( دولة الامارات العربية المتحدة )
ثاني الدهمشي ( المملكة العربية السعودية )
حميد البحري ( اليمن )
ربا الدويكات ( الاردن )
سلطان بن بتلا الحربي ( المملكة العربية السعودية )
عبدالله بن بصيص المطيري ( دولة الكويت )
علي الغياثين المري ( دولة قطر )

قصائدهم :

http://www.b3b7.com/vb/imgcache/76839.imgcache.jpg (http://www.arabsfr.com/up/)
ابراهيم البلوي
المملكة العربية السعودية

فضة تعالـي قربـي عنـدي كـلام ..
قبل استخير وبعـض مابـي يحتويـه ..
البارحـة نادمـت صمتـك بالمنـام ..
وأشعل ضمير البوح من جذوة فقيـه ..
كنه بعث بي صوت من تحت الركـام ..
مرت عليه سنين واحساسـي نسيـه ..
قمت استعيد الذاكرة في كـل عـام ..
واسكب مداد الضيق وأرجع واحتسيه ..
شفتك وأنـا بالمهـد نظراتـي حمـام ..
تخطب وداد وجيـه وتغـادر وجيـه ..
طفلٍ عليك يلـد عينـه يـا حـرام ..
كنه يقول بصمت ياروحـه خذيـه ..
وأنتي تمدين الغـلا بكفـوف خـام ..
يستـر مشاريـه الصغيـر ويرتديـه ..
وإن حس برد الخوف لديتـي همـام ..
حكتي دفاك لحاف وأضفيتـي عليـه ..
حتى كبر وأشتـد عـوده واستقـام ..
وأصبح يكيل الطيش في راحة يديـه ..
ما كنه إلا ينسـج خيـوط الظـلام ..
لأفكار من سالـف زمانـه تعتريـه ..
واقع مرير وضعف حيلـه وانهـزام ..
غربة تسافـر فـي مـداه وتحتريـه ..
ما بين نهج الدين وأفكـاره خصـام ..
عجزه لقى التبرير فـي مبـدأ سفيـه ..
حول حياتك هم وظنونـك هيـام ..
ترجي سحابة صيف من عذرٍ وجيـه ..
واخر مطاف الحلـم تهتـي بالزحـام ..
في مشهدٍ ما له سوى ضعفك شبيـه ..
حصة ومريم .. ريم وأشواق ومـرام ..
يا هيه ما احسه دخيلك حـس فيـه ..
وصيـة الطاهـر إلـى وردن حيـام ..
خلك لهن مزبن علـى العـد النزيـه ..
وأخفض جناح اللين حشمه واحترام ..
وأفخر بكنزٍ فـي حياتـك تفتديـه ..
من يعتزي بأخته ليـا سـل الحسـام ..
عيد النظر بالعلم وأفهـم يـا نبيـه ..
لو تنشد التاريخ عـن سيـرة همـام ..
يمديك في بعـض المواقـف تحتذيـه ..
من لقن الفاروق عـن طـه السـلام ..
من خلدت صخرا بصخـرا نستقيـه ..
من قال نورة واعتـزى ذروة سنـام ..
حتى بنـى للمجـد صرحـا يعتليـه ..
فضة .. تعالي وأسمعي ملـح الكـلام ..
قدرك على راسـي رفعتـه وأحتميـه ..

****
http://www.b3b7.com/vb/imgcache/76840.imgcache.jpg (http://www.arabsfr.com/up/)
احمد الضباعي
دولة الامارات العربية المتحدة

يـا جميـل المحيـا يـا محيـا الجمـيـل ..
وش بقول و باخلي وش باخلي و اقـول ..
المفاهيـم وحـده و الحصيـل الحصيـل ..
كل شي في أوانـه و الهـوى بالأصـول ..
و الغصيـن الجميـل ان زاد حملـه يميـل ..
مثل وبل السحاب اللـي سمـوه نـزول ..
و انت يا حلم عمري يا خليـل الخليـل ..
كل ما زدت طيبه زدت وهج و ذهـول ..
ازرعك كل صبح و احصدك كـل ليـل ..
و انتهي بك فصول و ابتدي بك فصـول ..
و آخذك بانتفاضه من قصيـد و صهيـل ..
و انت تجفل و شعري من جفولك جفول ..
انت مثل الحلول اللي ما تشفـي الغليـل ..
و انت مثل الغليل اللي ما يرضي بحلـول ..
يا طويـل قصيـر و يـا قصيـر طويـل ..
فيك طول بقصر و فيك قصـر بطـول ..
خذت مكر الكريم و خذت لطف البخيل ..
و احتويت الفضول و لا حواك الفضـول ..
فيك الفين قول و فيـك مليـون قيـل ..
يعظم القيل فيـك و لا يعظمـك قـول ..
ترتكـي للحمـول و تعتنـي بالهـزيـل ..
و الهزيل يهذي بك لاارتكـى للحمـول ..
كل يوم يسيـل بخافقـي الـف سيـل ..
و انت ما همك الا سـد كـل السيـول ..
وكـل ليلـة اذوق المـر و السلسبيـل ..
لا نظرتك بوسط النجـم عنـد الافـول ..
عشت لاجل الملاقى فوق كف الرحيـل ..
بين عذل اللئيـم و بيـن لئـم العـذول ..
انتقي لك مـن خيـول المحابـاة خيـل ..
و تنتقي لي من خيـول المجافـا خيـول ..
دام لك كل شي يسعى و يحـن و يميـل ..
فأنت برهان لاسبـاب الغـلا و الميـول ..
و البراهيـن مـا تغـتـر بالمستحـيـل ..
تقلب الحول شهر و تقلب الشهر حـول ..
كل شي من حواليهـا يسـوق الدليـل ..
شمس و الشمس عين الحق و ام الوصـول ..
دام لي فيـك غايـة لا تطـول و اطيـل ..
هاتهـا مـن قصيرتهـا قبـل لا تطـول ..
سو فيني جمالـه و اكتـب بـي الجميـل ..
و افتح كتاب فضفضتك و فضفض و قول ..

****

http://www.b3b7.com/vb/imgcache/76841.imgcache.jpg (http://www.arabsfr.com/up/)
ثاني ثويني الدهمشي العنزي
المملكة العربية السعودية

هام قلبٍ ضيقته مصدر افراحه ..
و غاب فكر ماخذ من الهوى لونه ..
و الوفا لا خان صاحبه ذباحه ..
و كذبة بالصدق حيه و مدفونه ..
من ورا المعنى كفخ شعر بجناحه ..
مخلبه قصدي و صيدته مضمونه ..
جيت لك مكتوب يا شاطي الراحه ..
شاعرك ابكى كثيرين يقرونه ..
مبدأه ثابت شف الوقت برياحه ..
ما قدر للجذع كسّر من غصونه ..
عادته لامر هاجسه بجراحه ..
صيّر العقيّل غاوين بجنونه ..
بابه المقفول مفقود مفتاحه ..
و خلف بابه كل الاسرار مسجونه ..
معركته المجتمع فكره سلاحه ..
و النصر وارد و همته مشحونه ..
دلت نيوتن على المجد تفاحه ..
طاحت و كانت ولاده لقانونه ..
يا صديق الأمس في طارف الساحة ..
او عدو اليوم جو أمس وشلونه ..
ما وحشك الفقر و موايق اشباحه ..
شفني اشبع جوع و الفقر ما اخونه ..
الرصيف يحن و الحزن يجتاحه ..
لو قدرنا نجتمع يوم من دونه ..
ليه يا ورده تكونين فواحه ..
و انتي بروضٍ قفر ما يمرونه ..
كم يموت انسان ما نايحٍ ناحه ..
غير اخوه و لا لقى من يعزونه ..
يفرك المبلي من الضيق مسباحه ..
و لا تشاور طيحة دموعه عيونه ..
الغدير و نخلته شكلو واحه ..
و الفقير و لوعته مثلوا هونه ..
قاد تايه في دجى الليل مصباحه ..
و تاه قايد تتبع اقدامه ظنونه ..
قلت ما يغني غموضه عن ايضاحه ..
و الهقاوي عند الآمال مرهونه ..

****
http://www.b3b7.com/vb/imgcache/76842.imgcache.jpg (http://www.arabsfr.com/up/)
حميد البحري
اليمن

توكلنا على الله باسمـه ابـدا و البعـاد قـراب ..
رجانـا بالله المعبـود ذي مـا خـاب طلابـه ..
معك طاب السمر يا هاجسي ما بين ضرس و ناب ..
فحول الشعر لكن كل شاعر يضبـط اعصابـه ..
انا ما جيت اشارك بس في حلقه و ادف البـاب ..
جماهيري توصينـي علـى البيـرق و مشعابـه ..
و من يعتب على قولي فلا يزعـل و لا يرتـاب ..
و يستاهل بياض الوجـه مـن عشـاه مخلابـه ..
الا قامت هل العليا مقام الجيـد فـي الانشـاب ..
انا رافع شعار النصـر و اهـل الجـود تزهابـه ..
رموز المجتمع و احفـاد تبـع شبـه و شـواب..
و حضرت كل مزيونه على الساحـات جذابـه ..
"و بيشهد حمد من عقب فحصه مخـزن الشبـاب ..
لان سلاح هاجوسـي يقـاوم ضـرب دبابـه ..
اناما لي بهاجـس مـا يوصلنـي الـى المرقـاب ..
الا التمت جموع القوم بيـن السهـل و هضابـه ..
حضرنا و الوعد قـدام و التاريـخ لـه كتـاب ..
ثقة شاعـر بمنطوقـه و رب البيـت و كتابـه ..
و لا حاجات للنعرات لا كل الرجال اصحـاب ..
انا قومي مـراد الجـود لا كـلٍ و لـه لابـه ..
هل التاريخ ما فينـا ردي يذكـر ولا كـذاب ..
و كم من جيد برجال اليمـن مفتولـه اشنابـه ..
قبايل رافعين الـروس بالشـده تحـل صعـاب ..
توردها علـى حـوض المنايـا للـردي هابـه ..
و شعب اقسى من الضلعان لا جار الزمان و عاب ..
و ساعات اللزوم اوفـى مـن الجمّـال لركابـه ..
سلام الله عليهم مـا تلامـا بـارق السحـاب ..
من الغيضه الى صعده و مأرب حاسـب حسابـه ..
لانه مهد تاريخ العرب و الاصـل و الانسـاب ..
على مـر العصـور الماضيـه للمجـد بوابـة ..
و حيث الشيخ زايد عاد سده و ارتوى الشـراب ..
و قايد شعبنا الريس علـي وقـف و حيـا بـه ..
اخوة صادقه مالوقـت يفنيهـا بـاي اسبـاب ..
و عمدها خليفه بالوفـا مرحـوم مـن جابـه ..
بذكر المصطفى سيد البشـر و اآل و الاحبـاب ..
صلوا علـى النبـي و اثنـوا علـى اصحابـه ..

****
يتبع

[هواي الملتاع]

http://www.b3b7.com/vb/imgcache/76843.imgcache.jpg (http://www.arabsfr.com/up/)
ربا الدويكات
الاردن

تقول اللي سمت عن كل عايب ..
لها في قمـة العليـا رغايـب ..
انا اللي ما لمـز فينـي غريمـي ..
بعيد الدار او قـاص القرايـب ..
مشيت ب نور في ليل تعسعس ..
دحرت ابليس عن مشهاه خايب ..

سحايب هالفكر هلت بردهـا ..
على روض غدا زرعه خصايب ..
الا لاني دعيت القـاف جتنـي ..
جزيلاته رضا ولـلا غصايـب ..
و اذا مبداي عمـان الهواشـم ..
فذكري ديرتي راس الوجايـب ..
بهـا عبـدالله الثانـي فخرهـا ..
شريف البيت و معز الطنايـب ..
من ال البيت سيدنا تسلسـل ..
حرار تعتلـي شـم الجذايـب ..
و اذا ما قلت ابو ظبي العذيـة ..
ذكرت اللي حضر لوكان غايب ..
ذكرت الشيخ زايد فـي يمينـه ..
حماها يوم شـدات العصايـب ..
فوحد شملهـا و حمـا حماهـا ..
بعقل راجح و بشـور صايـب ..
و انصف شعبه و حنـا عليـه ..
كما ظل على الحيـد الترايـب ..
محال معقب الصيـد النـوادر ..
يقال انه قضى تحت النصايـب ..
الا و الله فجيعتـنـا بـزايـد ..
تقاصر دونها عطـب النوايـب ..
لعل اللي يسير الكـون بامـره ..
و على ما راد تنساق الهبايـب ..
شئابيب من الرحمـات تنـزل ..
على روحه كما هل السحايب ..
على نهج السلف واصل خليفه ..
رفيع الشان هو خير الوهايـب ..
فدام الغيث من مزنـه تهامـل ..
شكت من ذلها السود الجدايب ..
و الى بغداد حثيـت النجيبـه ..
معاليق الحشا فيهـا اللهايـب ..
فبغداد الرشيـد تئـن ثكـلا ..
و تشكو القدس حرات المصايب ..
ترد القدس شكواها بشكـوى ..
الاقصى يحتري الكور النجايب ..
الاقصى يا هل النخوات دنـس ..
بدت في وجهه الطاهر ندايـب ..
متى تصحى العروبة من وسنهـا ..
تعيد العز بالبيـض الحدايـب ..

****
http://www.b3b7.com/vb/imgcache/76844.imgcache.jpg (http://www.arabsfr.com/up/)
سطام بن بندر بن بتلا الحربي
المملكة العربية السعودية

للترقب عيون وللأصايـل صهيـل ..
والأصايل تبـي ترضـي طموحاتهـا ..
مهرتي ماهرة والمحتفل عـرض خيـل ..
وجات للمحتفـل تظهـر مهاراتهـا ..
عن طوال الحواجز لا عدت ما تميـل ..
ودهـا تلمـس الغيمـة بقفزاتهـا ..
تعبر السبل لو مانـي بعابـر سبيـل ..
كنها بكل خطـوة تـزرع أبياتهـا ..
بذرها الموهبة وأفكاري البكر سيـل ..
يسقي جذورها وتطيـب خيراتهـا ..
أحترم بالتنافس كل فـارس زميـل ..
جاء لِ بوظبي وأجتـاز اختباراتهـا ..
وأحترم قبل هذا كل شاعـر جميـل ..
ما تأهل وشـارك ضمـن جولاتهـا ..
في سما الشعر تلقى الجدي تلقى سهيل ..
وبه مجـرات ماهـي مـن مجراتهـا ..
أقحمت نفسها ونشوف في كل ليـل ..
نورها المصطنع ونشـوف سقطاتهـا ..
ليه ؟ لأن الصحافة ما عليها وكيـل ..
كيف ..! سر الصحافة في علاقاتهـا ..
حبرهم سم له في كل صفحة قتيـل ..
أسلبوه أرضـه وباعـوا مساحاتهـا ..
ما سِلم من غياب الذمة إلا القليـل ..
ومع ضجيج الحناجر ضاعت أصواتها ..
الشعر ضاع بالظلمه بشور الدليـل ..
وضاعت أركاب ناسـه وإتجاهاتهـا ..
وطول يدور ويحسب إن دربه طويل ..
ميـر مالله هـدى رجلـه لمنجاتهـا ..
خوفه من الهلاك ورغبتـه بالرحيـل ..
أتعبـت نفسـه وزادت معاناتـهـا ..
وأشرقت شمس حق وسوت المستحيل ..
وانتهـت رحلـة التيـه ومتاهاتهـا ..
من هنا للتجارب مزج من كل جيل ..
وأمة الضـاد شاهدنـا حضاراتهـا ..
يبدأ بِ خطوة المشوار إلى الألف ميل ..
ومن هنا الخطوة تعـادل مسافاتهـا ..
احتوى النقلة الفكرية اسمـاً كفيـل ..
دون لا يجتهـد يحصـد نجاحاتهـا ..
كيف إذا كان تشريفه ومده جزيـل ..
ولا ثنى عـزم نفسـه واجتهاداتهـا ..
ابن زايد وأخو القايد ولا لـه مثيـل ..
غير في نسـج الأحـلام وخيالاتهـا ..

مهرتي كان بتسويـن فينـي جميـل ..
أسعدي نفـس خيالـك ورغباتهـا ..

****
http://www.b3b7.com/vb/imgcache/76845.imgcache.jpg (http://www.arabsfr.com/up/)
عبدالله بن بصيص المطيري
دولة الكويت

ابطيت اصب القصيد ابطيت اهد السدود ..
ابطيت اكثرني بنفسي لنفسـي حصـاد ..
يا عالي الحلم قل لي ما على الوقـت زود ..
منهو من الثاني المورق و منهـو الجـراد ..
احيان احس اني اكثر شي فينـي صعـود ..
و احيان احس اني ابعد ما يكون المـراد ..
انـا امتـداد لأنـا فينـي بليـا قيـود ..
من غير لا افرض لنفسي انـا و امتـداد ..
ياخذني ادراكي لذاتـي بـذات الوجـود ..
لابعـاد رحبـه ممتـده ليـوم المـعـاد ..
فناء الاحياء صورة لانعكـاس الخلـود ..
مفاده ان الكفن معنـى جلـي للمهـاد ..
من اول الوهم لين آخر حقيقـة تسـود ..
يدور الانسان في نفسه كبـد و اجتـلاد ..
لذا توغلـت باللاحـد رغـم الحـدود ..
لعلنـي اقنـع افاقـي بوسـع البـلاد ..
لبست شم القصور الشاخصة فـي بـرود ..
و استملكتني ارم ف ابداع ذات العمـاد ..
في روعه الدهشه اكثر ما انتباهـي يجـود ..
و باللحظةالدارجـة يخنقنـي الاعتـيـاد ..
في الف ليلة و ليلة من خيـال و شـرود ..
كنزت في خاطري سيف و مسا و شهرزاد ..
لـباكر اللي رقت فيه الامانـي سنـود ..
و لمحبةالابيض ان غاصت بقلـب سـواد ..
الشعر من جمرة الشاعـر كتمهـا بعـود ..
ثم فاح دخانه احـزان و نشمـه عيـاد ..
شاعر عطا دفتـره غيـم و يدينـه ورود ..
لا تلومه ان شفت لأنفاسه هجير و رمـاد ..
اعلن على ضامي الهاجوس جفنـه ورود ..
و اعلن على حامي الوجدان صوته بـراد ..
في نظرته تقبس البندق و تجفـل عنـود ..
في نظرته للقلم معنـى مـهـو بالزنـاد ..
تمرده من جنـون الوعـي لكـن يقـود ..
لشاسـع المنطلـق و لثابـت الاعتقـاد ..
لناره افكاره اشتـب الأحاسيـس نـود ..
كل قلب غالي و كل معنى كريم و جـواد ..
يحق له لو تبعـه اسمـه لـدرب الخلـود ..
و يحق له لـو يهيـم بداخلـه كـل واد ..

****
http://www.b3b7.com/vb/imgcache/76846.imgcache.jpg (http://www.arabsfr.com/up/)
علي الغياثين المري
دولة قطر

في غيابت جـب شعارنـا طـاح الغـلام ..
لكن انه مـا عطانـي يديـه استخرجـه ..
جعل ابيه النـار و امـه بيلحقنـي مـلام ..
كان قمت و عاد باقي كلامٍ مـا هرجـه ..
شافته عيني و فزيـت مـن حلـو المنـام ..
مر قبل انام طـاري بصـدري و ولجـه ..
للمشاعر حشرجة في بيـوت الشعـر دام ..
للشعر في صدر شعـار وقتـي حشرجـه ..
و الكبير اليا بـرك عنـد ابـار الحـلام ..
كيف ما هبت عليـه الريـاح تدحرجـه ..
العقول المنتجه خيـر مـا فيهـا كـلام ..
من عقول تعيش و تموت ما هـي منتجـه ..
فكرتي عذرا ما معها خـوال و لا عمـام ..
كل ماضاعت مع الليـل ترجـع تتجـه ..
دونها لا من هدر لـي بعيـر لـه سنـام ..
كلت و جهه توهـا و العـرب متفرجـه ..
منهجي من حيث ما جيت اشق اشق خام ..
منهجٍ مـن عـاد بقعـا صبيـه ننهجـه ..
شامخ راسي و بيدي على المآقف حسـام ..
فيه من قسوة مضاريـب الايـام عوجـه..
ردها في صلب قحطان وللا صلـب يـام ..
يرتفع بي من على سلـم الوقـت درجـه ..
مري و عزمي قوي ب المداحم و الزحـام ..
وقفتي لا ضـاق صـدر الموالـي تبرجـه ..
يا وجه اسمع روايتك عن مذهـب الامـام ..
غير مـا فيهـا روايـه ولا حتـى وجـه ..
ايدلوجياتـنـا فوضـويـة و النـظـام ..
مـا يقيـم فوضويـة بلـيـا ادلـجـه ..
البطولة في مسلسل على الدنيـا السـلام ..
ثبتتـهـا بينـنـا واقعـيـة مخـرجـه ..
ترجمة مواطن الضعف تكسـر بـي عظـام ..
و يتخبطني الزمـن لا سمعـت الدبلجـه ..
اعذروا يا اهل الهدد طيركم لا منـه حـام ..
عشي البارح عشـا واجـد مـا روبجـه ..
ودي اشبع عام و ارضى بها و اجوع عـام ..
شبعة ما اعتدتهـا فـي حياتـي مزعجـه ..
الجويع اليا ضرب ضربتـه تذبـح قـوام ..
خص لا ضاقت و عيـن بضربتـه فرجـه..
كل ما استدرجت رجلي على درب الحشام ..
فهقت رجلي غصب نفسـي المستدرجـه ..
دوجت بي لين عدت مـن المـارد حيـام ..
وا وجودي منها و لـح يـا مـن دوجـه ..
طيب النيه الا صـارت فجوجـه ظـلام ..
نيتـه مـن دون لا ذي و لا ذي تخرجـه ..
من يسمي محزم الخـوص بالمـارد حسـام ..
و الله ان يخذلـه محـزم ولـلا يحـرجـه ..

[بـدر البدور]

هام قلبٍ ضيقته مصدر افراحه ..
و غاب فكر ماخذ من الهوى لونه ..
و الوفا لا خان صاحبه ذباحه ..
و كذبة بالصدق حيه و مدفونه ..
من ورا المعنى كفخ شعر بجناحه ..
مخلبه قصدي و صيدته مضمونه ..
جيت لك مكتوب يا شاطي الراحه ..
شاعرك ابكى كثيرين يقرونه ..
مبدأه ثابت شف الوقت برياحه ..
ما قدر للجذع كسّر من غصونه ..
عادته لامر هاجسه بجراحه ..
صيّر العقيّل غاوين بجنونه ..
بابه المقفول مفقود مفتاحه ..
و خلف بابه كل الاسرار مسجونه ..
معركته المجتمع فكره سلاحه ..
و النصر وارد و همته مشحونه ..
دلت نيوتن على المجد تفاحه ..
طاحت و كانت ولاده لقانونه ..
يا صديق الأمس في طارف الساحة ..
او عدو اليوم جو أمس وشلونه ..
ما وحشك الفقر و موايق اشباحه ..
شفني اشبع جوع و الفقر ما اخونه ..
الرصيف يحن و الحزن يجتاحه ..
لو قدرنا نجتمع يوم من دونه ..
ليه يا ورده تكونين فواحه ..
و انتي بروضٍ قفر ما يمرونه ..
كم يموت انسان ما نايحٍ ناحه ..
غير اخوه و لا لقى من يعزونه ..
يفرك المبلي من الضيق مسباحه ..
و لا تشاور طيحة دموعه عيونه ..
الغدير و نخلته شكلو واحه ..
و الفقير و لوعته مثلوا هونه ..
قاد تايه في دجى الليل مصباحه ..
و تاه قايد تتبع اقدامه ظنونه ..
قلت ما يغني غموضه عن ايضاحه ..
و الهقاوي عند الآمال مرهونه ..

****













حبيت هالشاعر كثير

شاعر رومانسي و صاحب مفره جميله

لكن التصويت ما حالفه مما سبب خروجه

فالنهايه وصوله لـ 48 يعتبر يعتبر شاعر وماعليه زود


تسلم اخوي ع الطرح

لاهنــــــــــــــت

[هواي الملتاع]

بدر البدور
الله يسلمك
تشرفت بمرورك الكريم
دمتِ بخير