ميزر بن طواله
02-22-2010, 06:43 PM
صاحبي ياطول هجرانك وصدك= والمصيبه بيننا مابه مسافه
باح سدي منك..باح الله سدك=يا محرّك هاجس الشاعر وقافه
وأنت يوم انك ملكت القلب عندك=كيف تجرم به ..وربك ما تخافه
تفتكر ما تقلب الايام ضدك=بك غرور..وكبرياء..وبك صلافه
وان زعلت أقفيت لو ماهو بودك=وكل ما قفيت نلحقك الحسافه
تستمع للواشي وعنا يلدك=والقلوب السود ماهي والنظافه
جعل من هو دوني اليا جيت ردك=قبل يفرق شملنا تاكله الآفه
يوم ربي بالحلا والزين مدك=واحد(ن) يصفي معك بالحب صافه
وكل ماالاشواق والذكرى تشدك=زورني والقلب لك قصر الضيافه
وسلم ان مريت لو بصباع يدك=والتحيه من يدك..محدن يعافه
يوم لاح البرق..مدري نور خدك=صاحبك ضاع أسنعه.. والدرب طافه
وكان بك من طيب ابوك وطيب جدك=لا تعرضنا المتاعب والكلافه
مامضى بالهجر يكفيك ويسدك= ماحلا لم الشمل عقب اختلافه
يمكن ان طولت هجرانك وصدك= بيننا يا خوفي أتطول المسافه
باح سدي منك..باح الله سدك=يا محرّك هاجس الشاعر وقافه
وأنت يوم انك ملكت القلب عندك=كيف تجرم به ..وربك ما تخافه
تفتكر ما تقلب الايام ضدك=بك غرور..وكبرياء..وبك صلافه
وان زعلت أقفيت لو ماهو بودك=وكل ما قفيت نلحقك الحسافه
تستمع للواشي وعنا يلدك=والقلوب السود ماهي والنظافه
جعل من هو دوني اليا جيت ردك=قبل يفرق شملنا تاكله الآفه
يوم ربي بالحلا والزين مدك=واحد(ن) يصفي معك بالحب صافه
وكل ماالاشواق والذكرى تشدك=زورني والقلب لك قصر الضيافه
وسلم ان مريت لو بصباع يدك=والتحيه من يدك..محدن يعافه
يوم لاح البرق..مدري نور خدك=صاحبك ضاع أسنعه.. والدرب طافه
وكان بك من طيب ابوك وطيب جدك=لا تعرضنا المتاعب والكلافه
مامضى بالهجر يكفيك ويسدك= ماحلا لم الشمل عقب اختلافه
يمكن ان طولت هجرانك وصدك= بيننا يا خوفي أتطول المسافه