يمــــــه وينـــــك؟؟؟؟

[قطه دلع]

يمّه وينك !؟
آنا بنتك .. " ضيّ عينك " !
شوفي وش قرب المسافة بين أهدابي وبينك !؟
بس يمّه أنتي وينك !؟
يمّه قومي !؟
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. اهدومي !!؟
يمّه بدري .. والله بدري ! آتهجّاها اهمومي !
يمّه مات !
كل شي كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مرّ..
ودعني ..
وفات !
طفلتك ماعاشت " إحساس" الطفولة !
............. فاقده في هالزمان ... إحساسها !
شافت إن الصبح ..... ماتقدر تطّوله !
............. وازفرت .. ونّه ورا أنفاسها !
واحضنت هالليل والورد ..... وذبوله !
............ لين مانامت ...... على كراسها !
ما استحى منها الحزن .... هاك الخجولة
............ ولاطرى يرحل ويبعد ... ياسها !
فيه شي لو قدرت إني ....... أقوله !
............ كان شفت الناس ... حبّت ناسها !
يمّه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبّح لي حمام !!
يمّه وينك !؟
ماتت اللهفة بيدّي .. تنتظر لهفة يدينك !
يمّه اخذيني معك ..
بس اشوفك .. واسمعك !
ودي لو أقتل بصدري هالسؤال :
يمه وينك !!؟

[نوارتي]

يالبى قلبك ،،
عساك ماتفقدين غالي ،،
لاهنتِ يالغاليه ولا هان منطوقك ،،

[على النيه]

الله يحفظ لنا امهاتنا يارب


انتقاء رااائع لشاعر اروع


صح لسان الشاعر


وسلم ذوووقك ونبضك ..


ود وتقدير




تنقل للقسم المناسب

[لحظة حنين]

انتقاء رائع وجميل

سلمت اناملك على

النقل المتميز

[" آلـ جــود "]

سووري مكرره هوون

http://www.b3b7.com/vb/showthread.php?t=45965&highlight=%CF%CE%ED%E1%DF+%E1%C7%CA%E4%E6%E3%ED (http://www.b3b7.com/vb/showthread.php?t=45965&highlight=%CF%CE%ED%E1%DF+%E1%C7%CA%E4%E6%E3%ED)