¨°o.O ( ديوان الشاعر حمدان سليمان ) O.o°¨

[على النيه]

http://www.shy22.com/xzfiles/WaN81062.png (http://www.shy22.com/)






http://www.shy22.com/xzfiles/Itz80691.png (http://www.shy22.com/)





حمدان سليمان

شاعر الاحساس والمعنى العذب

قوي الكلمه وجزل المعنى

يمتلك لغه سلسه تخاطب القلوب والعقول

فشعره يمتلك مقومات الجمال والتميز والتفرد ..

اترككم مع ديوانه فهو ابلغ بوصفه ..

[على النيه]

الرووض الندي


http://www.b3b7.com/vb/showthread.php?t=71779 (http://www.b3b7.com/vb/showthread.php?t=71779)





ياا صاحبي ليه العيـون اطرّفتهـا=
من قبل تنشد واضح ٍ لك مقصـدي
صدق النواايـا بالحسـن عرّفتهـا=
وضح النقا مبداي وابقـى المبتـدي
ياليت يوم انـك حكمـت انصفتهـا=
جبت العقارب! ليه ! بالروض الندي
يااا حيف كاانـك بالخفـا حرّفتهـا=
الحيله تصغر لا كبرت مـدة يـدي
من طيبتي والنفـس لامـن عفتهـا=
من طيبها ولا مـن الحـظ الـردي
شيّمتها عـن داار مـا و ااالفتهـا=
تبقى الثريا غير عن نجـم الجـدي
وانا ادري أنـي بالهـدى غلفتهـا=
واللي دخله الشك لزوم انـه يغـدي
حتى النوايا البيـض لـو ماشفتهـا=
مـا لمتهـا والله لآنكرهـا الـردي
وأقسم برب الكـون لـو سولفتهـا=
ماا صاارت البوم اتجـرّأ وتعـدي
وفي ذمتي لوقلـت مـاااا شرفتهـا=
ماا دامني لثـوب المعـزه مرتـدي
يمنااي ما أذكـر بالـردى كلفتهـا=
ولاعاشت بحظن الرجا خلف جهدي
وإن كان يسأل؟ ليش! انا طوفتهـا=
عمر الطويله للوطـى مـا تهتـدي

[على النيه]

لا تحسبين الحب في قلبين خارقهن =>سهم =>


http://www.b3b7.com/vb/showthread.php?t=72439 (http://www.b3b7.com/vb/showthread.php?t=72439)


لا تحسبين الشعر يـااا حبيبتـي خطـة قلـم=
الشعر آحساس وشعور يكشف لك الخافي الدفين
ولا تحسبين الحب في قلبيـن خارقهـن سهـم=
الحب آصله بالوفا والتضحيـه بيـن الاثنيـن
وفيت لـك وبسبتـك بالصـدر كنيـت الالـم=
ظنيت في صدرك وفا وياللآسف خنتي الحنيـن
سلمتك القلب الوفـي وخذلتـي حبـه والعشـم=
ما كنت أضن أن الوفا فقيـد دنيـا العاشقيـن
وملكتك آحساس الهوى وشافك طموحه والحلـم=
ما كنت أحسبك في غرامه والمحبـه تجهليـن
آسف ظلمتك يا هوى ورميتـك بدنيـا العـدم=
حقك علي مهما حصل يبقى مقـرك بالعريـن
وإلا أنتِ غرك مع جمالك عاذلي يومـه ظلـم=
آغواك شيطانه وقلبـك طـاوع وكـذب يقيـن
لاتحسبين "النفس" تنسى بالخطا حـب الخشـم=
داام المعزه راس مال وجوهـر العـز الثميـن
"شموخها" يرسي كما هو راسي بمصر الهـرم=
واللي قوى شيل الثقيله ماا شكى غدر العويـن
ظنيت فيك آنسى الحزن والحلم بيديـك آنهـدم=
خلاص خيبتي الظنون والحـل آنـك تبعديـن
ولّى أنا طبعي حزين خلاص ما يفيـدك نـدم=
خلاص بنساك وطويت الصفحه والخالق يعيـن

[على النيه]

الـشعـر إما موهبه ولا وراثه


http://www.b3b7.com/vb/showthread.php?t=71075 (http://www.b3b7.com/vb/showthread.php?t=71075)


الشعر إمـا موهبـه ولا وراثـه=
والرب بالثنتين من فضله عطاني
ما يضيق القاف والرب أستغاثـه=
والمثايل بدع فكـري لا دعانـي
ولا طرقت من الآساليب الثلاثـه=
ولا رسيت إلا على جزل المعاني
ما كتبته ضمن شعـار الحداثـه=
من فكر صافي تجول بالمحانـي
ولا تحايل لا ولا أسلوبي عباثـه=
يوم غيري ورد الشينـه علانـي
وإن ظهر غيري وبأسلوبه خباثه=
داعي الله لجود حسنـاه يهدانـي
والحقيقه تبان وكلـن لـه تراثـه=
ولا يتيه الراي في سهيل اليمانـي
يا قصيدي لا ملا الساحه غثاثـه=
لك مبادي وللعهد عـز ومكانـي
يوم ولد الـلاش يسعـى بنتكاثـه=
جيت اصونه وارفعه عن كل داني
ما دروا بإن الردى أصل الرثاثه=
والمواقف عرف وأصله ما يخفاني
ماا طرقت من الآساليب الثلاثـه=
ولا رسيت إلا على جزل المعاني

[على النيه]

( أنا الشبل من الأسد )


http://www.b3b7.com/vb/showthread.php?t=70489 (http://www.b3b7.com/vb/showthread.php?t=70489)





لاتنزعج ياللي ملا كفـك الجـود=
والخير عـم وشرهـا مادخلهـا
حجاجك يضايقني ليا صار معقود=
أنا دخليـه تعتقـه مـن زعلهـا
الشامت اللي هرجه يروح ويعـود=
وثـق ردااه بكلمـةٍ هـو جهلهـا
أنا ادري أنه ريح ماهزت العـود=
ولا سااقت إلا ذنوب هرج ٍ دبلها
والحاسد اللي بكلمته أطلع سنـود=
يبطي وهو بأرضه يطاول محلهـا
واللي سلك درب المناقيـد منقـود=
وإلا المراجل صعبها لغير أهلهـا
علمتني طيب الفتى بلا رجا قصود=
ولا زان بعيونه بهى فـي كحلهـا
أنا الشبل من هالأسد منك مولـود=
وابغى سبب هالبسمه ومن بطلهـا

[على النيه]

الــجــررح الــدفــيــن


http://www.b3b7.com/vb/showthread.php?t=69724 (http://www.b3b7.com/vb/showthread.php?t=69724)

الجفـا والهـم والجـرح الدفيـن=
في مواضي الحب ودروب الضياع
قلت بكتب...ما بـدى والله يعيـن=
حالتي وياك واحسـن الإستمـاع
شوقي اللي ماجهل شيء بالحنيـن=
مات في بردك واحاسيسه جيـاع
يوم كان الحب وفا رحله وسنيـن=
بالوفا كنت أحسبـك زاد ومتـاع
لا فقدتك عارف ان موتـي يقيـن=
وان ملكتك منّتك حكـم ومطـاع
كيف اواصل رحتلي ومالي عوين=
في دروب ٍ سلّمهـا راي الجمـاع
الوله هو سااااااكن بليل الحزيـن=
والعتب ما جااد بأسلوب الشجـاع
عمري اللي كان في كفك رهيـن=
ليه ما صنتيـه قـدر المستطـاع
كان دمعك فـي غيابـي دمعتيـن=
ما شفع دمع ٍ لعمري يوم ضـاع
من غريق الدمع يالجرح الدفيـن=
من هو اللي كان ناوي بالخـداع
"الخلاصه" يـااا حبيبـي كلمتيـن=
رح فمان الله لا تطـري الـوداع

[على النيه]

دااعج العين

http://www.b3b7.com/vb/showthread.php?t=69278 (http://www.b3b7.com/vb/showthread.php?t=69278)



وش حيلة اللي يدااوي الجرح بجروح=
يبغى يدااوي القلب وأصبـح شقاهـا
يضحك لو إن قلبه من الهم مفضوح=
وسراايـره للنـاس مبـداا خفاهـا
يضحك ولا يبدي من الشين منضوح=
لو طالت أيااام الشقـا مـا شكاهـا
يدمح خطا ويبـرر العـذر بمـزوح=
ما قاسها وأصل الصفا هـو نقاهـا
مير البلا من دااعج العيـن مملـوح=
حبه دمر رووحـي وسيلـه فناهـا
بنيت له قصر وعمـارات وصـروح=
وبكلمةٍ مـات الآمـل فـي رجاهـا
غدت لي الدنيـا غرابيـل وكسـوح=
في ليلة ٍ غاب القمـر عـن ضياهـا
ورسيت من فوق البحر راكبٍ لـوح=
في غبة مـااا كـل عااابـر لفاهـا
دعيت له من سير الفلك فـي نـوح=
يلطف بحـال وسامـح الله خطاهـا

[على النيه]

فـي غـيـاابـك ..


http://www.b3b7.com/vb/showthread.php?t=68639 (http://www.b3b7.com/vb/showthread.php?t=68639)



في غيابك ضاق بي وسع الفضا=
مالي غير أزعج ونيني بالقصيد
والعنا لا من طرى وقت مضـا=
دمع عيني حايـر ورده عنيـد
كني اللي فوق له جمرة غضـا=
أو يتيمٍ عاش في عمره وحيـد
لا طرى طيفك لروحي واعرضا=
ما حداني دون وصلـك البعيـد
ما عسر قلبي غرامك وانشضـا=
لأجل عينك قرة الـدر الفريـد
آتحمل لآجلمكم حامـى اللضـا=
دام حالك يا حياتـي بالسعيـد
دوك قلبي وغايته بس الرضـا=
قصرك بغيرك ترى هو ما يشيد
الزهر والورد نبتـه وابرضـا=
زان فيك وفي محياك النضيـد
الشقا مكتوب لي وآمره قضـا=
راضي بحكم الولي وبما يريـد

[على النيه]

لـ هذا الصرح الشامخ


http://www.b3b7.com/vb/showthread.php?t=68978 (http://www.b3b7.com/vb/showthread.php?t=68978)


كل هاجس بالمسيره له طموحـه=
هاوي ٍ للمجد والجزلـه فريـده
من بعد حيي قصر شيّد صروحه=
قصر شامخ والمعاني به زهيـده
كل حرف ٍ للمعنّا فـي جروحـه=
يصبح ضماد وينول اللي يريـده
بالحفاوه طيبكم نبعـه وضوحـه=
ما نضب نهر الوفا علوم الحميده
والخطا يلقى له نفوس ٍ سموحه=
والنقا صدق النوايا ويوم عيـده
لو بدع لك هاجسي وأهداك روحه=
ماوفيتك لو هدى قلبـي وريـده
ليلة ٍ غنت له النفـس الفروحـه=
ليلة ٍ غنت حروفي لـه نشيـده
القمر مرقِب على عالي سطوحـه=
والنجوم المشرفه حروف القصيده

[على النيه]

و و جــد ..!!

http://www.b3b7.com/vb/showthread.php?t=68231 (http://www.b3b7.com/vb/showthread.php?t=68231)


يابنت شوقك تـرى منصـاب=
عجـزوا هلـه لا يدااوونـه
عطاك عمره بـدون حسـاب=
والرووح بالحـب مجنوونـه
طوع لعينـك كثيـر ارقـاب=
رجله على الدرب ماتخوونـه
من يوم ان القمر لـه غـاب=
والباب..! صكوه من دوونـه
خاوى حزنه وجفنـه شـاب=
وهنـاه ماعـاد يطـروونـه
ليه الجفا وآشرح الآسبـاب=
صمتك ! ترى زود طعوونـه
شاف القسى لاتقـولِ عتـاب=
مخطي وخطاك آعظم ديوونه
لو تعترف به..نساه وجـاب=
عذرك..لو النااس يشقوونـه
لاكن قساك الحقيقـه صـاب=
وجرح الهوى صعب يشّفوونه
اللّي نصـا طيبتـه ماخـاب=
والروّح عن شكّه تصوونـه
من هو عطا للحبيب آسبـاب=
يـوم العـوااذل يعذلـوونـه
عاش المحبه سنيـن غيـاب=
ومشاعر القلـب مرهوونـه
هـام وتولـع وحـب وذاب=
ورضا بحبـك شقـا كوونـه
هاتي العذر وضّحي الآسباب=
قبل الجفا يسبـب جنوونـه
ما للعـذر وقتهـا أي بـاب=
وقلبـك بحبـه يعـزوونـه
داامك بعمره عشـق وكتـاب=
وقصايد الـورد فـي لوونـه
يا بنت حبّـك بجوفـه ذااب=
قصيده باحت لـك شجوونـه
يابنت وينه دوى المنصـاب=
يابنت شوقـك لا يشروونـه

[على النيه]

من لا غرس طيب المكارم بيمناه



http://www.b3b7.com/vb/showthread.php?t=67813 (http://www.b3b7.com/vb/showthread.php?t=67813)



يا صااحبي القلب ضاااقـت حنايـاه=
وحسرات من ضيقة خفوقـه تحـده
إن جيت أبشرح لك تفاصيـل دنيـاه=
مابين حال. . وحـال يعجـز نعـده
حي أستباح الجرح واعطش ظمايـاه=
وظروف مع سـود الليالـي تقـده
كني سجين وقاضي الحـب ذكـراه=
ذنبه تجـاوز بالوفـا فـوق حـده
قالولي .! بأن درب الوفا ضااع مبداه=
ومن يسلك دروبه شكى الجور هـده
قلت العمل يُجزى على مـا نوينـاه=
وبإذن الكريم القلـب عنكـم نصـده
يكفي من الخوه..ترى ربـع ماجـاه=
ولا هان بـه قـدر الغـلا والمـوده
ما فاد عذر ولا شكى اليـوم فرقـاه=
واقفى ينومسه الخطـا وراي ضـده
داام الردى أصبح مـن العلـه دواه=
ماهمني لـو للفنـا أصبـح مـرده
يبقى معي بيتٍ لمـن بالهـوى تـاه=
موجز يفسر ما جرى وبـاح سـده
من لا غرس طيب المكـارم بيمنـاه=
وش ينفعه لامن ذِكـر طيـب جـده

[على النيه]

جيته غلا

http://www.b3b7.com/vb/showthread.php?t=65012 (http://www.b3b7.com/vb/showthread.php?t=65012)


ممدوح والله مابقى عنـدي علـوم=
غير القصيد ونبض شوق القوافـي
حلمي وبانتْ لي مواريـه مهـدوم=
عقب الرجاء الّي فات وصل وتشافي
جيته غلا..وجيته على القاف منظوم=
وكم مرة ٍ وطيت انا الجمـر حافـي
جيته على وضح النقى طيب وسلوم=
بيّنت ما عندي ولا اخفيـت خافـي
وآآ..قلبي الّي من قبل عام لليـوم=
مالاذ به غيـر الآسـى والتجافـي
وآآ..عيني الّي حاربة لـذة النـوم=
والجرح ينزف بالعروق الصخافـي
ريم الفلا داف الحشا صوّب سهـوم=
اللّي كما حـدّ السيـوف الرهافـي
وآقفى وآنا بين المخاليق مهـزوم=
وبانت علامات الحـزن بآختلافـي
منها دريت أن الوفا صـار معـدوم=
حرّمت آجيّه وماحصل منـه كافـي

[على النيه]

[ امـيـرك ..! ] وانت الأصل

http://www.b3b7.com/vb/showthread.php?t=66667 (http://www.b3b7.com/vb/showthread.php?t=66667)


اميرك اللي سخّـر القـاف لرضـاك=
يمك مسيره وانـت حـدد مسيـرك
كل القوافـي والـدرر مـن حلايـاك=
واحلى المعاني عطرها فـي عبيـرك
اصل الخطا قبـل اعرفـك واتمنـاك=
قلت الحقيقه وحقها تشـوف خيـرك
يوم ان مرامي كان بس تضحك شفاك=
يوم القليـل اللـي يعـوض كثيـرك
مالك عذر وأن قلت لي عن نوايـاك=
قلبك دليلك لو خفـى عـن نظيـرك
الله واكبر من علـى الـروّح بـدّاك=
غيري وقلي من دوى الروح غيـرك
قلي بربّك من علـى وفـاااه ربـاك=
غيري وانا اللي بالهوى مستجيـرك
شمّت عذّااالي وفرحـوا بـك عـداك=
وسرّك عذابـي يامعـذب عشيـرك
الهاااجس الي يـوم صديـت خـلاك=
بعينيه الله وانت حاسـب ضميـرك

[على النيه]

قصيدة حب لـعـيونك


http://www.b3b7.com/vb/showthread.php?t=66206 (http://www.b3b7.com/vb/showthread.php?t=66206)



دعيت اقلامي تكتب لك قصيدة حـب لعيونـك=
رواية عاشق مغرم وروح(ن) فيـك مفتونـه
أحب الورد من اسمك وعشقي للقمـر لونـك=
عشقني الليل بغيابك وعزف النـاي بلحونـه
على صوتي لجى طيفك سألتة قال مجنونـك=
ترى حالة شبه حالك ودمعه محـرق جفونـه
بكيتك واعتلى صوتي (0000)آلحان بشجونك=
حزن وآهات بشكيها وغياب(ن) عذب عيونه
حبيك انتي آحلامه يخون الوقـت مايخونـك=
رضاك دوم تفكيـرة وغيـرك مـا يهمونـه
حنانة طيبه بدنياااك وفااااه عايـش بكونـك=
وجودك حضرتك معناه بدونك مـا يحسبونـه
قصيدة حب بأقلامي بحبر الشـوق لعيونـك=
دخيل الورد بخدودك ياعطر الورد في لونـه
تدلل يا بعد عمري قصيـدي يقـول ياعونـك=
مدامك آنتي افكاره00سمّو الشعر في كونـه
قصيدة حب غنيني ابيهـا تـذووب بجفونـك=
شداها صوتك الفاتن شداهـا روح مجنونـه
قصيدي بس لعيونك ولاكـن كيفـك شلونـك=
عساك بخير ياحبي وشوقـي كيفـه شلونـه

[على النيه]

[ يا رووح رووح الرووح ]


http://www.b3b7.com/vb/showthread.php?t=65758 (http://www.b3b7.com/vb/showthread.php?t=65758)


ياروح روح الروح ولـعـلـك شمـووع =
آجـعـل نـهـار الــوولــف يـبـعـد ظـلااامك

وخل الفرح بعيونك السود موضووع =
لا يـضـيـّع الـتفكيـر منك آنسجااامك


ياغلا البشر قدرك على الغير مرفووع=
عـنـدي وحـبــك زاايـد ٍ فـي مـقــااامك


وحكي العواذل فيك ما هو بـ مسمووع=
لـو حط قـداامك وخـلـفك وامـااامـك


قلبي معـك والّي بقى الجسم وضلووع=
وتخفيف هـمي كـل ماسمع كـلااامك


والله لـويـصـبـح بـيـنـنا الـوصل مقطووع=
عـنـدي عـلـى بـعـدك يــزيـــد آحــتراامك

[على النيه]

لـ محمد اديهم مع التحيه ..!

http://www.b3b7.com/vb/showthread.php?t=65488 (http://www.b3b7.com/vb/showthread.php?t=65488)



شهم ٍ رقا بالمنتدى وشيد صـروح=
محمد أديهـم بالقصايـد فخرهـا
قدحت لك عودين من مصدر البوح=
بأرض ٍ خضار ولك نوادر زهرهـا
والريح معها ريحها فايحـه فـوح=
يجذب شذاها كل من هـو عبرهـا
آنشهد أنه مرتكي بعالـي الـدوح=
نار ٍ على رجم الطويلـه وظهرهـا
ضاري على الطولات قرم ٍوطحطوح=
من ساس لابه طيبها ما عسرهـا
ناس ٍغلاهم ساكن القلب والـروح=
من طيب أبو خالد ضميري ندرهـا
خذني عظيدك دونك الدم مسفـوح=
قرم ٍ على الشـده يفكـك صررهـا
دعيت لك من سير الفلك في نـوح=
تقضي سعدها ولا يمـرك قشرهـا
واسمح لنا لو قصر الهرج مسموح=
مدام اسمك جا بهـا هـو فخرهـا

[على النيه]

[ صـوت الـفـشـق ]


http://www.b3b7.com/vb/showthread.php?t=65310 (http://www.b3b7.com/vb/showthread.php?t=65310)




طاروق علم الغايبه ارسم له لحون=
اشيـد اركانـه واعـزز سياجـه
واعسف بنات الفكر والدر مكنـون=
وارد على العذب الـزلال وثجاجـه
الّي يقول أنه من الزيـن مزيـون=
ما همني لو يلبس الزيـن تاجـه
لايحسب اني في هوى الزين مفتون=
زِين العذارى مالنـا فيـه حاجـه
يوم الهوى هو مالقى من له يصون=
وكلن على ما قيل يرفـع حجاجـه
من هم غدى في عالم الحب مطعون=
برماح غـدر ٍ ماحمـت للزراجـه
كبوة جواد وخيبت آمال بضنـون=
وعيني تشوف الذيب يتلى نعاجـه
الّي ورد حوض المنايـا ومبخـون=
ويطرب على صوت الفشق بالجاجه
يشـوم للعليـا ولا يقبـل الهـون=
ولا يتبع علوم الـردى والسماجـه
وكان الحكي بزين المعاني له فنون=
أنا أشهد أن كل المعانـي عجاجـه

[على النيه]

يـا عــيــن


http://www.b3b7.com/vb/showthread.php?t=64834 (http://www.b3b7.com/vb/showthread.php?t=64834)



ياعين لا تسهـري نامـي=
مالك على شوفتـه حيلـه
سهران والحبـر بأقلامـي=
بل الورق وآنهـدر سيلـه
عطشان مايروي الضامـي=
والكسـر ماتجبـره ليلـه
الله على طيـف آحلامـي=
وآشواق قلبي تغنـي لـه
بلسم جروحي دوى آلامي=
اليـوم غابـت مراسيلـه
ماضي سنيني مع آيامـي=
يومه بقربي وآناجـي لـه
كنه لشعري هو آالهامـي=
جـزل المعانـي مواويلـه
طيبي نقي وبالوفا سامـي=
والجود بالصّـدر تآويلـه
ولا يخطي الرميه الرامـي=
ياكود حظّه شكـى ميلـه
ترى الجفا قصّ لي عظامي=
والهـم بااانـت تفاصيلـه
قله ترى ضعت بآوهامـي=
وآبغى الوعد في مواصيله
وكانه نوى البوق وآعدامي=
الغـدر يلقـى محاصيلـه

[على النيه]

رثاء بوالد محمد ضاحي العودهـ


http://www.b3b7.com/vb/showthread.php?t=65180 (http://www.b3b7.com/vb/showthread.php?t=65180)


يا صااحبي ما يخلّد الأدمي عصور=
جميـع خلـق الله تـرى للزوالـي
ملامحك من شافها قـال مسحـور=
هم ٍ فضحك وهم..! جاله مجالـي
والدمع ملّك مـا تهنيـت بسـرور=
استغفـر الـرب العزيـز الجلالـي
فقيدك بطيبه ترى الصيت مشهـور=
ولا يندفن طيـبٍ رقـى بالعوالـي
وما مات من هو خلفّ وعقّب اذكور=
تبقى ثلاثه وأنـت تفهـم مقالـي
بدعاك يا محمد ترى اليوم مجبـور=
نوفيـه حقـه يـا بعـد غـالـي
من صالح أعمالك لايجي له قصور=
لانه بكـل النـاس مالـه بدالـي
ولايضيع حق أمك تراها لك النـور=
وسراج يضوي لك جميـع الليالـي
خذها فرح دنياك لا صرت مكسـور=
والله يرحـم حالهـا أول وتـالـي
خذ النصيحه وأتعب الراي والشور=
وانا معك في كل ماملـك وحالـي
يا الله جعله ساكن وحوله الحـور=
وعن نارها جلـده بعيـد المدالـي
وعساه بالفردوس ساكن له قصور=
ومن هو دعى ربّه عن الهم سالـي
صلاة ربي عـداد سكـان القبـور=
وعـداد خلـق الله والّـي طرالـي

[على النيه]

صدق بوحه.


http://www.b3b7.com/vb/showthread.php?t=64624 (http://www.b3b7.com/vb/showthread.php?t=64624)




نزف جرحي ومن نزّفه بكتْله بالهـوى أقـلام=
قلم شاعر تعااال وشوف ياعمري صدق بوحه
لقانا اللي تخبرينه ي..حبيّ هو قبل كم عـام=
يوم أن الفرح كاسي الليالي والقمـر ضوحـه
كتبنا بالهوى قصـه كتبناهـا عشـق وهيـام=
على صدر السما جنب القمر يازين هاللوحـه
تعالي نرسم الفرحه على طيف الغرام احـلام=
نسافر في سنين الحب ونحيي سنين مذبوحـه
تعالي نعتق الليل الحزيـن وخاطـر المنظـام=
نداوي جروحنا دام الهوى..جيّه بـلا روحـه
يموت العشق بالدنيا وعشقك بالهوى لـه دام=
يموت الحب في هالكون وحبّك ساكن بروحـه
أبي تنسى الحزن..الهم..وكل الضيـق والالام=
تعيّشني الفرح لحظه تواعدني على سطوحـه
وانا لك شااعر ومغرم!..تدري..؟ لك انا رسّام=
أبرّسم بالحروف قصور...وفيّك اشيّد صروحه
أنا من هام في*حبر العيون*وصوّبته اسهـام=
اسير رموشها وتأثيرها تقـراااه فـي نوحـه
تعالي نعتق أحلام السعـاااده والفـرح قـدّام=
نجدد بالهوى قصه..دوى..لقلـوب مجروحـه

[على النيه]

البارحه مع هاجـس الليـل والخـوف



http://www.b3b7.com/vb/showthread.php?t=64345 (http://www.b3b7.com/vb/showthread.php?t=64345)

البارحه مع هاجـس الليـل والخـوف=
ذكرتهـا وأوجسـت بالقلـب خيـفـه
ذكرتها والشـرع واضـح ومعـروف=
وأخذت لي سجـه مـع ابـو حنيفـه
أشوف عاطف يستغل عطف معطـوف=
وأقول ماتقـوى النفـوس الضعيفـه
ماتشفي جروحي عبـارات وحـروف=
ولأحـدن تجـي دنيـاه داايـم بكيفـه
منها لزمت الصمت لا اسمع ولا اشوف=
أبكـي وتضحـك كـل نكتـه طريفـه
من كثر مامريـت بأحـزان وظـروف=
صـارت ثقيـلات المئآسـي خفيفـه
زمان صدق اشتاق واجيـك ملهـوف=
عايشت برد شتـاك وانسـت صيفـه
"الذلّ"..كنـه طيـر حـوّام ويطـوف=
ماتدفنـه مـر الظـروف العصيـفـه
هدّيت سـوري وابتعـد كـل مألـوف=
والجرح يسري فـي حشايـه نزيفـه
ياحيف كان أسرارنا وصلـت الجـوف=
وتعـدت طريـف وسـرت للرديـفـه
تجمعت لاجلـك طوابيـر وأصفـوف=
وكل ٍوقف في صف..! ينخـا حليفـه
بعض الولايف يدمي الجرح وأيلـوف=
يكسـي مـن ثيـاب المذلـه وليفـه
وبعض البشر دمـه ثقيـل ٍ وملقـوف=
وبعض البشر معـدوم عقـل وهديفـه
وبعض البشر ميت ولو عاش له شوف=
وبعض البشر عايـش حياتـه كفيفـه
وبعض العرب علّمه من الطيب محذوف=
يمشي مـع العربـان حالـه كسيفـه
الطيب بإيدين الـردى صـار ملفـوف=
رجيـت ربـي فـي جنانـه يضيفـه
ممدوح أكرمهـم معازيـب وضيـوف=
الجـود أنـت معزبـه وأنـت ضيفـه
أوجب لهـم دمّـك ولا فيـه معـروف=
والجـار قـدره مثـل قـدر الخليفـه

[على النيه]

::: مصير الحي يتلاقى :::


http://www.b3b7.com/vb/showthread.php?t=74427 (http://www.b3b7.com/vb/showthread.php?t=74427)



كل.. حي/ن ! اقداره لحيّـه.. تجيبـه=
ربك يجيبـه لـو بعـد سبعـة بحـور
صدفه.. ألتقينا ! من بعد طـول غيبـه=
من عقب فرقا طالـت سنيـن ودهـور
وشفت الملامـح كـل ابوهـا عجيبـه=
كني بظلام وشـع فـي كونـي النـور
تقرب ! وانا أقرب ! لين صااارت قريبه=
وشت الفكر من نظرة عيونهـا الحـور
الصمت لحظـه وتقـدر تقـول هيبـه=
حتى سمعت الصوت ضايق ومحشـور
حرفن تقطع..! وحرف..! شهقه تجيبـه=
وهلـت عبايـر كنهـا عقـد منـثـور
حاولت اهديهـا ! وصاحـت صويبـه=
الهجر دمرنـي وبنـاا حولـي السـور
قلبن صـدق لـك بالمشاعـر و طيبـه=
يوم إن قلبك خالـي احسـاس وشعـور
قلت : المحبه ؟ قالت : آكبـر مصيبـه=
تسهـر لياليهـا وهـو ينـام مسـرور
قلت : القدر !.. والكل ياخـذ نصيبـه=
مقسوم.. والمقسوم ! وااقـع ومحظـور
[ أبعدت ] يوم ( القرب ) لك.! به معيبه=
يحكمني المبـداا ولـه قيـاس منظـور
مـا عـاش بالحيلـه ولا قِيـل خيبـه=
متسامح/ن بالطيب والصـدق دستـور
يبقى آصدق شعـور الحبيـب لحبيبـه=
لو مـا حكيتـه !! للمخاليـق مخبـور
لو..ني عـذاب الحـب وانتـي طبيبـه=
زرع الشقا يحصد بـك ايامـه زهـور
قالت : صحيـح إن المحبـه صعيبـه=
وانـك تعيـش بعالـم الحـب دكتـور
[ مني وعد ] روحـي لروحـك قريبـه=
ارجيك لـو هجرتهـا سنيـن وشهـور
ثم وادعتني ! وقلت : يا اغـلا حبيبـه=
المعذره ؟ لا جاك مـن قلبـي قصـور
تبسمـت..! وآقفـت بروحـي نهيبـه=
يا الله عسى ما يعيق خطواتهـا عثـور

[على النيه]

عـهـد الـهـوى ..


http://www.b3b7.com/vb/showthread.php?t=77007 (http://www.b3b7.com/vb/showthread.php?t=77007)







حاالي تـردى بعـد صيتـه=
وتكـدرت عقبـه سنيـنـي
أهوجس لحالي ويـا ليتـه=
درى بحالـي نظـر عينـي
والدمـع لا منـي هليـتـه=
ما عـاااااد شـي ٍ يحلينـي
( عهد الهوى ) لوِ خليتـه=
يبقى الغـلا بينـك وبينـي
وسيف الهجر لـو سليتـه=
ربـي بحـبـك معنيـنـي
بالحـزن والهـم تنبيـتـه=
والكـل منهـم مصافيـنـي
رجم الهوى بالغـلا جيتـه=
واللي بلا الزيـن بااالينـي
طار الكرى يـوم تباطيتـه=
والنـوم ياخـوك جافينـي
يـا ليـل سجـل تناهيتـه=
مااالـي قريـبٍ يواسينـي
يوم الهـوى فيـه عنيتـه=
الـورد كـلّـل عناويـنـي
وحنـت مفاريـد رديـتـه=
تسقـي زهـور البساتينـي
روحـي لا حيـه ولا ميتـه=
من عقبكم يا ريش العينـي
هاجسك شعري ولك آبديتـه=
سمعتلـه وانـت توحينـي
وإن قاالواا الناس سجيتـه=
ماا والله الهـرج مشقينـي
اللـي وفـا مـا ترااديتـه=
والزين يفرق عن الشينـي
لو تبتحل فيه مـا آخفيتـه=
تعـرف معانيـه وتجينـي
وطول العنـا طفـل ربيتـه=
كبـر وزاد الشقـا فيـنـي
آخلصـت بالحـب وحبيتـه=
يـوم آن قليلـه مكفيـنـي
وصبري على المر تحاليتـه=
من شان خاطـر يدارينـي
ماا يبيعنـي لـو تناسيتـه=
وإليا آنعـذل قـال يغلينـي
لا ضقت بالصـوت ناديتـه=
جاوب صدى الصوت يدعيني
قله هنااايـه ؟ ليـا جيتـه=
بسمة ثغر تسعـد سنينـي
هي غايتي ومـااا تمنيتـه=
ومنه العهد مـااا يخلينـي

[على النيه]

حب الزمن هذا


http://www.b3b7.com/vb/showthread.php?t=78187 (http://www.b3b7.com/vb/showthread.php?t=78187)






ما عطيت الحب قلبي ولآعشقت الليـل سـاري=
من هو فوق بساط ريحه وانا متفرش حصيـره
من يعيشه جو هادي ضو شمعـه وآزدهـاري=
وهمس ليل ٍ مع موسيقى خافته ونسمة عبيـره
الرمنسيـه ربيـع الحـب والشـوق المـداري=
لانحصر باحساس صادق ماشكى البرد وهجيره
ما عرفت آزيّف الواقع ولااا آسدلّـه ستـاري=
من يخون ومن يصون ومن سكن قصره حظيره
المحبه آحساس لآ اصبح صدقها بالحب شعاري=
وآبن عم الصدق داااء ونار تصلاهـم سعيـره
لآ حكى لسان الضمير ! وقال ما شافه جهاري=
ما نصتله ! يعشق الغي وابو الخطوه الكسيـره
والله أنّي ما عرفت اخالف القول ب/ مسـاري=
ما اتبع الغاوي ولاني مؤيد الآعمـى بصيـره
لآحظن صدري مجير الجمر للشوق انصهاري=
آنسكب له نهر عذب يورّد العـد مـن غديـره
المعنّا ضاري لجرح الهـوى بايـع وشـاري=
يرخص الغالي لغالي ويآسـر قلـوب ٍ كثيـره
ما سأل جور الزمن والشوق ما رد اعتبـاري=
مذنب وذنبي وفاي وكيـد الآنفـوس الحقيـره
العجب حب الزمن هـذا بتطـوره الحضـاري=
خابره لإنسان واصبح بالزمن شمـل وعشيـره
يوم الشقا مبطي حلو بماضيه واليوم انقهـاري=
كيف صار بعيشته جور وزى وغدر بمجيـره
آييه أبسألك الوفا ؟ وآسأل زمانه عن قـراري=
بقسوة ظروف وردى حظ القدر حدد مصيـره
دوك قلبي وآذبحه واللي خلق ماطلـب بثـاري=
بس لايقسى على شعـوره ولا يحـاول يثيـره
وعن الوفا مالك غنا تصبح كما أنسان عـاري=
وآعرفْ أن طبع الزمن للناس حاله مستديـره

[على النيه]

الــبــوح وعـي

http://www.b3b7.com/vb/showthread.php?t=78674 (http://www.b3b7.com/vb/showthread.php?t=78674)







ياهاجسي فج الفضا اشلع كما الطير=
ولا تشرف إلا فوق روس المبـادي
سهيل اليماني فيـه سِجـة التفاكيـر=
البـوح وعـي وللحضـاره بـوادي
تسقي ثنايا الحـرف تنبـت نواويـر=
والرّي..لعطشـان الوفـا بالريـادي
درب النقا واضح لك بـه مشاويـر=
دربك..لو أن بعض العرب قال غادي
للمفتهم !! سهله ولا احتـاج تفسيـر=
وبحر المعانـي فيـه فـن التمـادي
انبيك ياللي تسأل..؟ ونيتـك خيـر=
أنشد..! وحاضر الفكر لـك ينـادي
الرشد ماهو لمن يحسب المخاسيـر=
والمد. . مـن رزّاق كـل العبـادي
الطيـب فـرّق اجزلـه بالمناعيـر=
وقت الرخا ودونه من الوقت حـادي
ومعروف جوده ما يجـي بالدناييـر=
ويغنيك به واحـد بروحـه يفـادي
قليـل فضلـه مـا تلمـه قناطيـر=
وكثيـره يصافـح جميـع الآيـادي
والحلم صبرك بالليالـي المعاسيـر=
والعين عافـت بـه لذيـذ الرقـادي
ما هادها سلـم الهـوى والغناديـر=
سبحان من صخر له الدرب هـادي
دام الرجا جـور الليالـي المقاديـر=
للعـز سـلاح وبالمكـارم زنـادي
الدلـو ينضـح لاورد جمـة البيـر=
واللي يمـد الخيـر نـال المـرادي
والعمر لو غَيّهب نسـوق التباشيـر=
ما تنكسـر بـه عزتـي والعنـادي
يفنى ! ويبقى لأصدق الفعـل تأثيـر=
ومن لا فعل يصبح مع الكل غـادي

[على النيه]

اعداااام ميت[/URL]


[URL="http://www.b3b7.com/vb/showthread.php?t=79411"]http://www.b3b7.com/vb/showthread.php?t=79411 (http://www.b3b7.com/vb/showthread.php?t=79411)







دعاني هاجس الذكرى على درب الغرام وجيت=
آدور للفرح خطـوه وكنـتِ آجمـل عناوينـي
طموحي والقدر حكمه وانا مؤمن بـرب البيـت=
دعيته يسعـد آيامـك لـزوم اليـوم تنسينـي
غرآمك شيخ ومعزب وطيبه ذايعـن بالصيـت=
غرآمك ضيف مع واجب غرآمك وأسأله وينـي
من اول راود الخاطر عتابك يوم عنـي أقفيـت=
وقالولي انه بكيفك !؟ وشفـت العيـن تبكينـي
دريت انه غصب عنك وعلى بحر الحزن شديت=
شراعي والآلم مـووج وموانـي مـا ترسينـي
على حكم القدر والناس جاز اعدامهـم للميـت=
ما يدرون !! اني ميّت من يوم انـك تركتينـي
دخيلك كفي دموعك وقولي اني بهـواك اوفيـت=
وقولي اني فديتك../ بالملا / والروح / وسنيني
دفنت الحلم بيديني وزعجـت الآ آه بالتنهيـت=
رسمتك بآجمل حروف القصيد وحب غاوينـي
آبا أسج القدم وآنسى آبسلى كـل مـا سجيـت=
وأبيهم لآسألوك تقولـي ؟ أنـك مـااا تحبينـي
انا مابي سوى فرحه بعمـرك مالهـا توقيـت=
تعانق باقـي سنينـك ولـي الله مـا يخلينـي

[على النيه]

مبدء المروءه وبابها

http://www.b3b7.com/vb/showthread.php?t=80563 (http://www.b3b7.com/vb/showthread.php?t=80563)












البارحه والليل موحش يرعب اللـي بـه سـرى=
ولاغيري اللي تحت جنّحه رمش عينه مـا غفـا
من شيء يمر البال وشي للبال مـا والله طـرى=
شلون مدري بـس نفسـي ملـت النـاس وكفـا
سريت والهاجس غياهب / ظلم / والحقد / افترى=
بين الكواكـب والنجـوم إحسـاس للواقـع نفـا
اسابـق ايـام العمـر.. والفكـر للعاااقـل ذرى=
والناس ما تدري وش اللي عن ضميـري ماخفـا
آحدن يبي يروم المعـزّه والمـروءه مـن ورى=
وباب المـروءه والمعـزه بـاب مفتاحـه صفـا
الآدمي مهمـا علـت.. مكااانتـه ساسـه ثـرى=
وآرفع مكانات الفضيله.. جود في الطيـب احتفـا
لا سولت للعبد نفسه.. انحـرف معهـا وجـرى=
هو يحسب ان الناس مثل الذنـب سـوء ويقرفـا
لا والله انّه ثوب بِيد الناسجه اضحـى واهتـرى=
ماا يستر عيوبه لـو انـه كامـل آبدانـه ضفـا
لو يدري انْ كم شخص.! قبله مات ماحد ٍ له درى=
واهل العلوم الغانمـه نومـاس نـوره مـا طفـا
يمحق ردى في هالزمن لو باع مـا والله شـرى=
والطيب مدرك له نديم العـز فـي نهـج الوفـا
مبداا المروءه؟ فـي كتـاب الله وبالسنـه تـرى=
أربع خصال ٍ بالرجل.!! إن ماتبعهـا قـل هفـا
فإن قاسها صعبه.. ينـااام وينعـم بلـذ الكـرى=
ومن (دوّر الهيّن) حصيله.! للوطى وجـه وقفـا
من لا تعب !! ما رام قمه.. وجرح قلبه ما بـرى=
و( للهِ في خلقه شؤون ) خالق مع الـداء الشفـا

[على النيه]

الملهمه

http://www.b3b7.com/vb/showthread.php?t=81200 (http://www.b3b7.com/vb/showthread.php?t=81200)

أوّآآه يا عيـن ٍ تبسـم لـك وفيهـا دمعتيـن=
دمعة حزن.. دمعة آلم.. آخفت شقـا لوعاتهـا
على مشاوير الغلا وذكرى بجوفي مـن سنيـن=
عيت تفـارق عيـن مغليهـا وتسكـن ذاتهـا
أحيان أقول هي الآلم للروح واحيـان الحنيـن=
وأحيان اقول أنّي الآمـل اللـي يلـم شتاتهـا
اهدي لها ايام العمر وتبيح لي الليـل الحزيـن=
ما كنت طامع بالعطا بـس غايتـي بسماتهـا
نفسي معوّدها علـى درب الوفـا والله يعيـن=
من عاد صغري النفس ما تتبع هـوى لذّاتهـا
علمتها كيف الشقـا ينسـى قلـوب العاشقيـن=
وكيف العنا يرسم لها الفرحه علـى صفحاتهـا
متفائل ٍ في كل شيء واقول كل قاسـي يليـن=
دااام النوايـا كلهـا ! تـرزق حسـبْ نِيّاتهـا
اخذت من طول الشقا والظيم آمـال السجيـن=
وكثر التجارب علمتني أصنـع حلـلْ علاتهـا
عزمي قويّ وصامد بوجه الزمن في كل حيـن=
والحزن لو يسكن بعينـي ماآختنـق عبراتهـا
أخفي ملامح حزنها خوفي عيـون الناظريـن=
لو تغرق بجحفل دموع مـا آسكبـت دمعاتهـا
ما يشتكي ثقل الحمول اللي ربا وسط العريـن=
قاهـر لمـرّ الظـروف ومتعـب ٍ حالاتـهـا
ومن يسمح لشك ب/احاسيسه قفل باب اليقيـن=
وصار الآمل بآوهام.! ما عنده دليـل آثباتهـا
الصوت لو غنا طرب تسمع مع الونّـه آنيـن=
مابين آلحانـه وصـوت الضيـق دن آهاتهـا
الصّدق معنـى يلفـه سيـف يقطـع بالوتيـن=
والحروف جروح لـو تشـرح بـه معاناتهـا
يسرج الكلمـه حقيقـه والخفايـا لـك تبيـن=
الملهمه رونـق علـى خـد الـورق ميزاتهـا
تطاول حدود التعب.. ماتتعب العقـل الفطيـن=
وآآخرْ ..! أوصاف العجب.؟ يفنى وتبقى ابياتها

[على النيه]

ربك خلق قلبك شمال / وأصغر / شماليّ يحــيــيـبـه


http://www.b3b7.com/vb/showthread.php?t=82198 (http://www.b3b7.com/vb/showthread.php?t=82198)













لستُ آبه يا طموحي يـا طموحـي لسـتُ آبـه=
لو تحدتك الليالـي مـا علـى المولـى صعيبـه
المحبـه والوفـا بإخـلاص قلبـك مـا غدابـه=
ووحشة الليـل بغيابـك لـك معآنيهـا عجيبـه
حطه الوقت بغيابك تحت ضرس وتحـت نابـه=
وكل حالـه دون قربـك تصبـح بعينـه كئيبـه
يوم قدرك زاد آربكـه الولـه وأصـدر عذابـه=
من رسايلك لحروف الحزن يـا كبـر المصيبـه
والبلا لا قلت أبسلى عنـه فـي لحظـة غيابـه=
طاري الذكرى علـى صهـوة خيالـي ينتخيبـه
يمتطي مركب هوانـا فـي شموخـه والمهابـه=
ياا غـرام الحـب كلـه الحنايـا لـك رحيبـه
في خفوقي هاجـس الحـب الوحيـد ومرحبابـه=
له آسوق آيام عمري وآطلـب الله انـك نصيبـه
في حظوره تبرق آشواقي وتمطـر لـه سحابـه=
وبْلها شريـان قلبـي وخيرهـا لـك يالحبيبـه
من مشرقك للغرب لين اقصى جنوبك مع هضابه=
الله خلق قلبك شمال / أصغر / شمالـيّ يحييبـه
انا أوعدك/ والصعب / كانه احرجك عندي جوابه=
المخافه تظمـن العهـد وبـلا شكـوك ٍ وريبـه
تنّدهـالحرف الصخبْ .. يكشفْ العاني صوابـه=
وأرقب العليا بحروفي وأتعِـب اللهجـه العريبـه
في غياب اللي آسرنـي بالمحبـه وفـي عتابـه=
لآحكى بأفصح كلامه يقطـب الجـرح وطبيبـه
آييه يا كبر الشقـا بقلـب المعنّـا فـي غيابـه=
وياهني عين جلسـت صوبـه ولعيونـه قريبـه
بس أول ايام الغيـاب ! ودقـت القيفـان بابـه=
كيف اجل لحظة فراقه ؟ قول يا كبـر المصيبـه

[على النيه]

"~،. الورود اليانعه والرايعه .،~"

http://www.b3b7.com/vb/showthread.php?t=82735 (http://www.b3b7.com/vb/showthread.php?t=82735)








المشاااعـر فـي خفوقـي لايعـه=
من زماان وحبي ب/قلبـك وديـع
جيت لك حب واضحـه شرايعـه=
وشاهد إحساسي لك الفكر الوسيـع
العوااطف فـي غيااابـك جايعـه=
وصلك الزاد وبدونـك ماستطيـع
يا خجول الحِسـن فـي طبايعـه=
لبْسـك سبحانـه الحِسـن البديـع
الـورود اليانعـه بـك رايـعـه=
فوق ريفك أينعـت مثـل الربيـع
وبك دوى القلب إن شكى وجايعـه=
من زمان الغدر والحال الفضيـع
العـذول إن جـاك ينقـل شايعـه=
دون سمعك حط ِ له سـد ٍ منيـع
تدري الخطـوه وراهـم ضايعـه=
وعرف اني بك (انا ماسمع واطيع)
لا تفوت الفرصه إن جت طايعـه=
الزمن محـدود وميقاتـه سريـع
من بـذر يجنـي ثمـر زرايعـه=
خيرها بالخير والشر بـه نضيـع
والنـدم حسـره بدنيـا بايـعـه=
ما سلم من شرها الطفل الرضيـع

[على النيه]

جمرة الشوق

http://www.b3b7.com/vb/showthread.php?t=83493 (http://www.b3b7.com/vb/showthread.php?t=83493)






الشوق جمره تشتعل لآجـل محبـوب=
لو ما شكاها ؟ العين تكشـف غرامـه
كنها تقول بآقصى الحشى جمر لاهوب=
ناتج شعـور احسـاس شابـه كلامـه
تحيي ربيع القلب من عقب مـا هـوب=
ممحـل يزولّـه ســراب الغمـامـه
ندهني وجيتـه مـع الشـوق منـدوب=
جيت وكشف لي بالهوى عـن مرامـه
هو روح روحي دمث الآخلاق رعبوب=
هـو فرحـة أيامـي ليـوم القيـامـه
هو سلوتي عن كل محبـب ومرغـوب=
هـو منيتـي لـو يكثـروا بالملامـه
ترف الصبا سيـد الغناديـر منسـوب=
ذرب وادب رزيـن فـوق الوسـامـه
النور في وجهه وهـج فجـر مثقـوب=
جبين شمس وبأطـرف الخـد شامـه
ومبيسمه كـن العسـل فيـه مذيـوب=
لاغض طرفـه وألتفـت بـآ بتسامـه
كنه شهد يمشي مـع الجسـم ويجـوب=
عجلـن يخالـف بالتأنـي السـلامـه
مالوم شعري لا كشف كـل محجـوب=
ما فيه غيـره فـوق راسـه عمامـه
وانا اشهد ان القلـب للتـرف منهـوب=
من زود حبه فـوق صـدري وسامـه
أسوق له فـوق العمـر كـل مجلـوب=
ولا اقول موتـي دون وصلـه ندامـه
لو بالهوا قاضـي وحاكـم ومنصـوب=
يعطـي وياخـذ مـن يطبـق نظامـه
ما صار به غالـب ولا فيـه مغلـوب=
ولا صار غيظ اهل الهـوا والكرامـه
ولا فيه من قلبه من الحـب مصيـوب=
يشكـي ويبكـي مـن قسـاه وعدامـه
ولا صار للعذّال فـي نهجـه اسلـوب=
كان أنكشف من قبـل يرمـي سهامـه
ولا كان صار اليوم به كـل عـذروب=
واصبح بعيـن الكـل مرفـوع هامـه
كان أستهلّ مزون والبـرق مصحـوب=
تسقي محل ارضـه وتنبـت خزامـه
مبطي وهو اقرب لصدري من الثـوب=
واشفق على اعضاء الجسد من اعضامه
لي فيه راي وشـور للعـدل مطلـوب=
والعـز بالله يــا رفـيـع المقـامـه
تدري غرامي درب عن كـل الآدروب=
نوره سطـع يـوم انسدلّـك ضلامـه

[على النيه]

شيء ٍ يخلي كامل العقل مجنون ..

http://www.b3b7.com/vb/showthread.php?t=88559 (http://www.b3b7.com/vb/showthread.php?t=88559)

البارحه مع هاجـس الهـم محـزون=
بيـن العلـوم الخافيـه والدفيـنـه
هاجس خياله غاسق الهـام مكنـون=
خم الضمايـر واستباحـت كنينـه
اوجست خيفه منه وجروح وطعـون=
توشك على سـده وقفـل الخزينـه
شيء ٍ يخلي كامـل العقـل مجنـون=
وتهتال منه اهـل العقـول الرزينـه
قسوة زمان وناب الآيـام مسنـون=
والصبر طـول م آسعفتنـا سنينـه
الجور وأنواع الشقا وقلب مشطـون=
ونجوى بهـا عيـن المولـع حزينـه
شابت وكن بموقهـا شـب وفنـون=
ودمعه تمـوت 2000مـره بعينـه
كنيتهـا مابـي المخاليـق يـدورن=
وآمسيت مثـل مـدور الحاجتينـه
صديت يوم الناس قامـوا يشطـون=
والهـرج مـا ودي بزينـه وشينـه
جنبت والحكمه مع اللـي يصـدون=
تقول فيهـا للعـرب!! شارتينـه؟
احدن بطيبه يجـرع البيـن وغبـون=
واحدن على منهـاج فعلـه يدينـه
واحدن ضمر لصاحبه موقف الهـون=
واحدن ملى صدره حِقـد وضغينـه
واحدن غدى قلبه من الحِسْد مشحون=
غـااوي وتسيّـره النوايـا اللعينـه
وآقول.. دام الراس به عقل وعيـون=
والله عطـاه العـرف يـا جاهلينـه
البيت ما يبنى بلى سقـف وركـون=
ولا ضاع حـق ٍ دونـه مطالبينـه
الطيب في درب الردى كان مقـرون=
رجيـت ربـي يعيـن بـه محتمينـه
الجود ماهو في ثرى الـذل مدفـون=
دونـه شمـوخ النايفـات الحصينـه
عزفت له لحن الوفا ليـل وشجـون=
ودعيـت ربـي يعـز بـه منتوينـه
القادر اللي يفرج الكـرب والهـون =
الواحـد اللـي كلنـا نستعيـنـه

[على النيه]

http://www.b3b7.com/vb/showthread.php?t=92001 (http://www.b3b7.com/vb/showthread.php?t=92001)

[ قلبك ] بياض الغيم في رزقا السما ..



إنتـي مـاي الـروح وغيابـك ضمـا=
وإن حصل [ لاماك ] ما يقطع ضمـاي
ليمتى أشوفك علـى أطـراف الحمـى=
وإن لفحك [ الخوف ] أبعِد مـن وراي
لهْفة غيابك فقدْ و [ الوحـده ] العمـى=
وآلليل [ ترنيمة حزن ] تحكـي آسـاي
أفْقدْك!! وأنتي بين [ جينـات الدمـا ]=
أدورك!! [ وألقاك ] في داخل حشـاي
[ قلبك ] بياض الغيم في رزقـا السمـا=
والغيم في [ حضن السما ] بعثر مـداي
[ والورد ] لو يذبل علـى ريفـك نمـا=
ولهفة غصونـه زاحمـت لهفـة شفـاي
إن جيت لك [ شوق ] السحاب أليا هما=
أرجي مطّره.. ولاتبع!! بـارق ضيـاي
وإن غبت [ طيفك ] للمشاعـر ملهمـا=
يجتاح ليلـي وألبـس المعنـى غـلاي
[ سحر البيـان ] وبالفصيـح مترجمـا=
بليـغ ! والمجهـول ينفـي مبـتـداي؟
[ أحتاجك ] بكل وقت.. وآكثر!! كلما=
أجتال بأنحائـي الحـزن واعتـم سمـاي
[ قيّدت ] روحي وقلبي [ لك ] ميمَّما=
لا مـلاذ وساعـة وصالـك مـنـاي

[على النيه]

[ نــزعــة غــرآمـك ]

http://www.b3b7.com/vb/showthread.php?t=93546 (http://www.b3b7.com/vb/showthread.php?t=93546)


شلـون احبـك وانـت تجـهـل مشـاعـرك =
والـحـب مـوتـه دون صــاادق شـعــورك
اهملتنـي والـحـب يــا زيــن مااجـبـرك=
تـعـتـق عـطــاك وتـعـتـذر عـــن قـصــورك
حبـيـت ذاااتــك لـيـن غــرك وحـــدرك =
وضـاعـت مـراكـب حبـنـا فــي بـحـورك
أدري غلاي اعمـاك؟ وأذكـر محـذرك!=
كم قلت لـك آصحـى تمـادى بغـرورك
مــا طعتـنـي وتـقـول عاجـبـك مظـهـرك=
وخليتـنـي مــا بـيـن ضـلـمـك وجـــورك
نزعـة غـرامـك حـطـت أولــك بـآخـرك=
مــاتــت وانــــا بــيــن الحـقـيـقـه وزورك
كـسـرت خـاطـر حبـنـا لأجــل خـاطـرك=
وتــبــارك الــعـــاذل بـسـعـيــك وبـــــورك
خـل القليـل يمـوت فـي عـالـم أكـثـرك=
مـا عـاد ابـي خيـرك ولا احتـاج نــورك
لاصرت ما تقدّر وفا الحـب مـا أعـذرك=
ماضيـك ينسـى ويمـسـح الـوقـت دورك
ولا عاد لك في خاطري شيء يذكرك=
نـزعـة غـرامـك شالـتـك مــن جـــذورك

[على النيه]

[ الشوق ] ناحل و[ الفرح ] ميتٍ جوع ..!!
http://www.b3b7.com/vb/showthread.php?t=95060 (http://www.b3b7.com/vb/showthread.php?t=95060)

الوقت..! جاير وأكثر النـاس [ خـداع ]=
ولا غرنـي بـه كـل خايـب ومقطـوع
كان البشر تلبس علـى وجيههـا قنـاع=
ليه [ الغدر ] في نهجهـم صـار مشـروع
وليـه [ الخيانـه ] بهالزمـن صيتهـا ذاع=
وإلا الوفا..! اصبح للوهـم درب وفـروع
[ خل العتب ] يكفي تطاولـت الاوجـاع=
[ الشوق ] ناحل و[ الفرح ] ميتٍ جـوع
محتاج..! أفضفض وآشتكي وين الاسمـاع=
الله على [ الطعنـات ] لاجتنـي جمـوع
ذنبي آساير بالخطـا [ زيـف ] الآوضـاع=
مسامح وعنوانـي الوفـا بكـل موضـوع
عشمت صبـري بالغـلا والآمـل ضـاع=
وآسقآني من[ نبعـة الاحـزان ] قرطـوع
لين الهمـوم استوطنـت بيـن الآضـلاع=
وصكت على صدري مـن الضيقـه دروع
هذا جزى؟ اللي صـار للضيـق مطـلاع=
يصبح بضيـق ويسهـر الليـل موجـوع
وإلا أنـه لـدرب الـوفـا دوم تـبـاع=
يلقى المصير بواقـع الحـب [ مخـدوع ]
ماحـزّ فـي خـاطـر نديـمـك ولااااع=
غير الشموع اللي ضوت! واطفت شمـوع
وتدري!! وش اللي [ يذبح العاشق ] بساع؟=
غرس الوفا اللي [ بطينة الوقت ] مـزروع

[على النيه]

قواميس العرب ..!!
http://www.b3b7.com/vb/showthread.php?t=95647 (http://www.b3b7.com/vb/showthread.php?t=95647)


البارحه مع هاجس الحب والـذات=
كتبت حس اللـي عيونـي قرتهـا
حب واحاسيس ومشاعر ورغبـات=
وعين ٍ تولّهـا السهـر وآسّهرتهـا
حيره وصمت وكبت لوعه وحسرات=
بيـن الحنايـا والـزوايـا ملتـهـا
من فلسفتها لسلهمتهـا حكايـات=
ليله مع القمـرا وليلـه احضنتهـا
إن سولفت منهل ثقافه وحضـارات=
وإن سكتت بيـن العيـون أوّلتهـا
جردتهـا مـن الحـزن والمعـانـات=
يـوم وهبتنـي روحهـا وقدّمتهـا
بعيونها بشـرى سعـاده ومسـرات=
ومن طبعهـا حـب الوفـا ميّزتهـا
قلوبٍ تسيّدهـا الخيانـه وغِـرات=
وقلوب الآحبـه لآمرهـا سيّدتهـا
لها بخيالي ابعاد عشـق ومساحـات=
بآخر جوااا هام السحـب طاولتهـا
فيها من الصبح العليـل البدايـات=
رُفـات امانـي فـوق ورد وتحتهـا
شيّد لها قلبـي صـروح وبنايـات=
وياسِعد عيني يـوم صـارت بختهـا
من كثـر مالهـا بخفوقـي عبـرات=
تعجز قواميـس العـرب ترجتمهـا

[على النيه]

القلوب السود ..!!
http://www.b3b7.com/vb/showthread.php?t=99729 (http://www.b3b7.com/vb/showthread.php?t=99729)

انا طبعي كذا وياك مـا أذكـر حصـل تغييـر=
على سلم الهوى وافي وضوح الشمـس تفسيـره
دخيلك لاتفسرني مثـل كيـف الهـوى بالطيـر=
دام اقبـح مـن الذنـب العـذر لا زاد تبريـره
غرامي ما غدى وسط الغموض اللي غشا التفكير=
ولا وهّاج من قـرب القمـر لـه زاد تنويـره
انا مبدا نساه الناس قاسـى الظلـم والتقصيـر=
انـا ذاك الوقـار اللـي فقـد بالوقـت تقديـره
تقبلت الجروح وقلت عساها بالصبر لـي خيـر=
ظفر ولا ؟ انا اكبر من صدوف الحب والحيـره
نقض عهد المحبه وآسرف بكثر الجفـا تبذيـر=
خلق بعض المعاذير ونسـى وعـده وتقصيـره
يقولون الوفا كذبه وآقـول إن الزمـان قصيـر=
تشوّهـالقلـوب السـود ! وتفضحهـا مقاديـره
عسفت الشوق لآجلك حاضر بكل ماتبيه يصيـر=
تهيّـا لقيـد اوهـام الجفـا وقسـوة مشاويـره
تركتك حلم لو مرت بي الذكـرى بلـى تأثيـر=
تعلمه الليالي اغلـى ثمـن واكبـر مخاسيـره

[على النيه]

إن شكت بـرد الشتآء ضلوع آلنحيف ..!!
http://www.b3b7.com/vb/showthread.php?t=100434 (http://www.b3b7.com/vb/showthread.php?t=100434)




ي وليـف الــروح ي الـحـس الرهـيـف=
مـن يـضـم الـشـوق بآإحـسـآس ويــروف
ذكـريــات الـشــوق والـبــوح اللـطـيـف=
تـسـتـفــز الـعـاطـفــه وتـمــطــر اقـــنـــوف
ترجـمـان لـصـاحـب الـقـلـب الشـفـيـف=
مــن كـسـر لوصـالـي احـكـام الـظــروف
كـــل لـيـلـه دونـــك بـعـمـري خــريــف=
وسـاعـتــي قــربــك ثـوانـيـهــا تــطـــوف
الــنــدى والــــورد والــظــل الـحـفـيـف=
للـمـدى ونــآي العـوآطـف يــآ عـــزوف
لــلآمــانــي والــمــوآنـــي والــرصــيـــف=
والحنيـن الـلـي عـشـق آرض الطـفـوف
ألـبـسـي ثـــوب الـفــرح رفــــي رفــيــف=
دام قـلـبــك بالـمـحـبـه لــــي عــطــوف
أرقـصــي دام الـعـمـر رحــلــه وطــيــف=
لــو عـلــى لـعــب الخـنـاجـر والـسـيـوف
الـوفــا حـــي.. بالمـحـبـه وش يـخـيـف=
المـحـبـه لـدّهــآآآ عـــن كــــل خــــوف
آبـتـديــك حــــب مـحـشــوم وعـفــيــف=
والـغــلا مـــا يــــورّد الـعـاشــق حــتــوف
بـالــوصــال آيـآآآمــنــا جــنـــه وريــــــف=
ومــن عواطفـنـا الـحـزن صـابـه كـسـوف
يـــآ نـظــر عـيـنـي ومـصـبــآح الـكـفـيـف=
لآغـشـى نــور الـطـهـر ثـــوب الـكـهـوف
لــك غــرام الـعـشـق الآول والـوصـيـف=
وعيـن قلـبـي غـيـر حسـنـك مــآ تـشـوف
لــو آذوق الـهــم فـــي حـلــم الـرغـيـف=
مــا تضـيـق النـفـس يالـقـلـب الـشـغـوف
وإن شكت برد الشتاء ضلوع النحيـف=
مـآ دفــا الـلـي بالشـتـاء لـبـس الشـفـوف
آحـضـنـيـهـآ نـحــتــرق الــبـــرد صــيـــف=
آحتـويـهـا تـشـعــل أطــــراف الـكـفــوف
فاضـت آشوآقـي وحملـي مــو خفـيـف=
والخطـر فـي ساحـل الـشـوق محـفـوف
كـل شـيء ف/بـعـدك احـسـه سخـيـف=
وكــل مــا فيـنـي عـلـى شـوفـك لـهـوف
العـمْـر ِدونــك تـالـي بــروق الـخـريـف=
الموت حتمي ولا على الباقي حسوف

[على النيه]

الدانه اللي بخافقي مستحيدهـ ..
http://www.b3b7.com/vb/showthread.php?t=109088 (http://www.b3b7.com/vb/showthread.php?t=109088)





سـر يـا قلـم تــو زان بــدع القصـيـده=
والفـكـر يمـلـي الـنــادرات المـفـاريـد
سـبـك المعـانـي الشامـخـات الفـريـده=
اللـي عطشـت لهـا القلـوب المـواريـد
عـبـر القصـايـد والـحـروف العـنـيـده=
بيطـار يفـتـل سـاعـد الـقـاف ويجـيـد
لـلـدانـه الـلــي بخـافـقـي مسـتـحـيـده=
في خاطري لهـا اربـع شهـور تشييـد
احطب لهـا ضلوعـي واشـب الوقيـده=
وتقنب علـى روس النوايـف مسانيـد
الـوقــت جـايــر والــمــوارد زهــيــده=
ورسـم الآراضـي كـل ابوهـا تجاعـيـد
راحــــت ثــلاثــه حـالـهــا بالـنـكـيـده=
جــارت وبــارت واللـيـالـي سـرامـيـد
رحـت انـدب الحـظ الـردي واستهيـده=
والصبر مـا عـاده علـى كيـف مااريـد
لـيـن اقبـلـت معـهـا العـلـوم الآكـيــده=
رجـالـهـا نـســل الـكــرام الآجــاويــد
الـلــي تـمـيـز بـالـخـصـال الـحـمـيـده=
والطـيـب مــن عــده ينابـيـعـه تـزيــد
بــو صـالــح الـلــي فـعـولـه شـهـيـده=
[ دكتور ]علم وطيب وافـي المواعيـد
غيث الصخا راعي الخطاوي الرشيده=
صافي النوايا الخاليـه مـن المقاصيـد
واخـوانـه اهــل النـايـفـات المـشـيـده=
بلسم علـى جـروح الفتـاوي تضاميـد
نـعـم ن بـهـم هــل القـلـوب الـوديــده=
أكـبـارهــم وصـغـارهــم دون تـفـنـيـد
مـن خاطـرن تجـري المحبـه بـوريـده=
زف الـتـهـانـي والـتـبـاريـك بـالـعـيـد

[على النيه]

ظنّك بجرح العام ولا هـ السنه ..!
http://www.b3b7.com/vb/showthread.php?t=111897 (http://www.b3b7.com/vb/showthread.php?t=111897)




وش تــداوي يـــا خـفـوقـي مـــن الـجــروح=
ظـــــنّــــــك بـــــجــــــرح الـــــعــــــام ولا هـــالـــســـنـــه
مــنــهــدم فـــــــي داخـــلــــي آمـــــــال وصـــــــروح=
وصــــــــــارت جـــــروحـــــي ضـــحـــيــــة لالـــســـنــــه
صـــرت اخـــاف ابـيــن احـسـاسـي وابـــوح=
الــــغــــمــــوض اجــــــتــــــاح صــــــفــــــو الامــــكــــنــــه
يسـتـبـيـح , الــحـــزن , واوهــامـــي تــشـــوح
تـســتــحــيــل أشــــيـــــاء , واشـــــيـــــاء مــمــكـــنـــه
شـيءٍ يقـول الحـب فــي قـلـب الشـحـوح=
وشـــــــيءٍ يـــقــــول انـــــــه دروب الـشـيــطــنــه
والهوى اصله ! وفا’ وطيب’ وسموح=
الــــــــــصّــــــــــدق بــــــــــيّــــــــــن وبــــــــــاقــــــــــي بــــمــــكــــمــــنـــــه
بـالــصــراحــه ’ والـســمــاحــه ’ والــــوضــــوح=
والـــوفـــا , الـــلــــي طـــيــــب فــعــلـــي بــرهــنـــه
مــــا تــــرك فــــي خــاطــري حــلــم وطــمــوح=
بــــــــــــاح قــــلــــبــــي وكــــــايــــــد الــــــهـــــــم آســــجــــنـــــه
مــــــا بـــقـــى إلا افـــتــــل طــعــونـــي وآنـــــــوح=
وانـــــقــــــض جـــــروحــــــي قــــصــــيــــد وهـــيـــجـــنـــه
كــل جــرح يطـيـب لــو هـــو مـــا يـــروح=
ولا يــمـــوت الـــحـــب فــــــي قـــلـــب آدمـــنـــه