{{ ديوان الشاعر \ محمد العواد }}

[على النيه]

السلام عليكم ورحمة الله وبركاته


http://www.shy22.com/xzfiles/wRi80274.png (http://www.shy22.com/)









http://www.shy22.com/xzfiles/qLX80276.png (http://www.shy22.com/)





شاعرنا الراقي \\ محمد العواد
شاعرتنقاد اليه الحروف طوعاً ..
وتنساق بكل صدق وشفافيه
يكتب بأحساس شاعر ..
يرسم المفردات بالوان الربيع
و تتصف بجزالة اللفظ والمعنى
فتنساب ماءً رقراقاً
فتكون لوحه فنيه متكامله
بوهج مشرق دوما..
وقصائده تعبر عن ذلك فاترككم معها ,,

[على النيه]

سراب الحب

http://www.b3b7.com/vb/showthread.php?t=77788 (http://www.b3b7.com/vb/showthread.php?t=77788)

انتي سراب(ن)يطردك روح الاصرار=
وانا لـك الله روح الاصـرار فالـي
قلبي من افعالـك معـذب ومحتـار=
مريـض حـب وعذبتـه الليـالـي
شبت غصون الحب من واهج النـار=
واصبح رماد(ن)بعد جمر(ن)وصالي
جرتي على من يملك احساس الاوتار=
اللـي عليـه الوقـت يابنـت مالـي
الا الاهانـه مالهـا داخلـي كــار=
عزيز نفـس وعزتـي راس مالـي
حتى ولو عقلي كفـخ منّـي وطـار=
ارسي وترسـي عزتـي واحتمالـي
طرد المقفي ياهـوى غايتـي عـار=
حتى ولو يملـك صكـوك الجمالـي
طيري على المركاب وسبوقه قصـار=
ولاله علـى يمتـك درب ومجالـي
لنك علـى ماقيـل خايـن وغـدار=
ولنك من احساس المخاليـق خالـي

[على النيه]

المبادي

http://www.b3b7.com/vb/showthread.php?t=76372 (http://www.b3b7.com/vb/showthread.php?t=76372)



حسيـت بـأن الخيانـه شـي يشقينـي =
وتعبت من كثـر احاسيسـي وهقواتـي
وسمعـت صوت(ن)ينادينـي ويدعينـي =
ويقـول خـل الزمـان يمـر بسكاتـي
عنيـد وعنـادي بمجـرى شراييـنـي =
وتصميمي يموت مـادام الامـل ماتـي
وشقيـت ثوب(ن)مـن الشلتـا يدفينـي =
والثـوب هـذا قناعـاتـي وعـاداتـي
وعرفت بـأن الزمـن هـذا بوجهينـي =
يكفـي بأنـه زمـان العشـق بالشاتـي
وشفت المبادي تصيـح تقـول تحمينـي =
وقلت اعذريني عجزت احمي سوى ذاتي
بالصبح لـه عشقت(ن)والليـل ثنتينـي =
ويقـول يانـاس يامكْـثـر محبـاتـي
وهكـذا كــل يـوم(ن)لـه محبيـنـي =
القلـب فنـدق واحاسيسـه عديمـاتـي
لاوالمصيبـه فخـرّه بفعلـه الشيـنـي =
له سامعينـه علـى بعـض القناواتـي
تحطيم مبدا الوفـاء والصـدق يغرينـي =
اهجـر مساحاتهـم واسكـن مساحاتـي
امشي بدربـي وحيـد اصفـق بيدّينـي =
مجبور فـي وحدتـي لجـل القناعاتـي
ويقـول مبـداي تكـفـى لاتخليـنـي =
قلـت اتركـك او اسافربـك بنيـاتـي
واقـول يمكـن آلـه الكـون ينجينـي =
واسلم من الذل في عصـر الاشاعاتـي
واهيـم فـي واد التفكيـر مـن حينـي =
واعيش عيشة حـزن واهـل عبراتـي
واقول جوزي مـن العبـرات ياعينـي =
شي(ن)تعـدى محـال يعّـود ويـاتـي
وترد عيني تقول ابكـى علـى سنينـي =
اللي قضيتـه وانـا بـأرض المتاهاتـي
قناعتـي منهجـي دستـوري وديـنـي =
ابرز هدف لي انـا وابـرز طموحاتـي
لكن شقى الناس فـي جمـع الملايينـي =
والمال اصبح لبعـض النـاس غاياتـي
قلوبـنـا ميّـتـه والـنـاس لاهيـنـي =
ضعنـا ببحر(ن)عميق(ن)مظلم(ن)عاتـي

[على النيه]

هجوس الليل

http://www.b3b7.com/vb/showthread.php?t=75207 (http://www.b3b7.com/vb/showthread.php?t=75207)



المحبه مـوت والفرقـى كفـن =
والوداع يشتت افـراح وحنيـن
والجروح اللي بخفاقـي خفـن =
مايبينهن سوى غبـر السنيـن
المقادير ابعدت رمـش وجفـن =
من بعد مسكانهن في وسط عين
الليالـي مابعـد ليـه صـفـن =
والهموم اللـي بخفاقـي تبيـن
ياحياة (ن)به سعاداتـي هفـن =
وانكشف فيها المخفى والكنيـن
والثقال اللي على صدري غفن =
ماتزول وقلبي المغـرم حزيـن
وياهجوس(ن)لقبل الليل هتفـن =
واصبح التفكيرفي ليلي رهيـن
وياجيوش(ن)في حناياي وقفـن =
حزن سلّم واستلم حزن(ن)عوين
آه ياحظ(ن)على اسناعي عفـن =
صار لي فرعون ماهو لي معين
وآه ياانوار(ن)بخفاقـي طفـن =
من بعد فرقاك يالحسن الحسين
ومن بعد مـده سعاداتـي لفـن =
يوم شفت اللي ملك قلبي سنيـن
الفرح بعد الحزن حيل جرفـن =
وانقلب وقتي فرح بعد الانيـن
وبعدها حظي تغيـر وانصفـن =
وجمعّن في نور عيني والظنين

[على النيه]

دكتور الحب

http://www.b3b7.com/vb/showthread.php?t=74517 (http://www.b3b7.com/vb/showthread.php?t=74517)






دكتور ياللـي لـك جميل(ن)علينـا=
اشرح طريق الحـب للـي يحبـون
الـدرس يادكتـور مايفيـد فيـنـا=
مايفيـد فينـا الاجميل(ن)ومزيـون
اللي من اجلـه للـدروس اشتهينـا=
ونحب صعب الدرس ومن اجله يهون
ضاعف دروس الحب ترنـا سلينـا=
ريّح فـؤاد اللـي مولـع ومفتـون
للـدرس يادكتـور ترنـا نسيـنـا=
لكن حياة الـروح بالقلـب مدفـون
ان ضاق صـدري للحبيبـه نصينـا=
يرتاح بال اللي صويب(ن)ومحزون
ويالله يالمعـبـود فـيـك ابتديـنـا=
انك ترّيـح خاطـر اللـي يحبـون
وتجمع حبيب(ن)مع حبيبـه سنينـا=
وتلم شمل اهل الهوى لجـل يسلـون
اول بـدايـة حبـنـا مـادريـنـا=
هـي كلمتنـي يـوم دق التليـفـون
كلمـه بكلمـه ليـن ركبـت علينـا=
ماندري ان الحـب يانـاس هلّـون
على طريق اهـل المحبـه مشينـا=
على قواعد راسيـه مابهـا ظنـون

[على النيه]

نحن وأعداء الامه الاسلاميه

http://www.b3b7.com/vb/showthread.php?t=74298 (http://www.b3b7.com/vb/showthread.php?t=74298)


يالله طلبتك تكتـم انفـاس الادنـاس=
وتهلك دروب العار في كـل دولـه
اللي يبيعون الشرف لأكثـر النـاس=
ماتت مشاعرهـم بيسـر وسهولـه
تحطيم في وضع المشاعر والاحساس=
دنـاءة الاخـلاق صعـبٍ قبـولـه
مافيه بيت الا يقـوّم علـى سـاس=
وان قام دون الساس سهـلٍ ميولـه
الناس في وضعٍ خطيـرٍ وحسـاس=
غيرة رجال الوقـت هـذا خجولـه
واحدٍ على وضح النقاء للزمـن داس=
ماهمه ان قالوا لـه النـاس هولـه
الناس لامن شافوا ابـن الوفـا راس=
قالـوا معقّـد ذابحتـه الرجـولـه
دقت طبول الحرب دقّـن الاجـراس=
وبدا التحدي لجـل كسـب البطولـه
وحضر فريقين التحدي على الكـاس=
والكل منهم له على الخصم صولـه
وبدت مبـاراة التستـر والانجـاس=
وانهزمت جمـوع التستـر بجولـه
ياللاسف تقليـد الاجنـاب نبـراس=
عند الـذي مايستحـي مـن فعولـه
موضات غربيـه بقصـات ولبـاس=
ضاعت تقاليد العرب فـي سهولـه
يسعون في نزع المروه من النـاس =
واهانـة الامـه مبـادي سعـولـه
وسواق واسواق الفضايح والافـلاس=
وسواقـة المـرأه مبـادي دعولـه
حتى التبرج طالبوا به علـى سـاس=
نصير مثل الغرب عرضـه وطولـه
لكن على ماقيـل يبطـون الادنـاس =
مادام حنا فـي حمـى اعـز دولـه
ديرة هل التوحيد حييـن الاحسـاس =
اللي علـى ديـن الالـه ورسولـه

[على النيه]

ناعس الطرف


http://www.b3b7.com/vb/showthread.php?t=74097 (http://www.b3b7.com/vb/showthread.php?t=74097)







الحب ياناس نـار وصالـي وملـه=
وفراق الاحباب خلى حالتـي حالـه
والنوم عيا يجينـي والصبـر علـه=
وسهرت انا الليل ودموع الحزن ساله
كنـي كمـا حاكم(ن)دولتـه محتلـه=
والا كما والد(ن)يفقد حـدى عيالـه
الزله اني عشقـت وروحتـي زلـه=
ياليتنـي مانظـرت عيـون قتالـه
شفتـه ولا لـي مـزاج بعشقتـه لله=
ولاهويتـه ولا فكـرت فـي فالـه
لكن مع الوقت شفت اني محب(ن)له=
لجل الدلع والعيون السود رحنا لـه
والثقل ماجاب لي نفـع(ن)ولا حلـه=
واشوف والله معاناة الحـزن طالـه
في ناعس الطرف صبيت الغلا كلـه=
راع العيون الكحيله من ورى الشاله
انت القمر يشبهك وانته شبيه(ن)لـه=
يكسف سنا البدر لامن جيتي قبالـه
وعزالله اني عشقتك ياهـوى خلـه=
يامن له الروح والاموال تفـدى لـه
يامن ملك قلبي المغـرم بـه وتلـه=
ارحم حياة المشقى وارفـق بحالـه
انا اشهد انك جميـل وطلتـك طلـه=
ياروح روح المعنى ياهـوى بالـه

[على النيه]

احلام طيفك

http://www.b3b7.com/vb/showthread.php?t=73931 (http://www.b3b7.com/vb/showthread.php?t=73931)


وجهك يذكّرنـي بزينـات الايـام=
ادخل علـى الله لاتفـارق عيونـي
ان فارقت عينـي محيـاك مانـام=
ويضيق من فرقاك يازيـن كونـي
انت الامل وانت السعاده والاحـلام=
وانت الذي وافي معـي مايخونـي
اغليـك واحبـك واعـزك ولاالآم=
يامنيـتـي ياغايـتـي يافتـونـي
خطت يدي حبك على روس الاقلام=
القلـب ترجـم والمشاعردعونـي
حبك ملكني من بهامي ليـا الهـام=
ومشاعري في غيبتـك يرتجونـي
يالله عسى حزنك وهمـك للاعـدام=
حتى تعيش العمر فـرح وشجونـي
ان جيت طير الفرح في مهجتي حام=
وان غبت حارت دمعتي في عيوني
حبك نما داخل فؤادي مـن العـام=
من بعد مادعج النواعـس رمونـي
فرقاك هم وجفوتـك كنهـا السـام=
ولقياك كنـه ثالـث اعيـاد كونـي
يافرحـة الدنـيـا ويامنـبـعٍ دام=
ياديمـةٍ تـروي ظمايـه مزونـي
عن غيرك التفكير يامنيتـي شـام=
احـلام طيفـك ياحبيبـي يجونـي

[على النيه]

حايل

http://www.b3b7.com/vb/showthread.php?t=73655 (http://www.b3b7.com/vb/showthread.php?t=73655)







حايل تحوّل شكلهـا اليـوم باثنيـن=
بسعود طير العز وبطيـر حـوران
مليكنا اللـي رايتـه نصـرة الديـن=
يسعى لفعل الخير في كـل ميـدان
حايل جميله وقت مالبيت من طيـن=
وأزداد حسنه عبر تاريـخ الازمـان
في ناظري أجمل من الهند والصين=
وأجمل بعد من دار هتلر والأسبـان
أحبها وأحـب أهلهـا مـن سنيـن=
وأحب من يسكن بهـا كايـنٍ كـان
أرض الكرم من دور حاتم وهالحين=
أرضٍ لها من ماضي الوقت عنوان
عنوانـهـا مايسكنـونـه بخيلـيـن=
مايسكنونـه غيـر ذربيـن الأيمـان
أجمل مدينه شافتـه نظـرة العيـن=
حايل ولاغيره لفت لحـظ الأعيـان
مدينـة التاريـخ والمظهـر الزيـن=
حضارتـه بانـت وتاريخهـا بـان
تزهى التطور في جميـع المياديـن=
من خلقـت الدنيـا ليـا وقتنـا الآن
اعشق هواها مثل عشـق المحبيـن=
وأحبهـا حـب الجنـازة للاكـوان
حايل هواها مثـل نفـح الرياحيـن=
وترابها مسـكٍ وعنبـر ومرجـان
وسهولها تطربك حيـنٍ بعـد حيـن=
وجبالها تزهـى بديعـات الالـوان
ياليتنـا فـي دار حايـل مقيمـيـن=
وياحظ منهو وسطها اليـوم سكّـان
يسعد بدار اللي على الطيب شفقيـن=
دار الرجال أهل التواضع والاحسان
اللي على المعروف والطيب جسرين=
أهل الوفى اللي مابهم واحـدٍ خـان
تاريـخ حايـل يكتبونـه دواويــن=
ويترجمونه لجـل يقـراه الانسـان
يقراه ياخذ درس عن فعـل وافيـن=
حتـى ثقافتنـا ترسّـخ بـالاذهـان

[على النيه]

روح روحـــي (http://www.b3b7.com/vb/روح روحـــي)

http://www.b3b7.com/vb/showthread.php?t=73255 (http://www.b3b7.com/vb/showthread.php?t=73255)




ياوجدحالـي وجـد عـودٍ لـه عيـال=
مايرحمونه وان بغـى شـي ماعطـوه
حزنـه كبيـر ودنيتـه كلهـا اهـوال=
مـن بعـد ماعـز المخاليـق عافـوه
عـاش المذلـه والاهانـه والاهمـال=
ومن بعـد ماعـاش المـذلات خلـوه
خلّـوه فـي بـيـتٍ لحـالـه ولازال=
يبكـي وينـدب حـظ عاثـر ومعتـوه
ماكنـه الاوسـط هالبـيـت تمـثـال=
يدعي على اللي مع قسى الوقت ضروه
من اولٍ يحسـب عيالـه لـه ظـلال=
ويظنهـم لاضامـه الوقـت عـانـوه
واثر اعتقاده قول من ظمـن الاقـوال=
كـلام ليـل وفجـة الصبـح تجلـوه
والا وجودي وجـد راعيـن الامـوال=
اللـي ليامـن اشتهـوا شـي جابـوه
تزيـن دنياهـم علـى كـل الاحـوال=
حيـاة عـز ومنـزل الـذل مـاجـوه
ومن بعد فتـره بدلـت حالهـم حـال=
بعـد المعـزه مسكـن الفقـر طبـوه
وصاروا يقاسون المتاعـب والاهـوال=
والجيب مما صار مـن حـزن شقـوه
والا وجودي وجد مـن حكمهـم زال=
وزعيمهـم قـدام شعـبـه اهـانـوه
وياوجد حالي وجد من عاشـر انـذال=
ومـن بعـد مـده غرروبـه وخانـوه
على فراق اللي علـى رغبتـي نـال=
اللي احـس بداخلـي شـي لطـروه
لطروه احس بداخـل الجسـم زلـزال=
وازعـل ليامـن المخالـيـق سـبـوه
احساس مغرم صار فـي حبـه هبـال=
حبٍ علـى ميثـاق والصـدق يكسـوه
احبهـا حــب المخالـيـق للـمـال=
والا الصغير اللي هلـه حيـل حبـوه
واحبهـا حـبٍ مـن الجـال للجـال=
وحبـي لهـا حبـلٍ متيـنٍ وشــدوه
ياروح روحـي يابعـد كـل الازوال=
يامـن كثيـر النـاس لخلاقـه اغلـوه
عـزالله انـه كلمـة الحـق تنـقـال=
يسعد مسا اللـي اعتنـوا بـه وربـوه
ويالله يالمعـبـود يـاواحـدٍ عـــال=
يالله طلبـتـك لاتصيـبـه بمـكـروه

[على النيه]

حكم ونصايح


http://www.b3b7.com/vb/showthread.php?t=73142 (http://www.b3b7.com/vb/showthread.php?t=73142)






يمكـن تنسيـك الليـالـي مسلـيـك=
بـس اتحداهـا تنسـي مـن ابكـاك
ويمكن تحب اعدا عـدو(ن) معاديـك=
يمكـن مـع الايـام يصيـر ويـاك
ويمكـن تبغّضـك الليالـي بغاليـك=
ويصير من بعد الغـلا بعـده منـاك
لكـن تحـدى ان الليالـي تنسـيـك=
شخص(ن) معك وليا نخيته تناسـاك
تبيه يفـزع لـك ويمشـي خطاويـك=
واثره سراب(ن) لاقسى الوقت خلاك
واصعب من اللي قلت ياناس مغليـك=
لاكشـرت سـود المقاديـر جافـاك
تصيـر دنيـاك الوسيعـه شبابـيـك=
لاجتـزت واحدهـا تلقـاك شـبـاك
ولا جاء الفزع من واحد(ن) مايدانيك=
اقبل جميل(ن) جاك من جملة عـداك
واحرص على رد الجميـل بأياديـك=
ولاتبخس اللي جاك وارضاك واعطاك
وياشينهـا لامـن هقيـت المساليـك=
في واحد(ن)طيبه مع النـاس مشّـاك
ويوم ان لفيته خار واخلـف هقاويـك=
كنك بحلـم الليـل والنـاس تاطـاك
واصعب من اللي قلت كلـه بلاويـك=
لامن دريبه واحد(ن)يكـره رضـاك
واحذرك لايـدري بسـرك معاديـك=
اللـي علـى العالـم يبيـن خفايـاك
والسـر لامنـه تعـدى مصافـيـك=
تناقلتـه النـاس والـكـل يشـنـاك
وانصحك مـادام ان ربـي معافيـك=
لاتضحك بخلق الولـي تـره يبـلاك
احمد آله الكون مـن شـان يعطيـك=
واترك عيوب الناس بالناس يحمـاك
وادرس مساويك الـذي دايمـن فيـك=
وعالج عيوبك يرفعـك رب الافـلاك
ولا لا تدّخّل في امـور(ن) ماتعنيـك=
لاجنبتـك السالفـه طبـق شـفـاك

[على النيه]

منبع الذوق

http://www.b3b7.com/vb/showthread.php?t=73776 (http://www.b3b7.com/vb/showthread.php?t=73776)





مـادام قلبـي ماتعّلـق بمخـلـوق=
امكن عليه اسكن بوسطـه لحالـك
اجلـس بقلبـي لاتعـداه لعـروق=
يارو ح روح الروح روحي فدى لك
وان كان ماهزك لنا دافـع الشـوق=
ياحظ منهو ساكن(ن) فـي خيالـك
قلبي بعد فرقاك ضايـع ومسـروق=
يبكي على شوفتـك والا وصالـك
يامنبـع الاخـلاق يامنبـع الـذوق=
تظهر وصوف الزين لي من خلالك
جمر الغضى بشفاك والموت بالموق=
ياروعة الاسلوب روحـي حلالـك
يازين قلبي من سبايبـك محـروق=
يبيك مُلك(ن)لي لحالـي وانـا لـك
تتوق روحي لك وقلبي لـك يتـوق=
وحتى خيالي تاق لك ويعنـى لـك
رغم المسافات الطويلات والعـوق=
امشي على شانـك دروب المهالـك
واغار لامنـك تمشيـت بالسـوق=
خايف عيون الناس سهمـه ينالـك

[على النيه]

انقلاب المبادي والمفاهيم


http://www.b3b7.com/vb/showthread.php?t=81158 (http://www.b3b7.com/vb/showthread.php?t=81158)






دنياك ساوت راعي الطيب بطروش=
وساوت عزيزالنفس بالعفن والـلاش
في هالزمن يصير وضع النذل خوش=
ويصير راع الطيب ياصاحبي ماش
هذا زمان(ن)فيـه ماينفـع الهـوش=
ولاينفع الطيب فعولـه ولـو هـاش
ماينفع الاعنـدك امـلاك وقـروش=
كل(ن)يبيك ليااصبحت حالتك كـاش
والا الفقير اللي بـه الهـم منقـوش=
لاجـا البشـر تصدعنّـه وتنحـاش
يالله دخيلك صرت افكر ومربـوش=
من هول تغيير المبادي بي اربـاش
الكذب والحيلات سوت لها جيـوش=
والنصب يبني له عمارات واحواش
خارت عزايمنا ولو نشتهـا نـوش=
طاحت وكفنهـا الردييـن بقمـاش
مجامـلات الـلاش للعـم حنتـوش=
ومجاملات العـم حنتـوش لـلاش
كل(ن)يبي من صاحبه مال ملطوش=
علاقة(ن)منهـا الردييـن تعـتـاش
فعلاً هذولا جملة اشبـاح ووحـوش=
مافيهم اللي يزرع الطيـب ببـلاش
مشوا على درب(ن)معقّد ومغشـوش =
اشرفهم اللي صار للنـاس غشـاش

[على النيه]

وطن الحب

http://www.b3b7.com/vb/showthread.php?t=81249 (http://www.b3b7.com/vb/showthread.php?t=81249)







عظيمه عظيمه ترجح بكفة الميـزان=
ولاشفت بالدنيا مثـل شكلهـا دولـه
ثراها ذهب وجبالها لؤلـؤ ومرجـان=
ديار الرجال اللي لها صوله وجولـه
الا يالله المعبـود يامنّـزل الـقـران=
تحفظ الوطن يالله من عرضه لطولـه
ومن رادنا بالشر تجعلـه للخسـران=
وتجعل يدين الحقد والحسـد مشلولـه
بلادي بلاد العدل والدين والاحسـان=
بلاد الملوك اللي على الطيب مجبوله
حكمها الزعيم اللي له المرجله عنوان=
مليك(ن)جميع الناس بالخير تدعولـه
ابومتعب اللي يتعب الشر والعـدوان=
سيوفه على الارهاب شرسه ومسلوله
حكيم(ن)سياسي(ن)محنك بفكره بـان=
جميع المشاكل من سياستـه محلولـه
وانا اقول عبدالله ملك قلب كل انسان=
وانا اقول طيبة قلبـه اليـوم مقلولـه
زعيم(ن)رزقه الله بطير السعد سلطان=
ولي العهد دايم قريب(ن)لـه وحولـه
ابوخالـد الساعـد ابوخالـد بليهـان=
امير السعد مفتاح فـي كـل مقفولـه
وطلبناك يالوالـي طلبنـاك يامنـان=
تعز البلاد وتنصـر الديـن والدولـه
وغلا المملكه بقلوبنـا شيّـد البنيـان=
حبال الوفاء من دونهـا دوم مفتولـه
ديار السعوديه تعلت على الاوطـان=
تعلت ببيت(ن)جملة النـاس يسعولـه

[على النيه]

القدس


http://www.b3b7.com/vb/showthread.php?t=81939 (http://www.b3b7.com/vb/showthread.php?t=81939)





الوقت خان الشباب وخـان نيتنا=
والظرف كايـد يبكينـا ويبلانـا
والعزم قال النهايـه فـي نهايتنـا=
والدافعـيـه توقفّـنـا وتنهـانـا
والحزم ياليت حزم العـزم ثبّتنـا=
بالعكـس خلـى مشاكلنـا تمنانـا
والحظ ناوي على تدميـر طاقتنـا=
والعـز اقفـى وودعنـا وخلانـا
والحزن اقبل علينـا فـي بدايتنـا=
وحتى الفـرح مايبينـا ويتناسانـا
والذل اصبح رفيق دروب غايتنـا=
والضحك يبكي علينـا ويتحاشانـا
وعزايم الضعف والتقليـل رايتنـا=
واحساسنا مات واحساس الكفر بانا
بأسباب دار(ن)تريد جموع قوتنـا=
القدس تبي الفـزع منـا وتنخانـا
ياامة الدين شـدي مـن مهمتنـا=
نبي فلسطين تصبح داخل حمانـا
ويالمعتصم ليتك تشاهـد حميتنـا=
وتشوف بعيونك استفحـال بلوانـا
احقر خلايق شعوب الارض سبتّنا=
سبّوا رسول(ن)له الفردوس مسكانا
الدينمرك استهانـوا فـي ديانتنـا=
واستهزوؤا باللذي من نسل عدنانا
الا رسول الهـدى منبـع ثقافتنـا=
تناله اقـلام مـن للديـن عدوانـا
ويالله يالله ترفـع مـن مكانتـنـا=
وتوّحد صفوفنـا وتزيدنـا شانـا
ويالله طلبنـاك تتويـج لبطولتنـا=
ضد الذي دينهـم للحـق مادانـا
وياامة(ن)حاقـده تنـوي اهانتنـا=
الله يهينـك قبـل مالديـن ينهانـا
ويالله تزلزل اراضيهـم بدعوتنـا=
ويالله تسلط على الكفـار بركانـا
ويالله ترى ذلهـم قمـة سعادتنـا=
ومن نصرنا عبدك المختار فرحانا
والدين امرنا نعزز مـن مكانتنـا=
ونبذر بذور المهابه داخل عدانـا
ويالله تجعـل سعادتنـا وفرحتنـا=
في طاعتك ياعليم اسرار الانسانا
وياخالق الكون لاتغـرق سفينتنـا=
استر عليها مـن امواج(ن)تقفانـا

[على النيه]

سراب الحب
http://www.b3b7.com/vb/showthread.php?t=82106 (http://www.b3b7.com/vb/showthread.php?t=82106)





انتي سراب(ن)يطردك روح الاصرار=
وانا لـك الله روح الاصـرار فالـي
قلبي من افعالـك معـذب ومحتـار=
مريـض حـب وعذبتـه الليـالـي
شبت غصون الحب من واهج النـار=
واصبح رماد(ن)بعد جمر(ن)وصالي
جرتي على من يملك احساس الاوتار=
اللـي عليـه الوقـت يابنـت مالـي
الا الاهانـه مالهـا داخلـي كــار=
عزيز نفـس وعزتـي راس مالـي
حتى ولو عقلي كفـخ منّـي وطـار=
ارسي وترسـي عزتـي واحتمالـي
طرد المقفي ياهـوى غايتـي عـار=
حتى ولو يملـك صكـوك الجمالـي
طيري على المركاب وسبوقه قصـار=
ولاله علـى يمتـك درب ومجالـي
لنك علـى ماقيـل خايـن وغـدار=
ولنك من احساس المخاليـق خالـي

[على النيه]

النفس البشريه

http://www.b3b7.com/vb/showthread.php?t=82349 (http://www.b3b7.com/vb/showthread.php?t=82349)









النفس مثـل الطفـل تحتـاج دورات=
دورات فـي درس الليالـي والايـام
خلـك عـدو اللـي تريـد الملـذات=
تطلبـك مالاتستطيـعـه بـالاحـلام
اكبح غروره واكبح الـذات بالـذات=
واحكم على رآدآت نفسـك بالاعـدام
ومن طاوع النفس اللحوحه بشهـوات=
يصبح حسير وضايق البـال منظـام
صحيح في وقت الملـذات طربـات=
ومن بعدهـا تبكـي وتنـدم وتنـلام
وياسرع لحظات الفـرح والوناسـات=
ماتنتهـي مثـل نهايـات الافــلام
ومنهو عصى نفسه على مر الاوقـات=
سعيد حظ وسالـك(ن)درب الاسـلام
ماقادتـه نفسـه لـدرب المتـاهـات=
خط النصيب الزين في روس الاقـلام
النفـس تطلـب والملـذات مشهـات=
والكيـف طـاع النفـس قـدام قـدام
ياحسرتي في وقـت كـل القنـاوات=
وقت الشتـات اللـي تبنـاه الاعـلام
نفسـي تراودنـي بتحقيـق غايـات=
واستسلم التفكير من جيـش الاوهـام
ذابـت عزايمنـا وزادن الآهــات=
وازدادت دمــوع البـنـادم والآلآم
فـي وقتنـا هـذ دمـوع واهانـات=
وفي وقت عمرو وزيد طير السعد حام

[على النيه]

الشات والبلوتوث

http://www.b3b7.com/vb/showthread.php?t=82695 (http://www.b3b7.com/vb/showthread.php?t=82695)


نخيت فكري والقلم في دجـى الليـل=
وعاهدني التفكيـر يرقـى للابـداع
وفعلاً رقى رقى رقى الفكر بالحيـل =
حتى وصل ضوّه على هامـة القـاع
فكري يترجم ماجرى مـن بهاذيـل =
ومصايب(ن)تشبّعت منهـا الاسمـاع
جتنا المصايب دفعة(ن)كنهـا السيـل =
مشاكل(ن)منها اكثر النـاس ملتـاع
بأسباب شات الموت شات التهاويـل =
شات(ن)به الكذاب يسعـى للاسنـاع
كـذاب كذابـه ورقص(ن)وتطبيـل =
وسوالف(ن)ياناس مـال امهـا داع
لاوالمصيبـه بالـذي دمّـر الجيـل =
ياصل الى المطلوب ياعالـم بسـاع
اقصد بلوتوث(ن)يجيـب التساهيـل =
من سبته شرف بنات العرب ضـاع
ولاعم في قولـي بنـات الرجاجيـل =
اللي شرفهن كنـه البـدر لا شـاع
قصدي خفيفـات العقـول المهابيـل =
اللي شرفهـن يشبـه الثلـج لامـاع
يعني شرفها ضاع في عتمـة الليـل =
وضاعت ورى رغباتها لجل الاشباع
اوضاعنـا قبـل تجينـا الغرابيـل =
نستغرب اللي يمشي دروب الامتـاع
وهالحين حتى الورع في خاطره حيل =
قلبه خضر بأعراض الاجواد طمـاع
برج الحيا من جور الايام بـه ميـل =
ويمكن يطيح ويستوّي مع ثرى القاع
وعزومنا ذابت وعجزت عن الشيـل =
وقلوبنا تقوّى علـى مـر الاوجـاع
من ينكر الفتنه ويجزع مـن الويـل =
كنه غريب(ن)في ديار العدو ضـاع
هذا هـو الواقـع بعصـر التهاويـل =
كلن لنفسه في هواء خاطـره طـاع

[على النيه]

الخيانه

http://www.b3b7.com/vb/showthread.php?t=82888 (http://www.b3b7.com/vb/showthread.php?t=82888)










وجهك يجيب الهم والحزن والضيـق=
وشوفتك تجذب داخلي كل الاحـزان
انا بغرب وانت ابي منـك تشريـق=
ابيك تبعـد عـن عيونـي مـن الآن
تكفى نخيتك فـرّق القـرب تفريـق=
ولاعاد اشوفك لو يطولـنّ الازمـان
ياخي انا لك ياسود الوجـه ماطيـق=
سببت لي تدميـر شامـل وبركـان
احرقت قلبـي والحشـا والمعاليـق=
واشعلت فيني يااتعس الناس نيـران
ماشفت مثلك فـي جميـع المخاليـق=
ولاشفت مثلك واحد(ن)للوفـا خـان
هرجي معك مافيـه كذب(ن)وتلفيـق=
وانته معي بالكذب والنصـب فنـان
انا بسافـر واسكـن اليـوم ببقيـق=
وانته ابيك تـروح لديـار الالمـان
ابسكـن بـدار الرجـال المطاليـق=
وانت اسكن بدار(ن) بها الكل خـوان
كلن علـى ماقيـل داره بـه تليـق=
على اختلاف الناس واوضاع الاوطان
افيق مـن نشـوة فراقـك ولاافيـق=
اخاف تطلع لي وانا منـك غضبـان
الله يعين اللي على صـدره طويّـق=
والله يصبّرقلب مـن كـان هيمـان

[على النيه]

بنات الستر

http://www.b3b7.com/vb/showthread.php?t=84812 (http://www.b3b7.com/vb/showthread.php?t=84812)

يتصيـدون بهالمـيـاه العـكـره=
على بنات الستر بـأرض بـلادي
لابـارك الله بالوجـيـه النـكـره=
اللـي تـدّور نكبـة الاجــوادي
خبـاث الفعايـل سيئيـن الفكـره=
كم في نواياهـم حسـد واحقـادي
ياناس انا مُكـره وغيـري مُكـره=
وانا مع العالـم ضميـري غـادي
وان صرت ماني ضايع(ن)من بكره=
تلقى سيوف الناس فـوق عنـادي
كـن الاوادم فاقـديـن بسـكـره=
من نشوة التغيير ضحكـه سـادي
قلبـي يحـن وفـوق هـذا يكـره=
ناس(ن)حداها عن حياهـا حـادي
الله يبيـد اعمالهـم فـي وكــره=
والبادي اظلـم لـن ظلمـه بـادي
كم من ضعيف(ن)هيبته من مكـره=
من غفلة عقـول البشـر يـزدادي
الشـات والتشتيـت كلـه حكـره=
وعلى دمار الناس صـار ينـادي
والناس صارت تفتخر فـي ذكـره=
الشيخ هذا الشيـخ ماهـو عـادي
كلـن يقـدم لـه ثنـاه وشـكـره=
وهـو علـى تفكيكنـا متـمـادي
النـاس راع الطيـب ماتفتـكـره=
والا هـل الامـوال قــدره زادي
تغيـرت فـي هالزمـان الفكـره=
الثـوم يصبـح ياسميـن وكـادي
الشـر منهـو ساعـده وابتـكـره=
غير الذي علـى الخنـا معتـادي

[على النيه]

الملك عبدالله
http://www.b3b7.com/vb/showthread.php?t=86821 (http://www.b3b7.com/vb/showthread.php?t=86821)


الشعب لجل عيون غاليـه سهـران=
مايهتني بالنوم مـن شـان غاليـه
حزنه كبير وهمه اشكـال والـوان=
لجل المليـك اللـي نحبـه ونغليـه
اللي غلاه بداخـل القلـب سكّـان=
الشامـخ اللـي كلنـا نفتخـر فيـه
انسان لكـن ماهـو ايـات انسـان=
اللي جميع الشعب بالـروح يفديـه
ابن الملوك اللي له الخيـر عنـوان=
زعيمنـا ياجعـل ربـي يخلـيـه
جعل المرض مايقربه طول الازمان=
وجعل الولي لامن قسى الوقت يحميه
عبدالله اللي تفتخر فيـه الاوطـان=
عون الضعيف اللي همومه تباريـه
ابو اليتامى اللي على الطيب شفقان=
مزبان مـن عيـا زمانـه يسليـه
وانا احمداللـي للمخاليـق سلطـان=
الواحـد اللـي كلنـا دوم نرجيـه
انه شفـى مليكنـا طيـر حـوران=
عبدالله اللي بـرج الامجـاد بانيـه
ويالله ياللي خالق الانـس والجـان=
ان البـلاوي دايـم الـدوم تخطيـه
ياحـي ياقيـوم ياعالـي الـشـان=
تمد في عمره عمر ليـن ترضيـه
وترده لشعب(ن)من الشوق ظميـان =
حتى الديار مـن اشتياقـه تناديـه
شعب(ن)بحبه صار بالحيل هيمـان =
والدارلامن غاب لـو يـوم تبكيـه

[على النيه]

فتنه
http://www.b3b7.com/vb/showthread.php?t=89306 (http://www.b3b7.com/vb/showthread.php?t=89306)

ياصدرها شبيت فـي جوفـي النـار=
اشعلتهـا بيـن الحشـا والمعالـيـق
يامـورد الخديـن بيحّـت الاسـرار=
من شفت زولك صرت يازين مافيـق
من شاف خصرك جاه قصّاف الاعمار=
ومن شاف خدك ماقدر يبلـع الريـق
عينك تخلـي كامـل العقـل محتـار=
وشفايفـك تذبـح جميـع المخاليـق
وردايفك تجني على الناس الاخطـار=
لذا قميصـك لايجـي فيـه تضييـق
لاضاق عقل الهايم المنجـرح طـار=
والحزن طوّق دنيتـه شـر تطوّيـق
يااجمل بنات النـاس ياشمعـة الـدار=
يافتنة(ن)تحرق هل العشـق تحريـق
يامن خدوده تشبـه للـون الازهـار=
يامن حلاهـا خقـق النـاس تخقيـق
ياانعم من الديبـاج يانـور الانـوار=
علقتنـي يافتنـة الـحـي تعلـيـق

[على النيه]

امعات العصر
http://www.b3b7.com/vb/showthread.php?t=89958 (http://www.b3b7.com/vb/showthread.php?t=89958)

فتن ونهب وسلب ومساقط نجـوم=
ومظاهرات وقتل واشعال نيـران
عزاه ياشعب(ن)من العز معـدوم=
من بعد ماكانوا للامجاد عنـوان
مهزوم فكرياً ومهـزوم بعـزوم=
ومهزوم حتى بالملاعب وخسران
حنا العرب في كوم والعالم بكـوم=
اجوائنا دخـان والارض بركـان
يامدّعي الاصـلاح لاتبعدالحـوم=
لاتنشر الفتنه على كل الاوطـان
الصلح والاصلاح يحتاج لقـروم=
ناس(ن)بكلمه رجحوا كل ميـزان
ماهو بيحتاج لجماعات ورخـوم=
بياعة الكلمة على صم الاذهـان
باسبابهم تفـرق القـوم والقـوم=
من بعد ماصاروا قرايب وخـلان
ياامعات(ن)فكرها صار مسمـوم=
ياجمرة الخبث المعتّق من ازمان
يازمـرة التفريـق والحقدواللـوم=
الى متى وانتم عن الحق عميـان
وياقايدالتشتيت ماتفـرق السـوم=
السوم غالي وانت خايب وطفران
غادي وضايع ومتردد ومنجـوم=
ارجع ترى مافات شي ارجع الآن
ويالله تصلح حالنـا دايـم الـدوم=
وتديم عز اللمملكه بين الاوطـان
وتعين كل الناس حاكم ومحكـوم=
وتمدنا بأمـن وامان(ن)وايمـان
وتعز ابو متعب ذرى كل مظيـوم=
الحاكم اللي له معزه ولـه شـان
اللي بحكمه مابنا انسان مظلـوم=
الابشي(ن)مادري بـه كحيـلان
ويالله يامنـان يافـارج هـمـوم=
ياعالم(ن)مابالنوايـا والاكـنـان
انك تطول عمر قرم(ن) وزيزوم=
مليكنا راع الوفاء راع الاحسـان

[على النيه]

الى وزارة التربيه والتعليم
http://www.b3b7.com/vb/showthread.php?t=90106 (http://www.b3b7.com/vb/showthread.php?t=90106)

وزيرنـا ماعمـر فرحتنـا يــوم=
نبي البشـاره مـار مامـن بشـاره
الله يعين اللي مـن سنيـن مظلـوم=
والجور خيم وسـط نفسـه مـداره
حق المعلم يابـن الاجـواد مهظـوم=
وصار يتجرع من همومـه مـراره
يتجـرع العلقـم ويتجـرع سمـوم=
واحزانـه تعجـل سقمـه ودمـاره
من زود همه حاربت عينـه النـوم=
وقامت تولع وسـط جوفـه حـراره
تقليص اجازات ومرتبـك مخصـوم=
والمستحقـه والفروقـات طــاره
وصارالنقل صعب ومعقـد ومعـدوم=
قليـل منهـو وسـط ناسـه وداره
وحتى من التامين معفـي ومحـروم=
وغيره لـه التاميـن فـن وجـداره
تغييـر للواقـع وتغييـر مفـهـوم=
النهب صار افضل دروب المهـاره
يامير عطنا حـق ثابـت وملـزوم=
حق(ن)لنا من يوم تبنـى الـوزاره
جدالنـا ياميـر واضـح ومحسـوم=
شي(ن)موثّق مايبـي لـه شطـاره
قل للمليك اللي سعـى دايـم الـدوم=
للحق واحقوق البشـر والحضـاره
قل له ولاتخشى المشاريـه واللـوم=
ان المعلـم حقـه اخفـوا مـسـاره
وحنا ولانا للوطـن صـار محتـوم=
ارض الكرم والطيب وارض الطهاره

[على النيه]

محطات الارسال
http://www.b3b7.com/vb/showthread.php?t=95158 (http://www.b3b7.com/vb/showthread.php?t=95158)

ياليـت خطـك دايـم الـدوم مفتـوح=
وخطي معك مفتوح في كـل الاحـوال
حيث ان صوتك ينعش القلب والـروح=
لومااسمـع الهمـسـات الا بـجـوال
عادي ماشوفك بس بسمعـك بوضـوح=
عبر اتصالك من محطـات الارسـال
ادمنت همساتـك واصبحـت مشفـوح=
تكفى طلبتـك ماابـي منـك الاهمـال
ابيك تشبـع مسمعـي همـس يالبـوح=
صوتك يحـرك داخلـي الـف مـوال
وان غاب صوتك صرت هايم ومجروح=
وصار الحزن عمي وصار الكدر خال
حبك بنا فينـي عمـارات وصـروح=
وغـلاك شيّـد داخـل القلـب تمثـال
اشقيت قلب(ن)مـن سبايبـك مذبـوح=
وحركت فيني ياهـوى البـال زلـزال
لاغبت صار الدمع يجـري ومفضـوح=
يـاروح روحـي يابعـد كـل الازوال
ولامن حضرت احزاني تضيع وتروح=
يابـو عيون(ن)سـود والخـد قـتّـال

[على النيه]

معاناة طالب
http://www.b3b7.com/vb/showthread.php?t=97694 (http://www.b3b7.com/vb/showthread.php?t=97694)






ضاعت اضاءت شمعتي بالمدينـه=
واشتبت شموع الامل في حياتـي
لولا الامل كـان الهمـوم الدفينـه=
صالت وجالت في حياتي وذاتـي
مستقبلي مرسى وحزمـي سفينـه=
سفينة الاحـلام مركـب نجاتـي
تجري ببحر(ن)ماغشته السكينـه=
بحر(ن)عميق ويابن الاجواد عاتي
للموج صارت ياعشيري رهينـه=
وانا عليهـا صابـر(ن) ياغناتـي
نفسي من ظروف الليالي حزينـه=
هم(ن)يروح وهـم يقبـل وياتـي
ارجي من اللي ماارتخى جفن عينه=
انـه يشتـت هـم قلبـي شتاتـي
وانـه يجنبنـا الاسـى والغبينـه=
وانه يحقق لـي جميـع امنياتـي