باااااااااااااب الغرااااااااااااام

[طلال فهد الشمري]

]
الصبح بان وتو ليلي بدابي=ماعاد اشوف الصبح ياعز الأحباب

من عقبكم همي جلس وارتكابي=عايش معي في كل حزه ولا غاب

ضيع حياتي ومابقى من شبابي=وصارت حياتي هم واحزان وعتاب

الهم من ماصاب قلبي غدابي=لديار غربه كلها وجوه(ن) اغراب

والهم نصف الليل جاني وسرابي=والقلب دكه من عنا الوقت مخلاب

ياصاحبي ياحب ذاتي وعذابي=يامهجتي ياغايتي وكل الأقراب

ياشاغلي يافرحتي ياصوابي=يابسمتي ياضحكتي وكل ماطاب

ياحلم واعد ياعناي وسرابي=يادرب ماشي وين؟مدري. ولا هاب

يا أول طريق(ن) بي بدى ولا انتهابي=يا آخر حكايه مرها قلب ماخاب

ياكلمة بـ أول سطر في كتابي=ياذنب عرفه قلب لكنه ماتاب

ياسهر عيني يازعلها وعتابي=ياورد حلمي ياثمر كله اعناب

همي عمر قلبي وهمك خرابي=وسنين عمر السالفه كله هباب

والجرح جرحي انفتح وانطوابي=والهم همي عقبكم شيب الشاب

لكن صوابي مابرى من صوابي=يبريه وصلك ياكحل موق الأهداب

ويصير ليلي صبح وافك بابي=باب الغرام اللي قفلته بلا اسباب

طلال فهد الشمري

[عقاب النهار]

ارحب يالغالى
كتبت وابدعت وصغتها بحرفنه
وسبكتها لنا حتى خرجت هذه الباسقه
صح لسانك مليون ولايكفون
ولاهنت
تقديرى واحترامى

[على النيه]

شاعرنا الراائع| طلال الشمري
نص رُسم بأحرف عذبه
وبأحساس مُترف ..
لوحه مشرقه ونزف جميل ..
صح لسانك لهذه الرائعه
وصح نبضك وفكرك ..
دمت بفرح ..

[طلال حمود الاسلمي]

صح الله لساانك يا سميي ..

والله يعطيك العافيه يا الغالي ..

على النص اللي طرحته الجميل ..

فصح الله لسانك وسلم الله فكرك وبوحك ..

[مشعل التريباني]

الاخ طلال فهد الشمري قصيده رائعه تشكرعليها تقبل مروري المتواضع

[روح الامارات]

شاعرنا طلال فهد الشمري

قصيده رااائعه ياخوي
صح السانك ومنطوووقك
سلمت الانامل ع الابداع

دمت بخير

[راعي النفود]

قصيده عذبه من شاعر عذب ورائع
عشت والله

[*^ يباريك ^*]

ابدعت صح فكرك ونبضك عساك للقوه
ولا تحرمنا جديدك

ننتظرك

[منصور الشمري]

الشاعر الجميل طلال الشمري
كتبت فجعلتنا نبحر في شواطيك العذبه
حروف من ذهب
صح لسانك على هالعذوبه

[عشوق]

غالينا طلال ..
ياهلا وغلا بهالحضور المشرف ..
صح الله لسانك يابعدي ,,

[الجريفاني]

قصيدة رائعة بروعة حضورك



لاهنت على هذا الحضور الراقي




دمت بخير