.•ஐ•i|[ ديوان الشآعره على النيه ]|i•ஐ.•.

[على النيه]

بسم الله الرحمن الرحيم

السلام عليكم ورحمة الله وبركاته


يسعدني أن آضع ديواني آلشعري آلمتواضع
هنآ في هذآ الصرح الرآقي
( بعد حيي )
وشرف لي ان تكون لي بصمه
هنا
ومع نجوم ارتقت عاليا
بسمآء الشعر
فكانت كواكب برآقه
تشع نورا وصدقا وعطاء
وجزاله ورقيا
..
width=600 height=400
width=600 height=400
width=600 height=400
width=600 height=400

اختكم الشاعرهـ \\ على النـيـــــــــه

[على النيه]

{خلك اقرب من عيوني للمسير }

http://www.b3b7.com/vb/showthread.php?t=84199 (http://www.b3b7.com/vb/showthread.php?t=84199)






شوف كيف ان الغلا في دمنـا =
كنت احسبن ان الغـلا لعبـة غريـر
لين شفت من الغلا كـل العنـا =
وصرت في دربي وصرت انت المنير
ساعدن لين الزمن يوفـي لنـا =
لا تـروح بعيـد والفرقـا تصـيـر
خلك اقريّب وخلـن لـك مُنـا =
انته اللـي باقيـن وانـتَ المصيـر
الزمن طبعـه تغيـر وانحنـا =
والحيـاه بـدون حبـك مـا تسيـر
غصتن في الحلق دايم في عنا =
خلك اقـرب مـن عيونـي للمسيـر
لا يهزك شين لـو شفتـه دنـا =
انتـه اللـي دون خلـق الله نصيـر
فيك رجوى العمر لو عمري فنا =
والصبر مفتـاح لـو منتـه ابخيـر
فيه تحقيـق المـراد وحلمنـا =
ولا لنا غير الصبر لـو كـان غيـر

[على النيه]

(شوف الأماني واضحه داخل السور )

http://www.b3b7.com/vb/showthread.php?t=80857 (http://www.b3b7.com/vb/showthread.php?t=80857)





ياذا الفرح غايب لك ايـام وشهـور =
متـى علينـا تلتـفـت وانتسـامـح
تعبت انا ازرع بالصحاري وهي بور =
مابـه أمـل عنـدي ولابـه ملامـح
هي لعبة الأيام يكثـر بهـا الجـور =
اتحدنـي اقسـى ولافـيـه اسـامـح
شوف الأماني واضحه داخل السـور =
والعمر يجري واكثر احيـان جامـح
والله لا اروضها لـو الـدم منثـور =
ما عاد تنفـع ضحكـة ابـو مسامـح
يعني على ما قيل لا تلـف وتـدور =
وتـدّور الاعــذار ودك اتسـامـح
الصدق ينجي راعي الصدق منصور =
يبقى مـع الايـام حـر(ن) يجامـح
وان راحت الهيبه مع الناس مثبـور =
مـا ينفعـه لـو كثّـروا لـه مدامـح

[على النيه]

( يا جرح لا تنزف ترى ما به علاج )

http://www.b3b7.com/vb/showthread.php?t=73017 (http://www.b3b7.com/vb/showthread.php?t=73017)






تلعب بنا الأيام يـا جـرح نحتـاج =
من يوفـي الايـام ويحفـظ عهدهـا

يا جرح والله كل ما احس الافـراج =
ترميني الايـام ولا اسمـع رعدهـا

وهذا الزمن لعبه ولعبتـه الاخـراج =
منهو يجيد اللعـب يحصـي عددهـا

ويروح فيها صافي القلـب منـداج =
ما عاد يعرف وجهتـه لـو قصدهـا

ماهوب بمتعود علـى لعبـة التـاج =
من طيبته كـل البشـر مـا حسدهـا

دايم وهو صافي مثـل عـد هـداج =
ما يحاسب العربـان وينسـى لهدهـا

ياجرح لو حطوا على الراس لك تاج =
تبقى جروح القلب ما حـدن ضمدهـا

ياجرح لا تنزف ترى ما به عـلاج =
انزف ليـن الـروح تلقـى وعدهـا

[على النيه]

هذا زمن اكشن وتركيب الأفلام
http://www.b3b7.com/vb/showthread.php?t=75699 (http://www.b3b7.com/vb/showthread.php?t=75699)







ياروح لا تشتكين من جور الايام=
...كثر الشكي ياروح مافيه مصلوح


الصبر زين وفيه تحقيق الاحلام=
...اخيـر من بيحت خفاياك باللــوح


هذي سنه مرت وذا الجرح ما نام=
...في كل يوم يزيد يخنــق لي الــروح


ياروح والله ركز بقلبي اخــيام =
...وسكن بوسط القلب وسبب لنا جروح


ياروح والله بعد ذا اليوم ما انلام=
...دام الليــالي صرختن ما بــها روح


هذا زمن اكشن وتركيب الافلام=
...يبدء بقصه كلها شعور وطمــوح


وعند النهايه ضحك بعيون الايتام=
...مابه حـواس الا تمــاثيل بالــنوح


يا ليت وقتٍ راح يرجع لنا ايام=
...ونعيش باقي العمر ونشيد صروح

[على النيه]

{ شفت النجــوم المرقبه في السما فوق }


http://www.b3b7.com/vb/showthread.php?t=66903










شفت النجوم المرقبه في السما فوق=
.......... قدرك ترى عندي مثل ذا النجومي

لا تغيرك دنياك ويبرد بك الشـوق=
.......... الشوق نزعه مثل نزع السهومي

انا ترى من حبك اغيب وافـوق=
.......... كني مريضٍ مبتـلى بالسقومي

ناظر بحالي يمكن اتحن وتـروق=
.......... ليا طريت افز من حلو نومي

ترى الغلا لا من سطا مابه فروق=
.......... كل الخلايق ودها انه يدومي

ارفق بحال الي من البعد محروق=
.......... لا تضيع في الدنيا وفيها تعومي

يابعد حيي شوفتك كنها شروق=
.......... لا طول الغيبه وهات العلومي

لابد في يوم( ن) تبا تلفي النوق=
.......... وهذا هو الواقع وشين محتومي

والله ما رجي واحد(ن) وده يعوق=
.......... انساه لو ان الليالي تشومي

[على النيه]

اعــذريـني يـا لحـبيبــه ..


http://www.b3b7.com/vb/showthread.php?t=68294 (http://www.b3b7.com/vb/showthread.php?t=68294)




اعذريني يالحبيبه ماتوا رجال الحميه=
.....ما بقالك غير واحد من صفات الأوليني

ادعي الله يالحبيبه دايمن صبح وعشيه=
.....يحفظ الي لك يحامي ما يهمه ظالميـني

وان سألتي منهو هذا والله ان مافيه زيه=
.....ابو متعب هو يحامي دايمن للمسلمـيني

كل يوم يحاول انه يحتوي كل القضيه=
.....لكن العربان ما توفي ولاهم صادقـيني

كل مايسلك طريقن فيه خير للبريه=
.....حاسها منهو يبيها اطّول ايام وسنيـني

ما يهمه غير نفسه ما يفكر في خويه=
.....ولا يهمه شوفة العربان تكثر بالونيـني

ناس دايم ما تفكر غير في جلب الأذيه=
.....للأهل والي حواليهم تراهم خاينــيني

والله ان خمسين عامٍ والعرب روحه وجيه=
.....ما استفادوا غير ذل النفس ومصافح يديني

ليتهم بس مرتن وحده تجّمعهم سريه=
.....وكل ما قال ابو متعب شي قالوا حاضريني

والله ان يرجَعلهم وقتٍ مضى والنار حيه=
.....يوم رايات الجهاد ترفرف يسار ويمــيني

يابو متعب يا حبيب الشعب ياجزل العطيه=
.....والله ان القدس يشكي فراق اهلها كل حيني

وهذا هو الصدق والله قالته لك شمريه=
.....تنقهر لا شافت دموع الثكالى العاجـزيني

اعذريني يالحبيبه ماتوا رجال الحميه=
.....ما بِقالك غير ابو متعب وريث الصالحيني

[على النيه]

رعاك الله يالي فيك كاتبتن دواويني


http://www.b3b7.com/vb/showthread.php?t=64959 (http://www.b3b7.com/vb/showthread.php?t=64959)





الا يانعنبو حي الشعر دايم على بالي =
.......... يبيّح كل مخفي عنك دايم ما يداريني

ولكن لو ما اقول الشعر عقلي صابه اهبالي =
.......... علشانه بعض احيان هو دايم يسليني

وعلشانه هو الي دايم يذكّرني الغالي =
.......... رعاك الله يالي فيك كاتبتن دواويني

ترى عقب الرحيل الي حصل ما شفتك قبالي =
.......... ترايا حافظه عهد ٍ حصل ما بينك وبيني

عسى الايام يلفنبك عساها يا بعد حالي=
.......... واشوفك قدم عيني لانك الي مالي(ن) عيني


ترى من طول الغيبه يقولون العرب جالي=
.......... ومثلك طيرٍ يوفي بالعهد لو مات فالحيني


الا يالله ياعــالـــم بحالي وانته الـوالي =
.......... ترجّع من سكن في القلب وانك لا تشقيني


عسى بقعه تصافيني عساها اليوم تصفالي =
.......... واعيش الفرح فالدنيا عساها لآخر سنيني

[على النيه]

{سـرى بي هـاجس الذكـرى }

http://www.b3b7.com/vb/showthread.php?t=65773 (http://www.b3b7.com/vb/showthread.php?t=65773)



سرى بي هاجس الذكرى على وين أنا مادري وين =
........... ولـكن سـرى بـي الين ذاك الـبيـت مـريتــه

وانا اعرف هاجسي لا من سرى بي ما يجيب الزين =
........... يـعـيـد الذكريــات المـاضيـه يـذكرني ابيتـه

الا يالهاجس اركد بالله انك لا تبكي عين =
........... تـرى ما عـاد فيّا صبر كل الدمع هليتـه

نسيته دامه الي باعني يالله عسى يعين =
.......... ويشــفي كل جرحٍ صـابني منه وعانيتـه

ثلاث سنين يالهاجس وانا اراقب لهالحين =
.......... عسى في يوم يذكرني ويذكر كيف راعيته

انا ما ابيه يالهاجس انا ودي ارد الدين =
.......... ابيه يحس في كل العذاب الي انا اخفيته

يمين الله يالهاجس ان تركد دامنا حيين =
.......... الين اعرف خفوقي وش حصل له يوم سريته

أنا بنتٍ على النيه تموت ولا تجيب الشين =
........... مـــربيني كــريمٍ مـات والله بـاقـين صيتـه

[على النيه]

انآ يابحر ما شفتك ولا جيتك انا اسمع فيك ..

http://www.b3b7.com/vb/showthread.php?t=63710 (http://www.b3b7.com/vb/showthread.php?t=63710)





انآ يابحر ما شفتك ولا جيتك انا اسمع فيك =

ابعنالك انا يابحر تكفى انك تحاكيني

تسمّع في سواليفي قبل لآ يرتفع شاطيك =

لآنك يابحر وحدك تحفظ السر وتعطيني

امانه يا بحر تكفى عسى الله انه يخليك =

تشيل همومي الليله من الاحزان تشفيني

انا بنتٍ تحب الشعر والاشعار ما تخفيك =

يفسرها خبول القوم والأيام تعصيني

بعضهم حاسدٍ يابحر وانته تعرف الي يجيك =

يمرك كل يوم اشكال تكفى انك تواسيني

اعاملهم على النيه اخوان ولابها تشكيك =

وهم يابحر والله بعضهم مثل الوغاديني

ترا كل الكلام الي مضى تمهيد لجل اعطيك =

خفوقي واضمن انك يا بحر ما يوم تسقيني

على شان الغدر طبعك وطبع الي انا اشكيك =

وانا يا بحر فيّه من الشموخ الي مكفيني

ولكن لعبة الآيام والغالي في يوم يجيك =

وطالع في عيونه وتعرف الي دوم مشقيني

وفيت ولا وفى يا بحر قله الله يجازيك =

واذا شفت الحزن بعيونه الثنتين ناديني

ابرحل قدم عينه وانت والله يا بحر ما مديك =

ترجّع كل شين صار ما بينه وبيني

عسى بقعه تضمه يابحر ذا الليل بين ايديك =

وتبكيه الخلايق والله انه ما يبكّيني

[على النيه]

.. تحقد وانا احقد والمفارق على وين ..

http://www.b3b7.com/vb/showthread.php?t=62877 (http://www.b3b7.com/vb/showthread.php?t=62877)




تحقد وانا احقد والمفارق على وين=
يم المكان الي عليه النصايب
ابنصحك يا شايل الحقد هالحين =
احسب حسابك قبل وقت الحسايب
ما نافعك شين مشيته على الشين =
احسب حسابك قبل وقت الطلايب
قبلك تراه الموت غيب سلاطين=
يا بعد حيي وينك اليوم غايب
تعال شوف الدمع في محجر العين=
سبة افراق اهل الوفا والحبايب
اهل النميمة كلبوهم ملاعين=
يسعون بالفرقا وكثر المصايب
ياالله يامعبود يا منشي الطين =
تجعل لهم في كل دربٍ لهايب
وتعمي عيون اهل الحسد قولو آمين =
ويرجًع الغايب وكل القرايب

[على النيه]

البارحه القلب مره سحاب ...

http://www.b3b7.com/vb/showthread.php?t=62409 (http://www.b3b7.com/vb/showthread.php?t=62409)




ياسيدي اركد واخذ السوالف باصولها=


من يوم قفت خيولك وشفت اعجاج اغبارها


وانا اعرف ان الحب ميت وان الرسن في خيولها=


وان السوالف كلها يا بعد حيي في شريط اخبارها


عطني دقيقة نبا نلف الشريط ونراجع القصة من اولها=


يمكن تطيب الجروح وينبت خزامى الحب في دارها


او يمكن الحب يحيا مثل المطر لانزل في صحاري سهولها=


تزين الارض وتربع كل الخلايق بديارها


ونفرح بالليالي سوا ونغيظ كل حاسد صاحيها وخبولها=


ما عاد لي صبر في الجروح والليالي بينت باقمارها


البارحة القلب مرُه سحاب وروّح براس سيولها=


ترى الطيور اطير وترجع على بيتها واوكارها


يا سيدي هذي ترى الفرقا بدت ادق اطبولها=


الجرح يبرى والناس تكبر وطول اعمارها


خلك على مانت عليه مانبي نبحث في وسط عدولها =


والمقفي الله يسهل طريقه وتعطيه الليالي من انوارها

[على النيه]

.. تبي الصراحه خاطري منك مجروح ..

http://www.b3b7.com/vb/showthread.php?t=61503 (http://www.b3b7.com/vb/showthread.php?t=61503)


تبي الصراحه خاطري منك مجروح=
عيت تداويه الليالي والايام
الضيقه الي تتبعن وين ماروح=
يمرني طيفك مثل طيف الاحلام
والله لولا الخوف لا نوح وانوح=
نوحة صغارٍ في عشوش الحمام
حزني بصدري باقين ما اقدر ابوح=
ولولا القصايد كان ميته من العام
الروح ماتت يا بعد حي ذا الروح=
ما باقي الاهيكلٍ فيه الاسقام
يالله يا معبود يا خالق نوح=
تفرج جروحٍ داخل القلب نيام

[على النيه]

اخاف بعض الحكي يجرحك بالحيل
http://www.b3b7.com/vb/showthread.php?t=87053 (http://www.b3b7.com/vb/showthread.php?t=87053)

تدري وش اللي يحدني لا اتكلـم =
اخاف بعض الحكي يجرحك بالحيل
افضل اسكت لكن الوضع مؤلـم =
يعني كذا والا كذا نشكـي الويـل
تجرح واسامح وانت ما تنتعلـم =
خبير في جرح المشاعـر بتدليـل
لكن انا ابشـرك صـرت اتعلـم =
واحسب احسابي لليـال المقابيـل
مات الغلا في القلب وابيك تعلـم =
لو الدموع القشر تنـزل هماليـل
صحيح يذبحنـي ومنـه اتألـم =
لكن اخير من الرجـا والبهاذيـل
وان طعتني لاعاد في يوم تحلـم =
ان الزمن يرجع وننسى التضاليـل
لاعدت افكر بك ولا عدت انا احلم =
اعيش في واقـع بليـا تضاليـل
غلاك مات وكل شين بـه اظلـم =
رح في طريقك جعل دربك تساهيل

[على النيه]

من الفراق احس بضيق المجره ..

http://www.b3b7.com/vb/showthread.php?t=90730 (http://www.b3b7.com/vb/showthread.php?t=90730)




الحال حاله بعد ما رحت واقفيت =
....في كل يوم اموت مليون مره
والله ما عاد احتمل والله ازريت=
.....ومن الفراق احس بضيق المجره
والعين تبكي ترجي الله ياليت=
....ان الغلا يبقى ويبقى مقره
بين الحنايا كل ما اصبحت وامسيت=
....امن الفراق احس في القلب حره
اتشل كل الجسم لا منك اطريت=
....قدام عيني لكن تبين عبره
ياحظ بالله قول لي ويش سويت =
....ابعدت من نغليه واخفيت سره
ماهو بحي لي ولاهو بعد ميت=
....راحت به الايام والبعد ضره
يالله يا معبود يا حافظ البيت=
....ياعالمٍ بالغيب خيره وشره
تفرج هموم(ن) وسط قلبي مخافيت=
....وترجّع الغايب ويرجع لوكره

[على النيه]

الحب في الدنيا ترى كنه الدوح ..
http://www.b3b7.com/vb/showthread.php?t=93810 (http://www.b3b7.com/vb/showthread.php?t=93810)

تلفي عليّه مثل الأحـلام وتـروح =
حلمن جميل ساكنٍ داخـل الجـوف
مالي جدا ياهيه غير انثـر البـوح =
هو سلوتي لين انها تأتـي صـدوف
واحيان بعض احلامنا مابها صروح =
ما تنبني ظلمه مثل ظلمـة كهـوف
واحيان تذبحنا مثل نزعة الـروح =
مالك أمل لو كنت مفجوع ملهـوف
الحب في الدنيا ترى كنـه الـدوح =
اتعيش في ظله ولا يلحقـك خـوف
يادنيتي يكفي وانا اقول مسمـوح =
لا الوقت يرحم وانت ما ودك تروف
طبعي عنيده ما اعرف ابين النوح =
لكن بعض احيان تفضحني احـروف
احروف شعري كنها عطـرٍ يفـوح =
ارتاح فيها وافرح ابها وانا اشـوف
اتلامس اقلوب المجاريح بوضـوح =
ويبقى مع الأيام مقـري ومعـروف

[على النيه]

ترى الغلا مثل الكرم ماله حدود !!
http://www.b3b7.com/vb/showthread.php?t=95582 (http://www.b3b7.com/vb/showthread.php?t=95582)

هاك الحنين اللي مضى دايم يعود =
ويعود معه الهـم وسـط الحنايـا
اتصافقت بين الحنايا مثـل نـود =
نـوداً شماليـه قـويـة عطـايـا
ماهي بفيدة كلمة سهـود ومهـود =
الجرح بعض احيان مالـه دوايـا
لاجيت اسامح اذكر الجرح واعود =
ارجع على العزلـه بليـا خطايـا
ياذا الزمن متى عليّه تبـا تجـود =
وتصير دايم وانت طيـب سجايـا
ترى الغلا مثل الكرم ماله حـدود =
وانا عطيتك قلـب صافـي نوايـا
كانه سحابن يسبقه برق ورعـود =
يسقـي حنايـا مايعـرف الجفايـا
ادرا على قلبن يحبـك وملهـود =
من قبـل ياخـذه القـدر والمنايـا
العمر يمضي والليالي ترى قـود =
مـاراح منهـا مايعـوّد ورايــا
اعرفك انا مثل البحر منته اتهود =
تعـال وقفهـم وســو السـوايـا
يابعد راسي مابه اليـوم منقـود =
على النقا والنـاس مثـل المرايـا

[على النيه]

حيـاتنآ في هالزمن كنها آطناب !!
http://www.b3b7.com/vb/showthread.php?t=97933 (http://www.b3b7.com/vb/showthread.php?t=97933)











حياتنا في هالزمن كنهـا اطنـاب =
متشتتـه وغاديـه بكـل الاجهـات
ضاع الوفا ماعاد به جمعة احباب =
والناس فيها صارت اتفضل الـذات
اول ليا منه غرق دمـع الاهـداب =
ياتيك من يسأل وش اللي حصل هات
ويخفف جروحك ويفتح لك كتـاب =
اكتاب ساطـع بالوفـا والسلامـات
يشيل عنك الهم ويفتح لك ابـواب =
باب الفرح الين تضحك لك اصـوات
واليوم نركض بالزمن كننا احزاب =
مابه هدف مرسوم والصدق به مات
ليتن اعيش ابهالفضا مثل الاسراب =
ترحل وتنزل مع بعض كل الاوقـات
احلام نحلمها ونصبح على عتـاب =
بين القلوب انعيش مابـه مسافـات

[على النيه]

ارتاح ياقلبي وفل الجناحي




http://www.b3b7.com/vb/showthread.php?t=100774 (http://www.b3b7.com/vb/showthread.php?t=100774)

مدخل

كسر الخواطر مثل كسر الزجاجه
...........احذر تكّسرها وتندم عليها

.
.
تداهمتني من جميع النواحي
......... كانها هبوب النود من كل صـوبي

هم الزمان وهم بالقلب ساحي
.......... تجمعت مثل السحاب الصـبوبي

ماني ضعيفه بيّا صبر الفلاحي
........... اللي يدوس النار لو هي شـبوبي

لكن اساير وقتنا بالصلاحي
........ اليــن في يومن تــزين الدروبــي

واعيش فالدنيا بكثر السماحي
......... الين يصـفى كل وجهن شــحوبي

ودنياك بعض احيان هبة ارياحي
......... مـره شـماليــه ومـره اغـــروبي

لابد تصبر لو تذوق الذحاحي
......... من شــان تارد كل عـدن عـــذوبي

والحب انا اشــبهه مي(ن)قراحي
......... مايغثربه غير الغـــدر والكـــذوبي

ارتاح ياقلبي وفل الجناحــي
........ وانسى همومك عيش رايق طروبي
























مخرج

يابعد حيي ترى الوقت
.......يمضي وحنا شتايت

لا تقول نيمن ولافقت
......ماراح من العمر فايت
.
.

[على النيه]

تقطعت كل الحبال الوثايق ..

http://www.b3b7.com/vb/showthread.php?t=102541 (http://www.b3b7.com/vb/showthread.php?t=102541)







تقطعـت كـل الحبـال الوثايـق
ولا بقـىَ ياغيـر ذكـرى اليمـه =
دارت بنا الايـام وحنـا نوايـق
على آمل الفجـر يصفـى نسيمـه =
ماهو خطانا لكن الوقـت بايـق
شح ولا يرسـل للولايـف ابديمـه =
ودارت بنا الايام وصرنا فرايـق
كلـن يقـول ان الليالـي ظليمـه =
شف مسقي الازهار وسط الحدايق
لو اتركه صـارت تراهـا عديمـه =
وقلوبنـا لابـد تصبـح غرايـق
بالحب نسقيها مثـل وبـل غيمـه =
يساعدك تاقف بوجـه العوايـق
ويبقى الغلا بيـن الحنايـا مقَيمـه =

[على النيه]

{ركضة فرح ركضة حزن مادرينا ! }
http://www.b3b7.com/vb/showthread.php?t=103225 (http://www.b3b7.com/vb/showthread.php?t=103225)

اقرا بعيني واعرف اللي أنـا فيـه =
العين فيهـا صـدق مايجـول فينـا
احيان اشوف ابعينك المكر والتيـه =
واطرد انا ما أحـس لـو بـان لينـا
الحـب ماتعـرف معانيـه ياهيـه =
تكوينتـك صعبـه خبـاره وطيـنـا
مجبوره امشي بالطريق ومساريـه =
الجبـر واضـح لـو عنـه سليـنـا
القلب بعض احيان غصبن أنا ارضيه =
اطوعـه لـو الـجـروح اتغزيـنـا
لوللصبر سوقن حرام انـي اشريـه =
اليـن ترسـي هالسفينـه ابميـنـا
واركض ورى الأحلام واقـول لبيـه =
ركضة فرح ركضـة حـزن مادرينـا
رحلة خيال وهاجس الشعر انا ادعيه =
واعيش معه بصمت صمتـن حزينـا

[على النيه]

{ قلبي مايوفي الـ غير المعتلي ..}
http://www.b3b7.com/vb/showthread.php?t=104302 (http://www.b3b7.com/vb/showthread.php?t=104302)



مدخل _

يا سارق الأيام يكفيـك سرقـا
.... سرقتنـا ياهالزمـن مادريـنـا
غديه يجلى الليل ونصبح بشرقا
.... ونعيش في جو السعاده سنينـا

.
.



يالعيون القشر لا منـي بكيـت =
احفظي دمعك وسيـري بالخلـي
ايه طعنه والله اني مـا دريـت =
شايلن حقدن مثل حقـد اجملـي
اعترف اني ابحبك مـا وفيـت =
قلبي مايوفي الـغيـر المعتلـي
صدق قلب المؤمن اليا من بليت =
هو دليلـك هـو يـدل المبتلـي
كان ودك صدق والله ماشقيـت =
رحت كانك هالسحـاب المنجلـي
الغلا ماهو مثل بعت وشريـت =
الغـلا مثـل العبـاده للـولـي
كنت ماتحرك خفوقي لا طريـت =
ولا يهمـن قولـتـك ابرحـلـي
ليه مدري لكن انـي مادعيـت =
يوم شفت الحـظ ماهـو مقبلـي
يالعيون القشر لا منـي بكيـت =
احفظي دمعك وسيـري بالخلـي

[على النيه]

\ الله جمع روحي وروحك \ زمن قاسي \
http://www.b3b7.com/vb/showthread.php?t=105756 (http://www.b3b7.com/vb/showthread.php?t=105756)


بــدآيـه :

اروآحنا ماتت ولاعاد تحيا
.... مدام هذا الوقت بالحيل قاسي



اي والله اذكـرك والله ماتناسيـتـك =
في كل لحظات عمري مثل الأنفاسـي
صحيح كلن غدا وجهه وانا اشقيتـك =
لعب بنا ذا الزمن وابعدك يـا ناسـي
من كثر ما اغليك لو تبكي انا اوحيتك =
الله جمع روحي وروحك زمن قاسـي
والله لـو سلطتـي بالعيـن خبيتـك =
لكنها اظروف بقعـا حطمـت فاسـي
حدانيَ الوقت ما اذكر يـوم بكيتـك =
هذا يرِ يح النفس ويريّـح احساسـي
امانتك لا طريـت ابحلمـك وجيتـك =
لا تزعل انه حلم وتضـرب أخماسـي
لو اعرف ان فيه امل والله تحريتـك =
لكن مات الأمـل مبطـي بالأجراسـي
بينـي وبينـك تـرى والله سميتـك =
هجوس شعري ومصدر كل الأحساسي



نهــايه :
ماعاد باقي شي اقول له حيا
راح الفرح وجاء مكانه مآسي....

[على النيه]

{..انته قصيدة غـلآ عـجزت أكملها ..}
http://www.b3b7.com/vb/showthread.php?t=107964 (http://www.b3b7.com/vb/showthread.php?t=107964)

انته قصيدة غلا عجـزت اكملهـا =
بدايتك مثل مولـودن بعـد عقمـي
من كثر ما اغليك انا عجزت اجملها =
كثر المشاعر ابقلبي ما اقدر اصمـي
احيان لوهي غلط ما اقدر اعدلهـا =
انثر أنا ما احسه لـو غـدا سمـي
ترى المشاعر قدر ما اقدر ابدلهـا =
تسكن ابروحي حرامن تجري ابدمي
جتك المشاعر كمِا ذوذن وعقلهـا =
احرص عليها لو ابها جرحن وهمي
خلك كِما ضلع بالشـدات يحملهـا =
مانعلم الغيب لو القبـر لـي ضمـي
ياهاجس الشعر وقف صعب احللها =
ماتفيد يالشعر غير الهـمِ والغمـي
انته قصيدة غلا عجـزت اكملهـا =
بدايتك مثل مولـودن بعـد عقمـي

[على النيه]

{(لك فرحتن ياعيد بين الحنايا )}
http://www.b3b7.com/vb/showthread.php?t=109034 (http://www.b3b7.com/vb/showthread.php?t=109034)


ياعيد ياعيد الفرح هـل بالخيـر =
لك فرحتن يا عيـد بيـن الحنايـا
ياعيد هالعام الفرح عندنـا غيـر =
بالشـام والله الـفـرح بالمنـايـا
يالله يا معبـود يـارازق الطيـر =
تفرج اهموم السّنـه اهـل العطايـا
وتبدل لهم بعد الحزن والمعاسيـر =
فرحه وتفـرج كـل هـم وخطايـا
انت اللذي بامرك ترى والله ايصير =
من حال في حالـن ويغـدو هنايـا
يارب تجعل هالسنه خير في خيـر =
ذا الليـل ياربـي تحقـق منـايـا
وختامها يارب هـب المعاصيـر =
على عـدو الديـن ابكـل القرايـا

[على النيه]

\| يا هآجس الشعر وقف وين مسريني \|
http://www.b3b7.com/vb/showthread.php?t=109852 (http://www.b3b7.com/vb/showthread.php?t=109852)

ياهاجس الشعر وقـف ويـن مِسرينـي =
وقـف ولا تبـيـح الـلـي بالـصـدر خـافـي
ملـيـت ياهـاجـسـي مـاعــاد يمـديـنـي =
اصبـر علـى شـي خـافـي هبـبـه سـافـي
مليت من كثر ما اكتـب ويـن مِغدينـي =
شيطـان شعـري يعيـد الميـت والخـافـي
يـا كـثـر مايـمـر فــي بـالـي ويأتيـنـي =
شيـن يحـرك ركـون القلـب لــي شـافـي
لكن لا من صحيـت وقلـت يـا سنينـي =
ويـن الـفـرح والسـعـاده ويـنـه الـوافـي
يـرد لـي صـوت خافـي بينـك وبيـنـي =
أثره صدى صوت روحـي مابـه اخلافـي
اتغيب شمـس الحقيقـه بيـن الأثنينـي =
لكـن يبقـى الغـلا لـو صــارت اعجـافـي
اصبر على الجرح لو هو باين ابعيني =
احـاول انسـى واسلـي الــروح بالقـافـي
اتـمـر الأيــام عجـلـى والشـقـا فـيـنـي =
أحــس لوعاتـهـا يــا ذا الـزمــن كـافــي
يا هاجس الشعر وقف ويـن مسرينـي =
وقـف ولا تبـيـح الـلـي بالـصـدر خـافـي

[على النيه]

|| يآ لوحة الحب بالاقدار محكومه ..||
http://www.b3b7.com/vb/showthread.php?t=111041 (http://www.b3b7.com/vb/showthread.php?t=111041)

الحـب مثـل البحـر مـا كـلـن ايعـومـه =
به موت وفيه الحيـاه وصعبـه أمواجـه
الموت بامواجه اليـا جـات مسمومـه =
تذبـح خفوقـك وقلبـك يصعـب اعـلاجـه
ويـدور فيـك الزمـن وتـكـره احلـومـه =
يضيـق كـل الفضـا تصغـر لـك افجاجـه
وتموت الاحلام وتصبح حيل معدومه =
وتضـيـع كــل الأمـانـي تـهـدم ابـراجــه
واما حياتـه ليـا مـن خليـت اهمومـه =
دايـم تعيـش ابسعـاده ساطـع اسـراجـه
اوصفه كنـه سمـا ساطعتـن انجومـه =
هـذا هـو الحـب نـوره صـون منهـاجـه
ياكثـر ياكـثـر مانـقـرا عــن اعلـومـه =
قصص جميلـه وكلـن يضحـك احجاجـه
يـا لوحـة الـحـب بـالاقـدار محكـومـه =
نفرح اليـا زان ونصبـر لابـدا اعجاجـه
ياقلـب عـود بـعـد مابـانـت ارسـومـه =
مـالـك ومــال الشـقـا ودروب منـعـاجـه
ارتـاح خـل العنـا لا تلـبـس اهـدومـه =
الحب متعب ومزعـج مـا ابـي ازعاجـه
الحـب مـثـل البـحـر ماكـلـن ايعـومـه =
به موت وفيه الحيـاه وصعبـه أمواجـه

[على النيه]

مدخل _

ياهي صعيبه شوفتك وأنت مجروح
......................... مجروح من هم الليالي والأيام
ماهي حسافه فيك أنا أعزي الروح
........................ اواسي النفس الحزينه بالأوهام

.
.


.
.

احلامـنـا بالطفـولـه كـيـف ننـسـاهـا =
........................... ولحظاتها اللي مضت دايم تنادينا


ايــــام راحــــت ولــكــنّ انـتـمـنـاهـا =
............................. حنينهـا يردنـا تعـبـت خطاويـنـا


نصبح ونمسي \ سعادتنا بذكراهـا =
....................... ماتـروح مِعـنـا مـثـل مـاهـي أساميـنـا


بها الصدق والبـراءه طيـب مبداهـا =
......................... لـكــن تحقـيـقـهـا مــاهــو بـأيـاديـنـا


واليوم دارت سنيـن العمـر برحاهـا =
......................... كـلـن غــدا بالـزمـن مـاتـت أمانيـنـا


وسحـايـب أحلامـنـا تـفـرقـت مـاهــا =
........................ تـاهـت بـنـا أيامـنـا كـثـرت شقاويـنـا


ولت سنين الطفوله ماسرع اخطاها =
......................... مـرت سريعـه وذكراهـا بـقـت فيـنـا
.
.