طل الصباح ...بحضور الملك عبدالله..............

[سعيّدالعمودي]

http://up.ftahilah.com/up/uploads/c85a8d0057.mp3 (http://www.khozamanajd.com/vb/redirector.php?url=http://up.ftahilah.com/up/uploads/c85a8d0057.mp3)

نورٍ جلى عن ظلمة الليل جلباب=وطل الصباح اللي بالافراح معمور
والشعر لو انه حجر كان ينساب=يذوب من شوقه احاسيس وشعور
وشلون دام ان الولاء روح والباب=مااسرج من القيفان واشعل من النور
شعرٍ يغنيني على عود زرياب=ويقرا على الدنيا ترانيم طاغور
هذا ملك! والا بلا.. مدح والقاب=الصدق يقرا دون تفسير وسطور
الشعب حبه (صدق)والحب غلاب=دايم بذكرك وانت بالخير مذكور
عدلت واحبطت الجرايم والارهاب=وجبرت في عطفك اسى كل مكسور
من يوم رحت وخافق الشعب منصاب=طالع وشف رسمك بالاعماق محفور
ذهبت في رحله له رد وايجاب=وشفناك عقب السقم عافي ومسرور
غـايـب وفـي صـدر الـمـلايـيـن مـاغـاب=هـذا الغياب اللي مواصيل وحضور
جـمـعـت مـن حـبـك قـريـبـيـن واجـنـاب=اجمع عليك الشعـب والامر بالشور
لاجـلـك يـابـومـتـعـب بـلاقـيـد وحـسـاب=نـفـديـك والـلي صـد ماهـو بـمعذور
شعبك وفـي والخـيـر باطـراف الاسـباب=وايـامـنـا (دونك) مـسـا حـاتـهـابـور
والـلي رخـص بـعـيـون شـعـبه ولاهـاب= الـيـوم دمــه بـيـن الاقـطـار مهـدور
والا انت ماارخصت الوطن لاجل كذاب=والشعب من عطفك مـرّفه ومـيـسـور
يوم الدول صارت رهــيـنه لــلاحــزاب=حنا لنا شـرع الـولـي خـيـر دسـتـور
حزبك ترى شعبك على كـيد الاغــراب=دون الوطن ندحر طغى كـل مـغــرور
كان الولاء زلّه ترى الشـعـب مــاتــاب=يبقى على عـهـدك بلا ضعف وقصـور
وان طبت كل الشعب يـاســيـدي طـاب=شفـهم عـلـى باب الـمـطارات طابــور
نخيل وصلك (مزن) والـمزن ســكــاب=احـسـاس صـادق لاتـــمـلــق ولا زور

[مجنونة فاهمة]

صح لساانك مليوووون ولا يكفوون

يعطيك العافية

[على النيه]

يستاهل ملكنا ابو متعب
وصح لساانك حتى الرضا
شاعرنا الرائع \ سعيّد العمودي
ابيات راائعه واكثر
ونص يختال جمالا وينبض صدقا ووفاء
سلمت وسلم بنانك
دمت بكل الخير

[ليته يجي]

العمــودي/ صح لسانك وعلااااشانك

ويستاهل والدنا ابو متعب حفضة الله واطال بعمرة

[¨`*:• قهر•:*¨`]

سعيد
سلمت وسلم بوحك الراقي
لاتحرمنا
الجديد

مودتي

[ولد السبهان]

ابدعت يالطربه
سلم بوحك ولسانك يالعمودي

ننتظر جديدك

[الزميلي]

صح لسانك وع،ــتلا شـأنكٍ
ابــداع بمع،ــنى الكلمهٍ
لـأ تحرم،ــنـأ جديدك

[الخيالي]

رائعه سلم فكرك وابداعك
لاتحرمنا نزفك الراقي

[الـ ساري]

شاعرنا العزيز
سعيد العمودي
قصيده قمه في الجمال والروعة
وجودك معنا في المنتدى شرف لنا كلنا
فأنت شاعر كبير وجزل

صح لسانك ملايين
ولا هنت يا شاعرنا
وننتظر منك الجديد دائماً

[عثرة مشاعر]

صح لسااانك مليوووون اخوي ابدعت ماقصرت

ربي يعطيك العافية

[مكحل النمله]

هلا فيك مليون رائع بسلاسة حرفك الأخاذ والرائع

صح لسانك

[حبي طلال]

صح أإحسأإسك‘ وصح‘بدنك
ابهرتني كلمآأتك الرائعه..سلمت يمـنآأك
لاهآأن عطآأك الزآخر,
لك فآأئق الود~}..

[سعيّدالعمودي]

كل سعاده
بحضورك الغالي

[ظماي وماي]

ابدعت ماقصرت
حماك الله