عايشة ياعايشة

[حد السيف]

ياعايشه .. من قال ذا عيش .. كذّاب=من ذمّة الشبعان .. لا ذمّة الجوع؟
ياعايشه .. والسالفه ماهي انساب=ولا هيب عادات وتقاليد وطبوع
ياعايشه .. لو هي على فاس حطّّاب=كان الحطب مبطي من السدر مقطوع
والكلمة اللي بالنحو مالها إعراب=مرفوعةٍ بالنصب .. أو نصب مرفوع
نتبع ورى الممنوع مانحسب حساب=وضعنا بقولة ( كل ممنوع متبوع )
مخدوع..منهو يحسب الوقت له طاب=واللي يصدّق جاير الوقت مخدوع
عذر الدموع اللي تحرّش بالأهداب=لو باقي فيه اهداب تتحمل دموع
ماكان بعتك يالرضا بأشري عتاب=ولارحت مبسوطٍٍ .. وعوّدت مفجوع
يمرّني الاسبوع وجروحي زهاب=ويروح .. وانا اعدّ بأيّام الأسبوع
وش عاد لو كنّا اْهل وديان وشعاب=أو حبّنا عالوسم مذري ومزروع
ماعاد به ذيبٍ في الضان طلاّب=والضان بين مصوّب وبين مصروع
ياعايشه والناسك اللي بمحراب=يشهد له المحراب .. وخشوعه خشوع
لومك على العرقوب .. ياعضّة الداب=والطامنه .. تفهق اليا قالوا ... طلـوع
ياعايشه ..والجوع له شلف وحراب=حتى الرغيف اصبح مثل حبّة الكوع
ومقطوع مثلك..ماله احباب واقراب=ياعايشه .. ماهو من الله مقطوع
رزقك على ربٍّ ليا انصكت ابواب=يفك باب لكل مبلي وموجوع
من قال ماحدن مات من الجوع ..كذّاب=وش يدرّي الشبعان .. كم مات من الجوع ؟

[فايز شمر]

انتقاء رائع

الله يعطيك العافيه وصح لسان شاعرها..

[" الطربة "]

..لا هنت ع الاختيار الرايق

شكرا

[سـ1ـطـ1ن]

سلمت الذائقه الراقيه وسلم قايلها

كل الود والتقدير

[بوح المشاعر]

يعطيك الف عافيه
نص ررائع
سلمت اياديك
ودمت بالف خير

[ريشة فنان]

شـكــ وبارك الله فيك ـــرا لك ... لك مني أجمل تحية .

[سهر]

تسلم اخوي على الاختيار الرائع
وصح لسان شاعرها

[على النيه]

من قال ماحدن مات من الجـوع ..كـذّاب
وش يدرّي الشبعان .. كم مات من الجوع ؟



معبر جدا هذا البيت
وابيات رائعه واكثر
سلمت لرقي ذآئقتك ,,

[الخيالي]

نص ررائع
سلمت اياديك
ودمت بالف خير